ទៀតហើយ! ទូរស័ព្ទ Samsung ផ្ទុះឆេះ នៅបារាំង លើកនេះគឺ Galaxy J5
អ្នកប្រើប្រាស់ស្មាតហ្វូន Galaxy J5 របស់ Samsung ម្នាក់នៅបារាំង ថ្មីៗនេះ បានឱ្យដឹងថា ស្មាត
ហ្វូនរបស់នាង បានឡើងកំដៅ រួចឆេះ ហើយក៏ផ្ទុះតែម្ដង។
Samsung Gaxaxy J5
យោងតាមការឱ្យដឹងពីអតិថិជនម្នាក់ដែលប្រើប្រាស់ស្មាតហ្វូន Galaxy J5 នៅបារាំង ថ្មីៗនេះ ទូរ
ស័ព្ទរបស់នាង បានឆេះ និងផ្ទុះ។ ម៉ូដែលនេះខុសគ្នាទាំងស្រុងទៅនឹង Galaxy Note 7 ដែលមាន
បញ្ហាក្នុងការផលិត ហើយត្រូវបានប្រមូលត្រលប់មកវិញទូទាំងពិភពលោក។
Lamya Bouyirdane រស់នៅក្នុងក្រុង Pau ភាគនិរតីនៃប្រទេសបារាំង និងជាម្ចាស់ទូរស័ព្ទ Galaxy
J5 បានឱ្យដឹងនៅលើទំព័រ AP កាលពីម្សិលមិញថា ៖ នៅពេលគ្រួសារនាងកំពុងនៅក្នុងផ្ទះ នាង
បានហៅកូនប្រុសអាយុ៤ឆ្នាំរបស់ខ្លួន ឱ្យយកទូរស័ព្ទមកឱ្យខ្លួន ពេលនោះ នាងដឹងថា ទូរស័ព្ទនេះ
បានឡើងកំដៅខ្លាំង។ Bouyirdane ភ្លាមនោះបានបោះទូរស័ព្ទនេះទៅឆ្ងាយ ព្រោះតែឃើញវាប៉ោង
ឡើងៗ និងមានផ្សែងចេញមកក្រៅ។
ទូរស័ព្ទនេះក្រោយមកបានឆេះ ប៉ុន្តែ ភា្លមនោះ ប្ដីរបស់នាង បានរកវិធីពន្លត់ភ្លើងទាន់ពេល។ អ្នក
រងគ្រោះបានឱ្យដឹងថា នាងបានទិញទូរស័ព្ទនេះកាលពីខែមិថុនា នៅលើគេហទំព័រលក់បញ្ចុះតម្លៃ
មួយ។ Bouyirdane បន្ថែមថា នាងនឹងប្ដឹង Samsung។
Samsung Galaxy J5 ដែលផ្ទុះឆេះ
ក្រុមហ៊ុនកូរ៉េខាងត្បូងថ្មីៗកន្លងទៅនេះ ត្រូវបង្ខំចិត្តប្រមូលត្រលប់មកវិញនូវទូរស័ព្ទ Galaxy Note
7 នៅទូទាំងពិភពលោក ដោយសារតែកំហុសឆ្គងក្នុងការផលិត បណ្ដាលឱ្យថ្មឡើងកំដៅ ឆេះ និង
ផ្ទុះ។ ទាក់ទឹងនឹងករណីផ្ទុះ Galaxy J5 ខាងលើនេះ ក្រុមហ៊ុន Samsung មិនទាន់បញ្ចេញមតិយ៉ាង
ណានៅឡើយ៕
ប្រែសម្រួល ៖ តារា
ប្រភព ៖ cbc
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ទូរស័ព្ទ ដែលមើលច្រើន
