CamNews

បន្ទាប់ពីបានដឹងថា មានសត្វ Snorlax បង្ហាញខ្លួននៅក្នុង​ឧទ្យាន Beitou ក្នុងក្រុង​តៃប៉ិ (តៃវ៉ាន់)
កាលពីថ្ងៃទី ២០សីហា មនុស្សរាប់​ពាន់នាក់​បានរត់​ចេញទៅ​តាមដងផ្លូវ ដោយ​សង្ឃឹមថា​នឹង​ចាប់
បាន​ Pokemon ដ៏កម្រនេះ​ ធ្វើ​ឱ្យមានការ​ច្របូកច្របល់​ពេញដងផ្លូវ។​

នៅក្នុងហ្គេម Pokemon Go សត្វ Snorlax គឺជា​សត្វមួយ​ក្នុងចំណោម Pokemon ដ៏កម្រ ក្រៅពី
Dragonite, Dragonair, Gyarados និង Pikachu។ ដូច្នេះ នៅពេល​បានដឹងថា​មាន Snorlax បង្ហាញ
ខ្លួន​នៅ Beitou មនុស្ស​រាប់ពាន់នាក់ បាន​រត់ទៅកាន់​ឧទ្យាននេះ​។ ទិដ្ឋ​ភាព​នៃ​មនុស្ស​រាប់ពាន់នាក់
​កំពុង​រត់ទៅរក Pokemon ត្រូវបានអ្នកលេង​ហ្វេសប៊ុកម្នាក់​ថត​បាន និងបង្ហោះនៅលើបណ្ដាញ
សង្គមនេះ ហើយក៏បានទទួល​ការ​ចូលមើល​ ជាង ៣,៥លានលើក និងមាន​អ្នក​ចុច​ចូលចិត្ត ជាង
៣០.០០០លើក ការ​ចែករំលែកឡើងដល់ ២១.០០០លើក រួមនឹង​ការបញ្ចេញមតិ ចំនួនដល់ទៅ
ជាង ១០.០០០លើក។

យោងតាមទំព័រ Time ឧទ្យាន Beitou គឺជា​កន្លែង​ដែល​មាន​ Pokemon ដ៏កម្រច្រើនជាង​ បើធៀប
នឹង​កន្លែងដទៃនៅលើកោះតៃវ៉ាន់។ ដូច្នេះ នៅឧទ្យាននេះ តែងតែមានមនុស្ស​ច្រើន​ ហើយក្នុង
ចំណោមនោះ ក៏មាន​ក្រុមខ្លះ បាន​បង្កភាពច្របូកច្របល់​ ខ្វះសណ្ដាប់ធ្នាប់នៅទីសាធារណៈ។ 
មានពេលខ្លះ អាជ្ញាធរ ត្រូវប្រើកម្លាំង​ ទើប​អាច​បំបែក​ក្រុម​មនុស្សនេះបាន។

មួយថ្ងៃក្រោយមក (២១សីហា) ទូរទស្សន៍ TVBS ក៏បាន​ចេញផ្សាយ​នូវទិដ្ឋភាព​មនុស្សរាប់ពាន់នាក់
ក្នុងនោះ មានទាំងកុមារ និង​មនុស្សពេញវ័យ នាំ​គ្នា​រត់ដេញចាប់ Pokemon នៅឧទ្យាន Beitou 
តែលើនេះ គឺសត្វ Dragonite។ មនុស្សជាច្រើន​បាន​ប្រៀបធៀបទិដ្ឋភាព​នេះ ដូចទៅនឹង​ភាពយន្ត
Armageddon (ថ្ងៃអវសាន​នៃ​ផែនដី)។

មិនត្រឹមតែ​នៅតៃវ៉ាន់​ប៉ុណ្ណោះទេ តំបន់​ដទៃ​ទៀតក៏​ធ្លាប់មាន​មនុស្ស​រាប់រយនាក់ ដេញចាប់ សត្វ
Pokemon ដ៏កម្រ និង​ខ្លាំង។ មុននេះ កាលពីថ្ងៃទី ១៨កក្កដា អ្នកស្នេហា Pokemon Go ជាច្រើន​​
បាន​ប្រមូលផ្ដុំគ្នា​នៅ​ឧទ្យាន Central Park ក្រុងញូវយ៉ាក អាមេរិក ដើម្បីចាប់ សត្វ Vaporeon។ 
អ្នកខ្លះ ថែមទាំង​ឈប់ឡាននៅកណ្ដាលផ្លូវ រួច​រត់តាម​ហ្វូងមនុស្ស ដោយសង្ឃឹមថា នឹង​ចាប់បាន
​សត្វ​ស្រមោលនេះ។

អំពីមូលដ្ឋាន អ្នករាល់គ្នា​សុទ្ធ​តែ​អាច​ស្វែងរកបាននូវ Pokemon កម្រ នៅកន្លែងដែលវា​បង្ហាញខ្លួន​
ដោយ​មិន​បាច់ដណ្ដើមគ្នា​។ ប៉ុន្តែ ការដែលវា​បង្ហាញខ្លួន​តែក្នុងរយៈពេលខ្លីបែបនេះ គឺជាមូលហេតុ
ដែលនាំ​ឱ្យ​មានមនុស្ស​ច្រើន​ដេញចាប់យ៉ាងដូច្នេះ៕

ប្រែសម្រួល ៖ បុត្រា