Samsung នឹងឧទ្ទេសនាម ស្មាតហ្វូនស្រដៀង Galaxy Alpha ៣ ម៉ូដែលផ្សេងទៀត ក្នុងខែកញ្ញា
ពេលដែលអ្នកប្រើប្រាស់ និងសាធារណជន នៅតែមានការភ្ញាក់ផ្អើល ចំពោះការបង្ហាញខ្លួន
របស់ Galaxy Alpha ស្រាប់តែមានព័ត៌មានចចាមអារ៉ាម ដែលនិយាយថា Samsung ត្រៀមឧទ្ទេសនាមបន្ថែមនូវស្មាតហ្វូនលោហធាតុចំនួន ៣ម៉ូដែលថ្មីផ្សេងទៀត។
Sammobile ដែលជាគេហទំព័រមួយ ជំនាញខាងចេញផ្សាយព័ត៌មានទាក់ទិននឹងផលិតផលរបស់
Samsung បានឱ្យដឹងថា ស្មាតហ្វូនលោហធាតុ ចំនួន ៣ម៉ូដែលនេះ ស្ថិតក្នុងស្រឡាយផលិតផល
ថ្មី ដែលមានសញ្ញាសម្គាល់ថា “A” រួមនឹង Galaxy Alpha ។ ម៉ូដែលស្មាតហ្វូនទាំងនេះ ក៏នឹងមាន
ឈ្មោះកូដតាមលំដាប់ គឺ SM-A300, SM-A599 និង SM-A700 ។
Galaxy Alpha ជាស្មាតហ្វូនលោហធាតុដំបូងគេ របស់ក្រុមហ៊ុន Samsung
ទន្ទឹមនឹងព័ត៌មានដែលថា ស្មាតហ្វូនទាំងនេះ នឹងដំណើរការដោយប្រព័ន្ធប្រតិបត្តិ Android 4.4
Kitkat គិតមកដល់ពេលនេះ ក៏មានដំណឹងតែមួយគត់ និយាយថា កំណែ SM-A300 អាចនឹងត្រូវ
បានបំពាក់អេក្រង់ប្រភេទ qHD (540 x 960 pixel) ចំណែក ម៉ូដែល ២ផ្សេងទៀត នឹងប្រើប្រាស់
អេក្រង់ HD ឬ Full HD ។
Galaxy Alpha កំពុងតែធ្វើឱ្យពិភពបច្ចេកវិទ្យា មានការភ្ញាក់ផ្អើល
តាមគម្រោង គេជឿថា ស្មាតហ្វូនទាំង ៣ម៉ូដែលថ្មី ដែលស្ថិតក្នុងស្រឡាយ “A” នេះ នឹងត្រូវបាន
Samsung ឧទ្ទេសនាម ក្នុងព្រឹត្តិការណ៍ Unpacked 2014 នៃពិធីពិព័រណ៍ IFA 2014 ៕
ប្រែសម្រួលដោយ ៖ តារា
ប្រភព ៖ Sammobile/Phonearena
- Samsung Galaxy A7 នឹងបង្ហាញខ្លួនក្នុងទីផ្សារ នៅខែក្រោយ តម្លៃចាប់ពី ៣៥០ដុល្លារ (28/11/2014 10:29:00)
- ក្រុមហ៊ុន Samsung បន្តកិច្ចសហការជាដៃគូព្រឹត្តការណ៍ កីឡាអូឡំាពិក រហូតដល់ឆ្នាំ 2020 (28/08/2014 11:01:00)
- Samsung បង្អួតភាពអស្ចារ្យរបស់ Galaxy Alpha ដែលពុំគួរឲ្យជឿ (15/08/2014 16:25:00)
- Galaxy Alpha អេក្រង់ ៤,៧អិញ តម្លៃជិត ៧០០ដុល្លារ បង្ហាញខ្លួនជាផ្លូវការ (14/08/2014 14:27:22)
- ធ្លាយរូបភាពថ្មីបំផុត របស់ Galaxy Alpha និងពិន្ទុ benchmarks (13/08/2014 15:25:00)
- Samsung Galaxy Alpha អាចនឹងបង្ហាញខ្លួន ក្នុងថ្ងៃពុធ សប្ដាហ៍នេះ (update) (12/08/2014 08:06:29)
ទូរស័ព្ទ ដែលមើលច្រើន
