CamNews

ព័ត៌មានអន្តរជាតិ ៖ ទីភ្នាក់ងារសារព័ត៌មានបរទេស អាស៊ីវ័ន កាលពីវេលាល្ងាចថ្ងៃពុធម្សិល
មិញនេះ​​  ចេញផ្សាយអត្ថបទ អោយដឹងថា  ​ យុវវ័យដែលជាអ្នកញៀនលេងហ្គេមម្នាក់ បាន
ស្លាប់បាត់បង់ជីវិត    ដោយសារតែគាំងបេះដូង  ពោលគឺ  ក្រោយពីគាត់បានចំណាយពេល
លើសពី  ១៥  ម៉ោងឯណោះ  ក្នុងការអង្គុយលេងហ្គេម  នៅឯហាងអ៊ិនធើណេតកាហ្វេក្បែរ
ផ្ទះមួយកន្លែង។

គួររំឭកផងដែរថា ករណីខាងលើនេះ  បានកើតឡើងនៅឯផ្ទះជនរងគ្រោះដោយមានទីតាំង
ស្ថិតនៅក្នុងក្រុង GEORGE TOWN​ ប្រទេសម៉ាឡេស៊ី   ។  ដោយឡែក ប្រភពសារព័ត៌មាន
ដដែលបន្ថែមថា  ​ ជនរងគ្រោះខាងលើ  បានអង្គុយសម្ងំលេងហ្គេមនៅឯហាងអ៊ិនធើណេត
កាហ្វេមួយកន្លែងនោះ   ចាប់តាំងពីម៉ោង  ១០ យប់ ថ្ងៃអាទិត្យ  រហូតដល់ម៉ោង ១ រសៀល
ថ្ងៃច័ន្ទ​ ទើបគាត់រត់ត្រលប់មកផ្ទះវិញ ។   តែទោះជាយ៉ាងណាក៏ដោយ   មកទល់នឹងខណៈ
នេះមិនទាន់មានរបាយការណ៍ណាមួយ  បញ្ជាក់អោយដឹងថា   ហ្គេមអនឡាញដែលជនរង
គ្រោះលេងមុនពេលស្លាប់នោះ ជាហ្គេមអនឡាញមានឈ្មោះអ្វីអោយពិតប្រាកដនោះទេ។

ស្រ្តីជាម្តាយវ័យ ៦២  ឆ្នាំ ឈ្មោះ   Chew Qun Juan  ផ្តល់ជាកិច្ចសម្ភាសន៍អោយដឹងថា កូន
ប្រុសតែមួយគត់របស់គាត់រូបនេះ    បានចាប់ផ្តើមញៀនលេងហ្គេម  ចាប់តាំងពីគេឈប់ធ្វើ
ការងារនៅឯភោជនីយដ្ឋានមួយកន្លែង កាលពី ៥   ខែមុន  ពោលគឺ ក្រោយពីគេមានគ្រោះ
ថ្នាក់ចរាចរណ៍។  ដោយទទួលរងរបួសដៃស្តាំជាខ្លាំង  គេក៏បានសម្រេចចិត្តឈប់ធ្វើការ ។
ជារឿយៗ នាងខ្ញុំតែងទូន្មានថា កុំលេងហ្គេមច្រើនពេកវាមិនល្អនោះទេ តែគេមិនដែលស្តាំ
នោះឡើយ។

ជាការពិត កូនបុ្រសរូបនេះ  នាងខ្ញុំខំចិញ្ចឹមបីបាច់យ៉ាងលំបាក ក្រោយពីឪពុករបស់គេបាន
ស្លាប់ដោយសារជម្ងឺបេះដូងកាលពី   ១៥ ឆ្នាំមុន ។ ​ គ្មាននរណាម្នាក់អាចដឹងថា​ខ្ញុំមានទុក្ខ
ក្រៀមក្រំប៉ុណ្ណានោះទេ តែអ្វីដែលនាងខ្ញុំសង្ឃឹមតែមួយគត់នោះគឹ គួរណាយកករណីលើក
នេះជាគំរូស្រាប់ ពោលគឺ មិនត្រូវញៀនលេងហ្គេមពេកនោះទេ។

គួររំឭកផងដែរថា    ជនរងគ្រោះដែលជាយុវវ័យ  វ័យក្មេងស្លាប់នៅក្នុងហេតុការណ៍ខាងលើ
នេះមានឈ្មោះ    Ong  Yee Haw វ័យ ២៣ ឆ្នាំ  ត្រូវបានរកអោយឃើញថា អង្គុយដេកស្លាប់
ដោយអោនមុខក្រាបចុះ នៅពីលើក្តារចុចកំព្យូទ័រ វេលាម៉ោង ៤ ល្ងាចក្នុងបន្ទប់របស់គេ៕

ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖

- ស្លាប់ម្នាក់ ក្រោយមានការបំផ្ទុះ​ គ្រាប់បែកច្នៃ ពីមុខការិយាល័យ គណបក្ស
- ត្រីជិត ៨ តោន ងាប់អណ្តែតត្រា ពេញផ្ទៃទឹកទន្លេ បង្កជាភាព ភ្ញាក់ផ្អើលទូទាំងប្រទេស
- ផ្អើលជម្លៀសខ្លួន ចេញពីយន្តហោះ ខណៈមានអគ្គីភ័យ ឆាបឆេះយ៉ាងសន្ធោសន្ធៅ
- រកឃើញផូស៊ីល សត្វចម្លែក មានអាយុកាលរស់នៅ ១៥ លានឆ្នាំមុន
- ដុតសម្លាប់កូនស្រីតូច ចោលក្នុងធុងសម្រាម រួចប៉ុនប៉ងធ្វើអត្តឃាត

ប្រែសម្រួល ៖ កុសល
ប្រភព ៖ អាស៊ីវ័ន