ធ្វើយ៉ាងណាដើម្បីចៀសវាង សក់ឆាប់ស្កូវ ?

សម្រស់

ធ្វើយ៉ាងណាដើម្បីចៀសវាង សក់ឆាប់ស្កូវ ?

10:30 PM 02.10.2013
Print Email

ការពិសោធបែបវិទ្យាសាស្ដ្រជាច្រើន ក្នុងរយៈពេលច្រើនឆ្នាំចុងក្រោយនេះ បង្ហាញថា សមាសធាតុមួយចំនួនក្នុងរាងកាយ និងពណ៌របស់សក់ មានទំនាក់ទំនងនឹងគ្នា ដូច្នេះការថែទាំសក់ដោយយកចិត្តទុកដាក់ជាប្រចាំ នឹងអាចជួយពន្យាពេល មិនឱ្យសក់ឆាប់ស្កូវ។

សក់ឆាប់ស្កូវ ដោយសារតែខ្វះជាតិបំប៉ន

ជាក់ស្ដែងបានបង្ហាញថា ការខ្វះប្រូតេអ៊ីន និងរបបអាហារបំប៉នមិនមានតុល្យភាពក្នុងរយៈពេលយូរ គឺជាមូលហេតុមួយដែលនាំឱ្យសក់ឆាប់ស្កូវ។ ក្រៅពីនេះ ការខ្វះជាតិដែក ជាដើមក៏អាចនាំឱ្យសក់ឆាប់ស្កូវបានដែរ។ ជាតិដែក មានច្រើននៅក្នុងស៊ុត ថ្លើម ផ្សិត ក្បាលបង្កង សណ្ដែកស្ងួត។ល។

ការពិសោធផ្នែកពេទ្យវិទ្យាមួយ បានឱ្យដឹងថា របបអាហារដែលខ្វះវីតាមីន ក្រុម B ដូចជា B1, B6, B2 ក្នុងពេលវែង ជាមូលហេតុសំខាន់ធ្វើឱ្យសក់របស់អ្នកមិននៅខ្មៅបានយូរ ដូច្នេះ គួរតែបន្ថែមអាហារដែលមានផ្ទុកវីតាមីនខាងលើឱ្យបានច្រើននៅក្នុងពេលបាយ។ អាហារដែលសម្បូរវីតាមីនក្រុម B មានដូចជាប្រភេទសណ្ដែក ថ្លើមសត្វ បេះដូង ទឹកដោះគោ ស៊ុត និងបន្លែមានស្លឹក។

អាហារមួយចំនួន ដែលមានប្រយោជន៍ដល់សក់

យោងតាមក្បួនពេទ្យបុរាណ សក់ឆាប់ស្កូវ គឺបណ្ដាលមកពី ថើ្លម តម្រងនោម និងឈាម មានបញ្ហា ប៉ុន្ដែអ្នកអាចហូបអាហារខាងក្រោមឱ្យបានច្រើន ដើម្បីជួយធ្វើឱ្យសក់នៅខ្មៅបានយូរ ៖

- អាហារឆ្អិន ៖ សណ្ដែកខ្មៅ ល្ងរខ្មៅ បាយដំណើមខ្មៅ សណ្ដែកក្រហម ។ល។
- ប្រភេទបន្លែ ៖ ស្ពៃជើងទា ការ៉ុត ស្ពៃក្ដោមពណ៌ស្វាយ ផ្សិតខ្មៅ។ល។
- សាច់សត្វ ៖ សាច់ពពែ សាច់គោ ថ្លើមជ្រូក ឆ្លើងសមុទ្រ។ល។
- ផ្លែឈើ ៖ ទំពាំងបាយជូខ្មៅ ប៉ោម ពុទ្ទ្រា ។ល។
- ចំណែកល្ងខ្មៅ ក៏ជាថ្នាំបុរាណព្យាបាលសក់ឆាប់ស្កូវ។

ជាទូទៅ បណ្ដាអាហារដែលមានពណ៌បៃតង ក្រហម លឿង និងស្វាយ គឺសុទ្ធសឹងមានផ្ទុកសារជាតិដែលទទួលឥទ្ធិពលពីកំដៅថ្ងៃ ហើយវាបង្កើតបានជាជាតិដែកដែលអាចយកមកផ្គត់ផ្គង់ដល់រាងកាយ ពិសេសគឺវាមានប្រយោជន៍ដល់ការរក្សាពណ៌ខ្មៅរបស់សក់។

ដោយ ៖ តារា
ប្រភព ៖ XX