CamNews

យើងធ្លាប់បានដឹងជាច្រើនមកហើយ នូវព័ត៌មានចចាមអារ៉ាមស្តីពី Galaxy S7 ហើយសម្រាប់ពេលនេះ គឺជាវីដេអូ និងបណ្តារូបភាព Render នៃស្មាតហ្វូនស៊េរីខ្ពស់បំផុតរបស់ Samsung នៅពាក់កណ្តាលដើម ឆ្នាំនេះ។ ផ្អែកទៅលើរូបភាព និងវីដេអូ យើងនឹងឃើញវា ដូចទៅនឹងបណ្តាព័ត៌មានចចាមអារ៉ាម ដែល យើងធ្លាប់បានអានកន្លងទៅ ដូចជា៖ ការរចនាម៉ូតដូចនឹង Galaxy S6, កាមេរ៉ាក្រោយមិនសូវលយ លៀនចេញមកក្រៅ, មានរន្ធបន្ថែមមេម៉ូរីក្រៅប្រភេទ microSD ដែលបំពាក់នៅផ្នែកខាងលើ, USB-C ជាដើម។ តាមព័ត៌មានចចាមអារ៉ាមកាលពីមុន បានឲ្យដឹងថា សម្រាប់ម៉ូដែល Galaxy S7 Edge ក្រុមហ៊ុន Samsung នឹងបង្កើនទំហំអេក្រង់ឡើងដល់ 5,5-inch។

ខាងក្រោមនេះ គឺជាបណ្តាព័ត៌មានចចាមអារ៉ាមថ្មីៗបំផុត ស្តីពី Galaxy S7 និង S7 Edge ៖

• ទំហំអេក្រង់ពីរផ្សេងគ្នា: Galaxy S7 នៅតែមានអេក្រង់ទំហំ 5,1-inch, Galaxy S7 Edge នឹងមានអេក្រង់ ទំហំ 5,5-inch។ ទាំងពីរម៉ូដែលនេះ នឹងបំពាក់អេក្រង់ប្រភេទ Super AMOLED បង្ហាញកំរិតភាពច្បាស់ បានដល់ 1440x2560 (Quad HD)។
• គាំទ្រ microSD, អាចការពារជម្រាបទឹកស្តង់ដារ IP67
• ថាមពលថ្ម Galaxy S7 នឹងបង្កើនឡើងដល់ 3000mAh (បើប្រៀបជាមួយនឹង 2550mAh របស់ S6)។ ចំណែកថាមពលថ្មរបស់ Galaxy S7 Edge នឹងកើនដល់ 3600mAh (បើប្រៀបនឹង 2600mAh របស់ Galaxy S6 Edge)
• CPU Exynos 8 Octa 8890 8 គ្រាប់ ឬ Qualcomm Snapdragon 820
• RAM 4GB, អង្គផ្ទុកទិន្នន័យ 32GB ឬ 64GB
• កាមេរ៉ាក្រោយថយមកនៅត្រឹម 12MP (បច្ចុប្បន្នគឺ 16MP), បង្កើនសមត្ថភាពថតរូបក្នុងទីងងឹត ជាមួយ នឹង aperture f/1.7 (បើប្រៀបនឹង aperture f/1.9 មាននៅលើ S6)។ កាមេរ៉ាមុខនៅតែ 5MP
• កាមេរ៉ាក្រោយ ត្រូវបានកែប្រែដោយមិនសូវលយចេញមកក្រៅជាងមុនច្រើន
• ស្មាតហ្វូនកំពូលទាំងពីរម៉ូដែលនេះ នឹងបង្ហាញណែនាំខ្លួននៅក្នុងខែកុម្ភះ ឆ្នាំនេះ
• ការរចនាម៉ូតមួយភាគធំដូចនឹង S6 និង S6 Edge សព្វថ្ងៃនេះ

ប្រែសម្រួល៖ មង្គល
ប្រភព៖ androidheadlines, tinhte