CamNews

ព័ត៌មានអន្តរជាតិ ៖ ក្រុមអ្នកជំនាញសិក្សា ខាងរញ្ជួយដី ប្រទេសម៉ាឡេស៊ី (រញ្ជួយដីវិទូ) បានលើក ឡើងអោយដឹងថា វាគឺជាការពិបាក ក្នុងការព្យាករណ៍អោយជាក់លាក់ ពី គ្រោះរញ្ជួយដី ប៉ុន្តែ ក្រុម មន្រ្តីជាន់ខ្ពស់ ពីរដ្ឋ Sabah អះអាងអោយដឹងថា ប្រផ្នូលអាក្រក់ ថាអាច នឹង បញ្ហាណាមួយជាក់ជា មិនខាន មួយថ្ងៃ មុននឹងមានគ្រោះរញ្ជួយដី និងភ្នំ Kinabalu ។

គួរបញ្ជាក់ កម្លាំងរញ្ជួយដីភ្នំ ដល់ទៅ ៦ រ៉ិចទ័រ នៅថ្ងៃសុក្រ កន្លងទៅនេះ នៅលើកោះ Borneo នោះ បានឆក់យកអាយុជីវិត មនុស្ស ១៦ នាក់ ក្នុងនោះ ក្នុងចំណោមអ្នកស្លាប់ មានមួយចំនួនជាសិស្ស សាលាបឋម ។ ក្រុមការងារជួយសង្គ្រោះ កំពុងតែស្វែងរក សពបាត់ខ្លួន ២ នាក់ផ្សេង ទៀត ។ អនុ ប្រធានរដ្ឋមន្រ្តី រដ្ឋ Sabah លោក​ Joseph Pairin Kitingan អោយដឹងថា   សោក នាដកម្មលើកនេះ ទំនងជាផ្សាភ្ជាប់ និងអាចកើតមានឡើងទៅបាន ដោយក្រុមភ្ញៀវទេសចរ  ពី   លោកខាងលិចមួយ ក្រុម ដែលថ្មីៗនេះ ពួកគេបានផ្តិតយករូបថតអាក្រាតកាយ និងលើកំពូលភ្នំ ក៏ដូចជា ជេរ និង ដាក់​បណ្តាសា ទៅលើ មគ្គុទេស ទេសចរណ៍ ក្នុងស្រុក មួយរូប​ ដែលព្យាយាម ហាមពួកគេ   មិនអោយ ថតរូបអាក្រាត ។ សេចក្តីរាយការណ៍ បញ្ជាក់អោយដឹងថា ប្រជុំរូបភាព អាក្រាតកាយ  ល្វែងលើ ពី ក្រុមភ្ញៀវទេសចរ បានសាយភាពពេញពិភពអ៊ិនធើណេត ក្នុងនោះ លោក Pairin បន្តអោយដឹងថា និន្នាការ ពីភ្ញៀវទេសចរទាំងនេះ​ហើយ បានធ្វើអោយ ដួងព្រលឹង ភ្នំ មានសេចក្តី ក្រោធខឹង ។

ពួកយើង បានចារទុកសោកនាដកម្មលើកនេះ គឺជារឿងដែលមិនអាចបំភ្លេចបាន  ដែល ថា អបិយ ជំនឿក្នុងស្រុក ពិតជាមិនអាចរំលោភបំពាន ឬមិនគោរព បានឡើយ ។ មុនគ្រោះ  រញ្ជួយភ្នំមួយថ្ងៃ គេឃើញមានហ្វូងបក្សី ហោះឆ្វែល ក្នុងរយៈពេលកន្លះម៉ោង ខណៈនេះជាសញ្ញាណ  គ្រោះអាក្រក់

គួរបញ្ជាក់ ពលរដ្ឋក្នុងស្រុក រដ្ឋ Sabah មានជំនឿថា ភ្នំ Kinabalu គឺជាទីសក្ការៈ   នៃ ក្រុមបុព្វបុរស របស់ពួកគេ ។ មិនគ្រប់ពលរដ្ឋ រដ្ឋ Sabah មានជំនឿជាក់ ថាគ្រោះអាក្រក់លើកនេះបណ្តាលមកពី ភ្ញៀវទេសចរអ៊ឺរ៉ុប ទាំងអស់គ្នានោះទេ ប៉ុន្តែ ភាគច្រើននៃពួកគេបានលើកឡើងថា សកម្មភាពរបស់ ភ្ញៀវទាំងនោះ គឹជាការ ប្រមាថ ដ៏  ធ្ងន់ធ្ងរ  ។ "  ខ្ញុំមិនអាចបញ្ជាក់ ឬនិយាយ បានថា គ្រោះរញ្ជួយភ្នំ លើកនេះ គឺបណ្តាលមកពីភ្ញៀវ  ទេសចរ  អ៊ឺរ៉ុប  ពិតមែន ឬក៏អត់នោះទេ ។ ពួកយើងរស់នៅសង្គម ទាន់សម័យ ស៊ីវិល័យ ប៉ុន្តែ ពួកយើង   ក៏ មានជំនឿជាក់ ទៅលើ អបិយជំនឿក្នុងស្រុក ដែលត្រូវតែ គោរពនិងប្រតិបត្តិ" នេះគឺជាការលើកឡើង ពីសំណាក់ មគ្គុទេស ទេសចរណ៍នាំភ្ញៀវឡើងភ្នំលោក Supni ៕

- អាន ៖ រញ្ជួយភ្នំ សម្លាប់ សិស្សសាលាបឋម ច្រើននាក់ និងគ្រូបង្រៀន ផ្ទុះក្តីអាណិត អាសូរ ទូទាំងប្រទេស

ប្រែសម្រួល ៖ កុសល

ប្រភព ៖ ប៊ីប៊ីស៊ី