ការស្លៀកពាក់ ៤ប្រភេទ សម្រាប់រដូវត្រជាក់ ដែលតារាកូរ៉េឡង់សេច្រើនបំផុត

ម៉ូដែល

ការស្លៀកពាក់ ៤ប្រភេទ សម្រាប់រដូវត្រជាក់ ដែលតារាកូរ៉េឡង់សេច្រើនបំផុត

12:25 PM 27.11.2013
Print Email

នៅក្នុងរយៈពេលចុងក្រោយនេះ សម្លៀកបំពាក់ទាន់សម័យសម្រាប់រដូវរំហើយ និងរដូវរងា ដែល
មានលក្ខណៈសាមញ្ញ ប៉ុន្ដែមានប្រសិទ្ធិភាពក្នុងការបញ្ចេញសម្រស់ ត្រូវបានក្រុមតារាកូរ៉េជាច្រើន
ឡង់សេជាបន្ដបន្ទាប់។

ប្រសិនមានបំណងចង់ចម្លងស្ទីលពីក្រុមតារាល្បីៗរបស់កូរ៉េខាងត្បូង ក្នុងការស្លៀកពាក់សម្រាប់
រដូវត្រជាក់នេះ វាមិនជាការលំបាកនោះទេ ព្រោះថា ថ្មីៗនេះ គេបានឃើញតារាស្រីកូរ៉េជាច្រើនរូប
បញ្ចេញស្ទីលថ្មីៗនៅទីសាធារណៈ។

អាវយឺត Sweater/Sweatshirt + សំពត់ខ្លី

ដោយមានរាងរូវបែប “ផ្សឹតតឿ” Tiffany (SNSD) បានបង្ហាញខ្លួនដោយមោទនភាពទីសាធារណៈ
ជាមួយនិងអាវយឺត sweatshirt ដៃវែងក្រាស់ មានរូបក្ដាន់ bambi ដ៏ស្រស់ស្អាត របស់ Givenchy
ជាមួយនិងសំពត់ខ្លីលើគល់ភ្លៅ។ ការប្រើប្រាស់ឈុតខ្មៅនេះ បានជួយឱ្យនាង លាក់បាំងបាននូវ
រូបរាងដ៏ខ្លីរបស់ខ្លួន។

Jia (B.E.G) បញ្ចេញសម្រស់របស់ខ្លួន ក្នុងឈុតអាវយឺត sweater ជាមួយសំពត់ខ្លីពណ៌ខ្មៅ ធ្វើ
អំពីស្បែក និងស្បែកជើង ankle boots ។ ខ្សែ.ក statement ក៏ជាកត្ដាមួយ ជួយបង្កើនភាពថ្លៃថ្នូរ
របស់ឈុតសម្លៀកបំពាក់នេះ។

Jessica (SNSD) ហាក់ដូចជាតារាបង្ហាញម៉ូដដ៏ពិតប្រាកដ ដោយសារប្រើប្រាស់អាវយឺត sweater
ពាក់រួមជាមួយសំពត់ខ្លី និងស្បែកជើងកវែង។

Jihyun របស់ 4minute ស្រស់ស្អាត គួរស្រឡាញ់ ក្នុងឈុតអាវចាក់ពីរពណ៌ និងសំពត់ខ្លី ស្បែក
ពណ៌ស្ករ។