CamNews

ព័ត៌មានអន្តរជាតិ ៖ ហោចណាស់ មនុស្ស ១១ នាក់ បាន   ស្លាប់បាត់បង់ជីវិត  បន្ទាប់ពីយន្តហោះ យោធាសហរដ្ឋអាមេរិក "Hercules" ធ្លាក់ និងផ្ទុះឆេះ នៅឯអាកាស  យានដ្ឋាន ប្រទេស​អាហ្វហ្គានី ស្ថាន នេះបើយោងតាមការគូសបញ្ជាក់ដោយផ្ទាល់ ពីសំណាក់យោធា អាមេរិក ។

យន្តហោះ យោធាសហរដ្ឋអាមេរិក "Hercules" ឬ The C-130 បាន  ជួបគ្រោះអកុសលធ្លាក់និងផ្ទុះ ឆេះនៅវេលាម៉ោង ៧ និង ៣០ នាទី យប់ថ្ងៃព្រហស្បត្តិ៍ យប់មិញនេះ នៅឯអាកាសយានដ្ឋានអន្តរ ជាតិ Jalalabad ។ កងទ័ពសហរដ្ឋអាមេរិក តំណែងជា   វីរៈសេនីយឯក  លោក​ Brian Tribus ផ្តល់ ជាកិច្ចសម្ភាសន៍ដល់សារព័ត៌មាន AFP អោយដឹងថាជនរងគ្រោះ ៦ នាក់ដែលបានស្លាប់នោះ​គឺជា ក្រុមការងារបម្រើការអោយយោធាសហរដ្ឋអាមេរិក ខណៈ  ជនរងគ្រោះស្លាប់ផ្សេងទៀត គឺជាក្រុម ម៉ៅការឯកជន ។

គួរបញ្ជាក់ថា យន្តហោះ យោធាសហរដ្ឋអាមេរិក "Hercules"    ឬ  The C-130 មានទំនួលខុសត្រូវ ខ្ពស់ទៅលើការដឹកជញ្ជូនទ័ព និងស្បៀង​។ សេចក្តី រាយការណ៍ បញ្ជាក់អោយដឹងថា កងទ័ពសហ រដ្ឋអាមេរិក ជិត ១០,០០០ នាក់ កំពុងតែឈរជើង    នៅ  ទឹកដី ប្រទេស​ អាហ្វហ្គានីស្ថាន បន្ទាប់ពី មានគម្រោងផែនការដកទ័ពជាបណ្តើរៗ ត្រូវបាន    ផ្លាស់ប្តូរ នាដើមឆ្នាំនេះ ។ លោកប្រធានាធិបតី សហរដ្ឋអាមេរិក បារ៉ាក់ អូបាម៉ា សន្យាអោយដឹងថា នឹងមានវត្តមាន ទ័ពអាមេរិក បរិមាណតិចតួច តែប៉ុណ្ណោះនៅក្នុងប្រទេស អាហ្វហ្គានីស្ថាន ពោល  ដាក់ អោយឈរជើង នៅស្ថានទូតអាមេរិក នា ចុងឆ្នាំ ២០១៦ ខាងមុខនេះ ។

     បញ្ជាក់ ៖ រូបភាពឯកសារ យន្តហោះធន់តែមួយ Hercules ធ្លាក់​កាលពីអតីតកាលនៅឥណ្ឌូនេស៊ី

សេចក្តីរាយការណ៍ ពីអង្គការ ណាតូ​ អោយដឹងថា  ទ័ព   បរទេស ប្រមាណ ១០០០ នាក់ កំពុងតែ មានវត្តមាននៅមូលដ្ឋាន ភាគខាងកើត  ប្រទេស  អាហ្វហ្គានីស្ថាន​ តំបន់ដែលគ្រោះអកុសលធ្លាក់ យន្តហោះខាងលើបានកើតឡើង ។ បណ្តាទ័ពបរទេស ទាំងអស់នោះ កំពុងតែធ្វើការ សហការណ៍ រួមគ្នាជាមួយនឹងទ័ព អាហ្វហ្គានីស្ថាន ជាង ៤០,០០០ នាក់ ៕

- អាន ៖ ជនរងគ្រោះស្លាប់ ដោយសារយន្តហោះ យោធា Hercules ធ្លាក់ និងផ្ទុះឆេះ ចំសណ្ឋាគារ កើនឡើងជាបន្តបន្ទាប់

- អាន ៖ "ភ័យខ្លាច" នៅតែតាមលងបន្លាច អោយតែ ឃើញនិងឮយន្តហោះ ហោះកាត់ដំបូងផ្ទះ ក្រោយ Hercules ធ្លាប់ចំសណ្ឋាគារ

ប្រែសម្រួល ៖ កុសល

ប្រភព ៖ ប៊ីប៊ីស៊ី