ពិសោធទម្លាក់ Galaxy Note7 ជាមួយ Note 5 និង iPhone 6s ដើម្បីរក “អ្នកខ្លាំង” (វីដេអូ)
Samsung មានមោទនភាពបង្ហាញនូវម៉ូដែល Galaxy Note 7 ថ្មីដែលទើបនឹងបង្ហាញខ្លួន ដោយ
មានកញ្ចក់ការពារ Gorilla Glass 5 ដែលធន់ជាងបើធៀបនឹងកំណែកញ្ចក់ Gorilla Glass មុនៗ។
ប៉ុន្តែ វីដេអូពិសោធមួយដែលត្រូវបាន YouTuber ឈ្មោះ Zach Straley បង្ហោះកាលពីពេលថ្មីៗនេះ
បង្ហាញថា Gorilla Glass 5 មិនបានរឹងមាំដូចអ្វីដែល Samsung បានឃោសនានោះទេ។
Zach Straley បានធ្វើការពិសោធ ដោយទម្លាក់ Note 7, Note 5 និង iPhone 6s ដើម្បីប្រៀបធៀប
ភាពរឹងមាំ ហើយបានរកឃើញថា Note 7 ដែលត្រូវបានគេឃោសនាថា ធន់នឹងការប៉ះទង្គិចបំផុត
បែរជាបានប្រេះស្រាំមុនគេទៅវិញ។ ចំណែក Note 5 ដែលបំពាក់កញ្ចក់ Gorilla Glass 4 បែរជា
ស្មាតហ្វូនដែលរឹងមាំជាងគេបំផុត។
នៅពេលគេទម្លាក់ពីលើកំពស់ប្រហែលមួយម៉ែត្រ ស្មាតហ្វូនទាំងបី មានស្នាមកូតបន្តិចនៅត្រង់ជ្រុង
ទូរស័ព្ទ (ទម្លាក់បញ្ឈរ)។ ប៉ុន្តែ Galaxy Note7 ត្រូវប្រេះកញ្ញក់ខាងខ្នង នៅពេលគេទម្លាក់ដោយ
ផ្ដេក។ រីឯ Note 5 មិនមានបញ្ហាអ្វីនោះទេ បើទោះខ្នងរបស់វាធ្វើឡើងអំពីកញ្ចក់។
ការពិសោធដោយទម្លាក់ពីលើកំពស់ត្រឹមត្រចៀក Galaxy Note 5 នៅតែបន្តបង្ហាញថា ខ្លួនជា
ស្មាតហ្វូនរឹងមាំបំផុត ខណៈដែល iPhone 6s និង Galaxy Note7 ត្រូវស្រាំអេក្រង់។ អេក្រង់របស់
Galaxy Note 5 បានបែក តែនៅពេលគេទម្លាក់ពីកំពស់ជាង ២ម៉ែត្រ។
ប៉ុន្តែ ខណៈដែលអេក្រង់ថាច់របស់ Galaxy Note7 នៅតែដំណើរការបាន ក្រោយពីការទម្លាក់
ស្មាតហ្វូន Galaxy Note 5 និង iPhone 6s បែរជាមិនអាចដំណើរការបាន។ ជាងនេះ iPhone 6s
ថែមទាំងខ្ទាតប៊ូតុង Home ចេញក្រៅទៀតផង។
យ៉ាងនេះក្ដី ការពិសោធនេះ ត្រូវបានធ្វើឡើងដោយមិនមានភាពយុត្តិធម៌ប៉ុន្មាន ព្រោះថា វាត្រូវ
បានទម្លាក់ដោយដៃមនុស្ស គឺមិនមែនដោយម៉ាស៊ីននោះទេ៕
ប្រែសម្រួល ៖ បុត្រា
ប្រភព ៖ youmobile
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ទូរស័ព្ទ ដែលមើលច្រើន
