CamNews

ជាមួយនឹងកុមារមួយចំនួននៅក្បែរវាលសំរាម Dandora នៅ Kenya អាហារសំណល់នៅទីនេះ
គឺជាចំណីតែមួយគត់របស់ពួកគេ ដូច្នេះ សាលាមិនមានមូលហេតុអ្វីដើម្បីដាក់ទោស នៅពេល
ពួកគេគេចសាលាដើម្បីចេញទៅវាលសំរាមនោះឡើយ។

ប្រមាណជា ៥គម ពីរដ្ឋធានី Nairobi វាលសំរាម Dandora គឺជាកន្លែងរកទទួលទានរបស់ប្រជា
ជនជាច្រើននៅ Kenya។ Dandora ​គឺជាវាលសំរាមមួយក្នុងចំណោមវាលសំរាមធំបំផុតនៅទ្វីប
អាហ្វ្រិក។ ជារៀងរាល់ថ្ងៃ មនុស្សរាប់ពាន់នាក់បានមកកាន់ទីនេះដើម្បីរើសសំរាម​ ពួកគេត្រូវ
ចំណាយពេលប្រមាណជា ៣ម៉ោង ទើបអាចរកបានប្រហែល ២.០០០រៀល។

លោហធាតុ កៅស៊ូ ជ័រ គ្រឿងអេឡិចត្រូនិច ជាដើម គឺជារបស់ដែលត្រូវបានអ្នករើសសំរាមនៅ
ទីនេះស្វែងរកជាងគេ។ យោងតាមច្បាប់បរិស្ថានអន្ដរជាតិ វាលសំរាមនេះត្រូវបានបិទទ្វារកាលពី
១៥ឆ្នាំមុន។ គណកម្មការទីក្រុង Nairobi ​បានអោយដឹងថា ពួកគេកំពុងមានគម្រោងនឹងរើកន្លែង
ចាក់សំរាមនេះទៅកាន់ទីតាំងផ្សេង។

បច្ចុប្បន្ន គេបានដឹងថា មានមនុស្សប្រមាណជា ៦.០០០នាក់កំពុងធ្វើការអោយក្រុមហ៊ុនកែច្នៃ
សំរាមនៅទីនេះ។ ពួកគេ មមាញឹកជាមួយនឹងសំរាមនៅលើតំបន់ដែលមានទំហំ ១២ហិចតា
និងមានក្លិនស្អុយស្ទើរដកដង្ហើមមិនរួច។ ប្រសិនមានសំណាង​ អ្នករើសសំរាមនៅទីនេះ អាចរក
ប្រាក់បានប្រហែល ២,៥០ដុល្លារ(១ម៉ឺនរៀល)ក្នុងមួយថ្ងៃ។

Julius Macharia មានឈ្មោះហៅក្រៅថា "កូនខ្លា" គឺជាអ្នកយាមទ្វារម្នាក់ក្នុងចំណោមអ្នកយាម
ទ្វារនៅវាលសំរាម Dandora។ រថយន្ដដឹកទំនិញនឹងត្រូវបង់ប្រាក់អោយក្រុមរបស់ Macharia ដើម្បីបានយកសំរាមមកចាក់ចោលទីនេះ។ បើទោះជាអាជ្ញាធរ Nairobi បានប្រកាសថា វាល
សំរាមនេះបានហួសចំណុះចាប់ពីឆ្នាំ ២០០១ ប៉ុន្ដែជារៀងរាល់ថ្ងៃ នៅតែមានសំរាមប្រមាណជា
២.០០០តោន ត្រូវបានគេយកមកចាក់នៅទីនេះ។

បុរសឈ្មោះ Julius Macharia ​នេះ មានការព្រួយបារម្ភខ្លាំងណាស់ចំពោះជីវភាពរស់នៅរបស់
ប្រជាជនដែលអាស្រ័យលើវាលសំរាម Dandora ប្រសិនរដ្ឋាភិបាលបិទទ្វារវាលសំរាមនេះ។
លោកនិយាយថា ៖ "ប្រសិនពួកគេរើវាលសំរាមនេះទៅ យើងខ្ញុំនឹងមិនមាននៅសល់អ្វីទៀត
នោះទេ"។

ការពិសោធមួយកាលពីឆ្នាំ ២០០៧ របស់ទីភ្នាក់ងារបរិស្ថាននៃអង្គការសហប្រជាជាតិ បាន
អោយដឹងថា វាលសំរាមនៅទីនេះមានផ្ទុកសារធាតុសំណច្រើន ដែលអាចធ្វើអោយមនុស្ស
ស្លាប់បាន។ 

ជួនកាលគេឃើញមានរថយន្ដដឹកអាហារសំណល់មកចាក់ចោលនៅវាលសំរាម Dandora។
ពេលរថយន្ដនេះមកដល់ភ្លាម ក៏មានមនុស្សជាច្រើននាំគ្នាមកប្រមូលយកទៅធ្វើជាអាហារប្រចាំ
ថ្ងៃ។

បុរសដែលមានកម្លាំងនឹងអាចដណ្ដើមអាហារសំណល់នេះបានច្រើន ខណៈដែលមានមនុស្ស
ជាច្រើនទៀត រង់ចាំមិត្តភ័ក្ដរបស់ខ្លួនបោះពីលើរថយន្ដនោះមកអោយខ្លួន។

បុរសម្នាក់រកឃើញទឹកដោះគោជូខូចគុណភាពមួយកំប៉ុង គាត់ក៏បានហូបវាភ្លាម។

ការចេញទៅវាលសំរាម គឺជាការងារប្រចាំថ្ងៃរបស់កុមារចំនួន ១/៤ ក្នុងចំណោមសិស្សសាលា
ចំនួន ៨៥០នាក់នៅសាលា St John ក្បែរ Dandora។

Rahab Ruguru ​អាយុ ៤២ឆ្នាំ គឺជាស្ដ្រីម្នាក់ដែលមានកូនចំនួន ៦នាក់។ នាងត្រូវចេញទៅរើស
សំរាមនៅវាល Dandora ដើម្បីរកប្រាក់មកទិញអាហារ បង់ថ្លៃសាលា និងទិញសៀវភៅអោយ
កូនរៀន។ Rahab Ruguru ប្រាប់ថា ប្រសិនវាលសំរាមនេះត្រូវគេរើទៅឆ្ងាយ នាងក៏ចាកចេញ
ពីទីនេះ ព្រោះថា វាលសំរាមមួយនេះគឺជាកន្លែងតែមួយគត់សម្រាប់គ្រួសារនាងរស់នៅ៕

ដោយ ៖ សូរីយ៉ា
ប្រភព ៖ Zing