CamNews

ក្រុមការងាររបស់ Apple បានជួបប្រជុំជាមួយនឹងក្រុមមន្ត្រីរដ្ឋាភិបាលនៃរដ្ឋ California ភិភាក្សា
អំពីការនាំយករថយន្តស្វ័យប្រវត្ត របស់ Apple មកដំណើរការសាកល្បងជាក់ស្ដែង។

The Guardians បានឱ្យដឹងថា Apple ក្រុមការងាររបស់ Apple បានជួបប្រជុំជាមួយនឹងក្រុម
មន្ត្រីរដ្ឋាភិបាលនៃរដ្ឋ California ភិភាក្សាអំពីការនាំយករថយន្តស្វ័យប្រវត្ត របស់ Apple មក
ដំណើរការសាកល្បងជាក់ស្ដែង។

ក្នុងកិច្ចប្រជុំនេះ តំណាងផ្នែកច្បាប់​របស់ Apple បានជួបពិភាក្សាជាមួយតំណាងស្ថាប័នផ្នែក
គ្រប់គ្រងយានយន្តរបស់រដ្ឋ California ដើម្បីស្នើសុំសាកល្បងរថយន្តស្វ័យប្រវត្ត នៅតាមដង
ផ្លូវ។

ការអនុញ្ញាតឱ្យបណ្ដារថយន្តស្វ័យប្រវត្ត រត់នៅតាមដងផ្លូវក្នុងក្រុង គឺមិនមែនជាបញ្ហាធម្មតា
នោះទេ ព្រោះវាទាក់ទិននឹងសុវត្ថិភាពរបស់ប្រជាជនដែលធ្វើដំណើរតាមដងផ្លូវ។ ដើម្បីទទួល
បានការអនុញ្ញាត ក្រុមហ៊ុន Apple ត្រូវតែបង្ហើបទាំងស្រុងនូវឯកសារដែលទាក់ទិននឹងគម្រោង
នេះ ទៅឱ្យអាជ្ញាធរបានដឹង ដើម្បីអាចវាយតម្លៃលើសមត្ថភាពរបស់រថយន្ត។

តំណាងអាជ្ញាធរ មិនបានប្រាប់ឱ្យដឹងអំពីខ្លឹមសារនៃកិច្ចប្រជុំខាងលើ ប៉ុន្តែ បានទទួលស្គាល់
ថា Apple ចង់ពិនិត្យឡើងវិញអំពីច្បាប់ដែលទាក់ទិននឹងរថយន្តបើកបរដោយស្វ័យប្រវត្ត។
ដូច្នេះ ពាក្យចចាមអារ៉ាមស្ដីពីរថយន្តស្វ័យប្រវត្តរបស់ Apple កាន់តែមានមូលដ្ឋានហើយវានឹង
ក្លាយជាការពិត។

សកម្មភាពរបស់ Apple ថ្មីៗនេះ ដូចជា ការស្វែងរកទីតាំងសាកល្បងរថយន្ត ការជ្រើសរើស
CEO Fiat Chrysler សម្រាប់គម្រោងថ្មី និងការសហការជាមួយក្រុមហ៊ុនរថយន្ត BMW គឺកាន់
តែឱ្យគេដឹងថា គម្រោងរថយន្តស្វ័យប្រវត្ត របស់ Apple គឺមានពិត​ហើយរថយន្តទាំងនោះ​នឹងត្រូវបានគេយកមកសាកល្បងតាមដងផ្លូវនាពេលខាងមុខ។

ដូចទៅនឹងបណ្ដាផលិតផលមុននេះ ដូចជាស្មាតហ្វូន ឬនាឡិកាឆ្លាតវៃជាដើម បើទោះ មិន
មែនជាអ្នកបង្កើតឡើងមុនគេ ប៉ុន្តែ Apple គឺជាអ្នកបង្កើតផលិតផលល្អបំផុត។ ដូច្នេះ គម្រោង
រថយន្តស្វ័យប្រវត្តរបស់ក្រុមហ៊ុននេះ ប្រាកដជាទាក់ទាញការយកចិត្តទុកដាក់ពីមនុស្សទូទាំង
​​ពិភពលោក ហើយគំរាមដល់ Google និងបណ្ដាក្រុមហ៊ុនរថយន្តផ្សេងៗ៕

ប្រែសម្រួលដោយ ៖ តារា
ប្រភព ៖ the gardian