CamNews

ស្វែងរកកំរិតខ្ពស់
ព័ត៌មានអន្តរជាតិ 

ឧទ្ធម្ភាគចក្រយោធាអាមេរិច ធ្លាក់ជិតព្រំដែន កូរ៉េខាងជើង

នៅថ្ងៃនេះ ឧទ្ធម្ភាគចក្រយោធាមួយគ្រឿងរបស់អាមេរិច បានធ្លាក់នៅជិតព្រំដែនរវាង កូរ៉េខាងត្បូង
និងកូរ៉េខាងជើង ក្នុងពេលកំពុងហាត់សម រវាងទាហានអាមេរិច និងកូរ៉េខាងត្បូង។

យោធាអាមេរិចម្នាក់ បានឲ្យដឹងថា ឧទ្ធម្ភាគចក្រដែលធ្លាក់នោះ ជាប្រភេទ CH-53 របស់កងទ័ព
ជើងទឹក។ ហេតុការណ៍កើតឡើងនៅស្រុក Cheolwon ជិតព្រំដែនប្រទេសកូរ៉េខាងជើង និងមាន
ចម្ងាយពីសេអ៊ូល ៨៨ គ.ម ពីភាគខាងជើង។ ឧទ្ធម្ភាគចក្រនេះ បានធ្លាក់ក្នុងពេលកំពុងរៀបចំចុះ
ចត ហើយក៏បានឆេះតែម្តង។

មូលហេតុនៃការធ្លាក់នេះ នៅមិនទាន់ច្បាស់នៅឡើយ។ ក្នុងពេលកំពុងជួបគ្រោះថ្នាក់ ឧទ្ធម្ភាគចក្រ
នោះ បានផ្ទុកយោធាចំនួន ១៣នាក់ និងអ្នកបើកនាវា ចំនួន ៣នាក់ ហើយអ្នកទាំងអស់នេះ មិនបាន
ជួបគ្រោះថ្នាក់ដល់អាយុជីវិតឡើយ។

ហេតុការណ៍នេះ បានកើតឡើងក្នុងពេលដែល កំពុងមានស្ថានភាពតានតឹង ជាមួយការគំរាមរបស់
កូរ៉េខាងជើង។ កូរ៉េខាងជើងបាននិយាយថា ការហាត់សមរបស់យោធាអាមេរិច និងកូរ៉េខាងត្បូងនេះ
គឺជាការរៀបចំនៃការឈ្លានពានមួយ ហើយក៏បានឆ្លើយតបទៅវិញដោយសំដីគំរាម ក្នុងវាយប្រហារ
ផងដែរ។

ចាប់តាំងពីដើមខែមុន អាមេរិច និងកូរ៉េខាងត្បូង បានធ្វើការហាត់សមយោធារួមគ្នា ជាបន្តបន្ទាប់ ដែល
បានធ្វើឲ្យកូរ៉េខាងជើង មានការខឹងសម្បារយ៉ាងខ្លាំង។ បច្ចុប្បន្នមានកងទ័ពអាមេរិចចំនួន ២៨.៥០០
នាក់ កំពុងឈរជើងនៅ កូរ៉េខាងត្បូង៕

ដោយ៖ សិលា
ប្រភព៖ VExpress


Tags: U.S. military helicopter,  crashed,  border North Korea,  international news,  social

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......