CamNews

ស្វែងរកកំរិតខ្ពស់
ព័ត៌មានបច្ចេកវិទ្យា 

ចិនបាញ់បង្ហោះស្ថានិយអវកាស Tiangong-2 ដោយជោគជ័យ

នៅវេលាម៉ោង ២២ (ម៉ោង ២១ នៅកម្ពុជា) ថ្ងៃទី ១៥កញ្ញា ប្រទេសចិនបានបាញ់បង្ហោះស្ថានិយ
អវកាសទីពីរដែលមានឈ្មោះថា Tiangong-2 ពីមជ្ឈមណ្ឌលបាញ់បង្ហោះផ្កាយរណប Jiuquan
(Jiuquan Satellite Launch Center) នៅសមុទ្រខ្សាច់ Gobi។

Tiangong-2 គឺជាបន្ទប់ពិសោធមួយដែលស្ថិតក្រោមការបញ្ជាពីមនុស្សដែលចិនចង់ហោះហើរជុំ
វិញពិភពលោក ចាប់ពីឆ្នាំ ២០២២។ Tiangong-2 មានប្រវែង ១៥ម៉ែត្រ។

តាមគម្រោង នៅខែក្រោយ អវកាសចរចិនពីរនាក់នឹងឡើងទៅកាន់ Tiangong-2 ហើយចាប់ផ្ដើម
ធ្វើការសិក្សាស្រាវជ្រាវ។ ក្រុមអវកាសចរនេះនឹងធ្វើការនៅលើ Tiangong-2 រយៈពេលមួយខែ។
នៅពេលឡើងដល់ស្ថានិយអវកាសនេះ អវកាសចរនឹងធ្វើការពិសោធអំពីការផ្ទុះកាំរស្មី gamma
និងរូបវិទ្យាសារធាតុរាវជាដើម ក្រៅពីនេះ ពួកគេក៏នឹងពិសោធអំពីការលូតលាស់របស់រុក្ខជាតិក្នុង
លំហអវកាសផងដែរ។

មកដល់ពេលនេះ ចិនបានចាត់ទុកការស្រាវជ្រាវអវកាសគឺជាអាទិភាពរបស់ជាតិ និងជាប្រទេស
ទីបី បន្ទាប់ពីសូវៀត (រុស្ស៊ី) និងអាមេរិក ដែលបាននាំមនុស្សឡើងទៅកាន់អវកាស។

កម្មវិធីអវកាសរបស់ចិន ត្រូវបានចាប់ផ្ដើមធ្វើឡើងយ៉ាងយកចិត្តទុកដាក់ ចាប់ពីឆ្នាំ ២០១១ ដោយ
ការបាញ់បង្ហោះស្ថានិយ Tiangong-1 ។ ស្ថានិយនេះបានឈប់ដំណើរការ នៅដើមឆ្នាំនេះ ប៉ុន្តែវា
នៅតែហោះហើរជុំវិញគន្លងគោចរផែនដី។ តាមគម្រោង Tiangong-1 នឹងវិលមកកាន់ផែនដី នៅ
ខែមិថុនា ឆ្នាំ ២០១៧។

Tiangong-3 នឹងជាជំហានចុងក្រោយក្នុងដំណាក់កាលនៃការបង្កើតស្ថានិយអវកាសដែលមានមនុស្ស
បញ្ជាដំបូងរបស់ចិន។ ប្រទេសចិនក៏បានកំណត់ទិសដៅថានឹងនាំមនុស្សឡើងទៅកាន់ឋានព្រះចន្ទ
នៅឆ្នាំ ២០២៤ ហើយតាមគម្រោង ប្រទេសនេះក៏នឹងបញ្ជូនយានអវកាសមួយគ្រឿងឡើងទៅកាន់ភព
ព្រះអង្គារនៅឆ្នាំ ២០២៥ផងដែរ៕

ប្រែសម្រួល ៖ បុត្រា
ប្រភព ៖ space


Tags: អវកាស,  ចិន,  Tiangong-2

ព័ត៌មានបច្ចេកវិទ្យា ដែលមើលច្រើន

ការសិក្សារបស់ Visa បង្ហាញពីឱកាសនៃការទូទាត់ប្រាក់តាមរយៈទូរស័ព្ទដៃ នៅតំបន់អាស៊ីប៉ាស៊ីហ្វិក

ជាងពាក់កណ្តាល (៥៥%) នៃអតិថិជននៅអាស៊ីប៉ាស៊ីហ្វិកជ្រើសរើសការទូទាត់ដោយដាក់ទូរស័ព្ទដៃប៉ះនៅកន្លែងបញ្ជរគិតប្រាក់ដំណោះស្រាយទទួលការបង់ប្រាក់ដោយ......

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

លោក ព្រាបសុវត្ថិ កំពូលតារាចម្រៀងប្រចាំប្រទេសកម្ពុជាក្លាយជាអគ្គរាជទូតសុឆន្ទៈប្រចាំក្រុមហ៊ុន ISUZU

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

កម្មវិធី ជាង 2000 apps លើ Google Playstore អាចបង្កគ្រោះថ្នាក់ ដល់អ្នកប្រើ

ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney...