CamNews

ក្នុងការប៉ះទង្គិចគ្នាដែលបានឈានដល់ថ្ងៃទី ៤ រវាងអ៊ីស្រាអែល និងកងប្រដាប់អាវុធ
ប៉ាលេស្ទីន នៅតំបន់ហ្គាហ្សា មានគ្រាប់កាំជ្រួច ២៤០ដើម ត្រូវបានបាញ់ ខណៈដែល
ចំនួនប្រជាជនប៉ាលេស្ទីន បានស្លាប់កើនឡើងដល់ ២៥នាក់។

កងកម្លាំងការពាររបស់អ៊ីស្រាអែលបានអោយដឹងថា យ៉ាងហោចមានកាំជ្រួច ៤០គ្រាប់ត្រូវ
បានបាញ់ចូលមកកាន់អ៊ីស្រាអែលកាលពីម្សិលមិញ ក្នុងនោះមានគ្រាប់មួយចំនួនបានធ្លាក់
ក្បែរក្រុង Tel Aviv ចម្ងាយ ៤០គ.ម ខណៈដែលមួយគ្រាប់ផ្សេងទៀតបានធ្លាក់មកចំក្រុង
Ashdod កន្លែងដែលមានប្រជាជនប្រមាណជា ២០០.០០០នាក់រស់នៅ។

ចំណែកប៉ាលេស្ទីនវិញ មានជនស៊ីវិលយ៉ាងតិច ២នាក់ និងកងប្រដាប់អាវុធ ៤នាក់បានស្លាប់
ក្នុងការទម្លាក់គ្រាប់បែករបស់អ៊ីស្រាអែលនៅតំបន់ហ្គាហ្សាកាលពីម្សិលមិញ។

ការទម្លាក់គ្រាប់បែកថ្មីនេះបំផុត បានធ្វើអោយកងប្រដាប់អាវុធ ២នាក់នៅភាគខាងកើតក្រុង
ហ្គាហ្សាបាត់បង់ជីវិត។

អ៊ីស្រាអែលបានអោយដឹងថា កាំជ្រួចជាង ២៤០គ្រាប់ត្រូវបានបាញ់ចេញពី ហ្គាហ្សាចូលទៅ
អ៊ីស្រាអែលចាប់តាំងពីថ្ងៃសុក្រសប្ដាហ៍មុន បណ្ដាលអោយមនុស្ស ៣៥នាក់ត្រូវរងរបួស។
ការប៉ះទង្គិចថ្មីបំផុតនេះបានចាប់ផ្ដើមកាលពីថ្ងៃសុក្រ នៅពេលដែលអ៊ីស្រាអែលបានទម្លាក់
គ្រាប់បែកលើរថយន្ដមួយគ្រឿងនៅក្រុង ហ្គាហ្សា បណ្ដាលអោយមេបញ្ជាការកងប្រដាប់
អាវុធ លោក Zohair al-Qaisi អគ្គលេខាគណកម្មធិការប្រជាជនតស៊ូ(PRC) ដែលជាចលនា
គាំទ្រកងកម្លាំង Hamas ដែលបច្ចុប្បន្នកំពុងគ្រប់គ្រងតំបន់ហ្គាហ្សា រួមជាមួយនឹងជំនួយការ
២នាក់របស់គាត់បានស្លាប់។

បន្ទាប់ពីករណីស្លាប់ខាងលើ កងកម្លាំងប្រដាប់អាវុធនៅហ្គាហ្សា បានបាញ់កាំជ្រួចជា
បន្ដបន្ទាប់ទៅក្នុងតំបន់ភាគខាងត្បូងអ៊ីស្រាអែល។

អាមេរិកបានថ្កោលទោសការវាយប្រហារដោយកាំជ្រួចនោះថា ជាការ �កំសាក� ខណៈដែល
សម្ព័ន្ធអារ៉ាប់បានហៅការទម្លាក់គ្រាប់បែករបស់អ៊ីស្រាអែលថាជាការ�សម្លាប់រង្គាល�។

អគ្គលេខាធិការអង្គការសហប្រជាជាតិ លោក Ban Ki-moon បានសំដែងការព្រួយបារម្ភចំពោះ
អំពើហិង្សានេះ និងបានជំរុញអោយអ៊ីស្រាអែលអត់ធ្មត់។

ចំណែកនាយករដ្ឋមន្ដ្រីអ៊ីស្រាអែល លោក Benjamin Netanyahu បានអះអាងថា ប្រទេសខ្លួន
នឹងបន្ដការទម្លាក់គ្រាប់បែក និងបានប្រកាសថា �នឹងចាត់ការទៅលើក្រុមណាដែលវាយ
ប្រហារមកលើប្រជាជនអ៊ីស្រាអេល�៕