Galaxy Note 5 ម៉ូដែលស៊ីមពីរ នឹងមានកន្លែងបន្ថែម មេម៉ូរីក្រៅ microSD?
តាមរបាយការណ៍មួយមានប្រភពពីតៃវ៉ាន់ បានឲ្យដឹងថា Galaxy Note 5 ម៉ូដែលប្រើស៊ីមពីរ មានកន្លែង សម្រាប់បន្ថែមមេម៉ូរីក្រៅ microSD ហើយសម្រាប់ម៉ូដែលប្រើស៊ីមមួយ គឺមិនមានដដែល ដូចទៅនឹង ព័ត៌មានចចាមអារាមកាលពីពេលមុនៗ។
ជាក់ស្តែង ចំនុចនេះក៏ដូចទៅនឹងបណ្តាស្មាតហ្វូនមួយចំនួន ដែលបានបង្ហាញវត្តមាននៅលើទីផ្សារ កាលពីពេលថ្មីៗនេះផងដែរ គឺអ្នកប្រើប្រាស់អាចជ្រើសរើសបានតែមួយ ក្នុងចំណោមជម្រើសពីរ ពោល គឺអ្នកអាចដាក់ស៊ីមដើម្បីប្រើស៊ីមបានពីរ ឬក៏អាចដាក់មេម៉ូរីកាត ដោយប្រើស៊ីមតែមួយ ដោយសារតែ កន្លែងសម្រាប់បន្ថែមមេម៉ូរីក្រៅនេះ នៅរួមជាមួយកន្លែងដាក់ស៊ីមទីពីរ តែម្តង។ នេះគឺជាមុខងារមួយ ដែលកំពុងតែទទួលបានការពេញនិយម ពីមួយថ្ងៃទៅមួយថ្ងៃ គិតចាប់ពីពាក់កណ្តាលឆ្នាំមុនមក។
លទ្ធភាពច្រើនម៉ូដែល Note 5 ប្រើបានស៊ីមច្រើន នឹងអាចមានវត្តមានតែនៅលើទីផ្សារមួយចំនួន ដែលបានកំណត់ដោយក្រុមហ៊ុនតែប៉ុណ្ណោះ ប៉ុន្តែសម្រាប់នៅពេលនេះ អ្វីៗគឺគ្រាន់តែជាព័ត៌មាន ចចាមអារាមនៅឡើយទេ។ ដូច្នេះសម្រាប់ព័ត៌មានជាក់លាក់ មានតែការរង់ចាំនៅថ្ងៃបង្ហាញខ្លួនជា ផ្លូវការខាងមុខឆាប់ៗនេះប៉ុណ្ណោះ។
បើតាមប្រភពព័ត៌មានពីតៃវ៉ាន់ដដែល ក៏បានឲ្យដឹងបន្ថែមថា Note 5 នៅក្នុងទីផ្សាររបស់គេ នឹងមាន តម្លៃលក់ថោកជាងមុនប្រហែល ៣០ ដុល្លារអាមេរិច បើប្រៀបជាមួយនឹង Note 4 កាលពីមុន៕
ប្រែសម្រួល៖ ករុណា
ប្រភព៖ tinhte
- Samsung លក់ Galaxy S7 បានរហូតដល់ 55 លានគ្រឿង (02/05/2017 11:57:00)
- ប្រធានាធិបតី ធ្លាក់ពីតំណែង លោកស្រី Park ត្រូវចាប់ឃាត់ខ្លួនហើយ ប្រឈមមុខជាប់ពន្ធនាគារ ១០ឆ្នាំ (31/03/2017 10:22:00)
- តុលាការ ចេញសេចក្តីសម្រេច ចាប់ឃាត់ខ្លួន អតីតប្រធានាធិបតី ធ្លាក់ចេញពីតំណែង ក្រោយរងព្យុះភ្លៀងរឿងអាស្រូវ (31/03/2017 09:22:00)
- ២០ឆ្នាំក្នុងគុក?? ថៅកែ Samsung ដៃជាប់ខ្នោះ កំពុងតែជូបទុក្ខធំ ចំពេល ប្រធានាធិបតី ធ្លាក់ចេញពីតំណែង (13/03/2017 16:31:00)
- Samsung ព្រមលក់ផ្ទាំងអេក្រង់ OLED ឲ្យ Apple ក្នុងតម្លៃ ៤.៣ពាន់លានដុល្លារ ដើម្បីបំពាក់លើ (14/02/2017 14:45:00)
- មកដល់ថ្មីហើយ! Sugar Y7 Max ស្មាតហ្វូនដាំត្បូងរចនាបថថ្មី បង្កើននូវភាពទាក់ទាញលើសពីតម្លៃ (20/01/2017 13:46:00)
- Galaxy S8 Plus នឹងមានអេក្រង់ទំហំ 6.2 inch និងកាមេរ៉ាភ្លោះ? (14/01/2017 09:46:00)
- Galaxy S8 បង្ហាញខ្លួនក្នុងវីដេអូផ្សាយពាណិជ្ជកម្មរបស់ Samsung (14/01/2017 09:16:00)
- រូបភាពពិតបំផុត មិនធ្លាប់មានពីមុនមក របស់ Galaxy S8 បានបង្ហាញខ្លួន (12/01/2017 10:04:00)
- DigiTimes: Samsung Display នឹងជាអ្នកផ្គត់ផ្គង់ panel AMOLED តែមួយគត់ដល់ iPhone 2017 (30/12/2016 14:02:00)
ទូរស័ព្ទ ដែលមើលច្រើន
