Facebook ត្រូវបានគេប្ដឹងទាមទារសំណង ១ពាន់លានដុល្លារអាមេរិក
Facebook ត្រូវបានគេប្ដឹងទាមទារសំណង ១ពាន់លានដុល្លារអាមេរិក ហើយអ្នកប្ដឹងមិនមានអ្នក
ណាក្រៅពីជនរងគ្រោះក្នុងការវាយប្រហារនៅ Israel, West Bank និង Jerusalem។
បណ្ដាមេធាវី បានដាក់ពាក្យប្ដឹងក្រុមហ៊ុន Facebook ទាមទារសំណង ១ពាន់លានដុល្លារអាមេរិក
ដោយចោទថា ក្រុមហ៊ុន Facebook បានអនុញ្ញាតឱ្យបណ្ដាឧទ្ទាម Hamas របស់ Palestine ប្រើ
ប្រាស់បណ្ដាញសង្គមរបស់ខ្លួន ជាមធ្យោបាយក្នុងការវាយប្រហារ សម្លាប់ជនជាតិអាមេរិក ៤នាក់
និងម្នាក់រងរបួសនៅ Israel, West Bank និង Jerusalem។
“Facebook មានចេតនាផ្ដល់នូវមធ្យបាយ និងកម្លាំងដល់ក្រុម Hamas ក្រោមរូបភាពបណ្ដាញ
សង្គម និងសេវាទាក់ទងរបស់ខ្លួន” នេះបើយោងតាមពាក្យបណ្ដឹងរបស់ជនរងគ្រោះ។
ពាក្យបណ្ដឹងក៏បានសរសេរថា “ត្រឹមតែប៉ុន្មានជំហានសាមញ្ញា Hamas អាចប្រើប្រាស់ Facebook
ជាឧបករណ៍ដើម្បីចូលរួមក្នុងលិទ្ធិភេរវនិយម”។
សហភាពអឺរ៉ុប និង អ៊ីស្រាអែល តាំងពីដើមរៀងមក បានចាត់ទុកក្រុម Hamas ជាក្រុមភេរវកម្
មមួយ។ ពាក្យបណ្ដឹងឱ្យដឹងថា ក្រុមនេះបានប្រើប្រាស់ Facebook ដើម្បីចែករំលែកព័ត៌មានអំពី
សកម្មភាព និងយុទ្ធសាស្ដ្រ ជាមួយនឹងសមាជិក និងអ្នកតាមដាន ព្រមទាំងការបង្ហោះសេចក្
ដីប្រកាសអំពីបាតុកម្មដែលនឹងត្រូវធ្វើឡើងនាពេលខាងមុខ រួមនឹងការបិទផ្លូវនានា ជាមួយនឹង
សកម្មភាពយោធារបស់ អ៊ីស្រាអែល និងការណែនាំដើម្បីធ្វើការវាយប្រហារ។
ក្នុងសេចក្ដីប្រកាសតាមរយៈអ៊ីមេលរបស់ខ្លួន Facebook ឱ្យដឹងថា ខ្លួនមិនមានមតិអ្វីទាក់ទឹននឹង
ពាក្យបណ្ដឹងនេះនោះទេ។ Mushir al-Masri ដែលជាមេដឹកនាំជាន់ខ្ពស់របស់ក្រុម Hamas បានឱ្យ
ដឹងតាមរយៈទូរស័ព្ទថា “ការប្ដឹង Facebook នេះ បង្ហាញច្បាស់ថា គោលនយោបាយរបស់អាមេរិក
កំពុងតែប្រឆាំងនៃសេរីភាពសារព័ត៌មាន និងការបញ្ចេញមតិ។ ហើយវាគឺជាភ័ស្ដុងតាងមួយបញ្ជាក់
អំពីការខូចខាតរបស់អាមេរិក នៅពេលប្រឆាំងទៅនឹងក្រុមនេះ ហើយនេះគឺជាលទ្ធផលរបស់វា”។
ពាក្យបណ្ដឹងត្រូវបានគេបញ្ចូនទៅកាន់តុលាការនៅក្រុង New York កាលពីថ្ងៃទី ១០កក្កដាកន្លង
ទៅ។ ក្រុមអ្នកដើមបណ្ដឹងរួមមាន គ្រួសាររបស់ Yaakov Naftali Fraenkel ដែលជាជនរងគ្រោះ
អាយុ ១៦ឆ្នាំ ត្រូវបានចាប់ជំរិត និងស្លាប់កាលពីខែឧសភា ឆ្នាំ ២០១៤ ក្រោយពីបានជិះដោយសារ
ឡានមួយគ្រឿងនៅ West Bank និងគ្រួសាររបស់ក្មេងអាយុ ៣ឆ្នាំ ឈ្មោះ Chaya Braun ដែលត្រូវ
បានស្លាប់នៅពេលត្រូវរថយន្តរបស់ជនជាតិ Palestine បុកដោយចេតនា កាលពីឆ្នាំ ២០១៤ នៅឯ
ចំណតរថភ្លើងនៅ Jerusalem។
ប្រែសម្រួល ៖ បុត្រា
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានបច្ចេកវិទ្យា ដែលមើលច្រើន
