អាយុ ៥ឆ្នាំ អាចបំបែកលេខសម្ងាត់ នៃកម្មវិធីការពារសុវត្ថិភាព របស់ Microsoft
ដោយគ្រាន់តែចុចជាបន្ដបន្ទាប់ទៅលើគ្រាប់ចុច spacebar និង enter នៅលើក្ដារចុច កុមារាវ័យ
៥ឆ្នាំ មានឈ្មោះថា Kristoffer Von Hassel ក៏អាចហែកលេខកូដសម្ងាត់ នៅលើ Xbox One របស់
Microsoft ។
ថ្មីៗនេះ មានករណីដ៏អស្ចារ្យមួយ បានកើតឡើង ចំពោះម៉ាស៊ីនលេងហ្គេម Xbox One របស់ក្រុម
ហ៊ុន Microsoft ។ កុមារាម្នាក់អាយុ ៥ឆ្នាំ ឈ្មោះ Kristoffer Von Hassel បានរកឃើញកំហុសផ្នែក
ការពារលេខកូដសម្ងាត់ ដែលអាចអនុញ្ញាតឱ្យអ្នកប្រើប្រាស់ មិនបាច់បំពេញលេខកូដសម្ងាត់របស់
console នេះ ហើយអាចចូលទៅលេងហ្គេម។
ករណីនេះ ត្រូវបានរកឃើញ បន្ទាប់ពីពុករបស់ Kristoffer Von Hassel មើលឃើញថា កូនប្រុស
របស់ខ្លួន បានចូលទៅក្នុងគណនីរបស់គាត់បានសម្រេច បើទោះគាត់បានដាក់លេខកូដសម្ងាត់។
វិធីដែល Kristoffer Von Hassel អាចហែកចូលប្រើគណនីនៅលើ Xbox One នេះ បានធ្វើឱ្យអ្នក
ប្រើប្រាស់ព្រួយបារម្ភ ព្រោះវាសាមញ្ញខ្លាំងពេក គឺបន្ទាប់ពីបញ្ចូលលេខកូដសម្ងាត់ខុស កុមារម្នាក់
នេះ បានចុចផ្ទួនៗ ទៅលើ spacebar រួចចុចលើ Enter ។
Kristoffer Von Hassel និងពុកខ្លួន បានរាយការណ៍ដល់ Microsoft អំពីកំហុសនេះ។ ជាការដឹងគុណ
Microsoft បានជូនប្រាក់ចំនួន ៥០ដុល្លារ ហ្គេមចំនួន ៤ប្រភេទ និងការប្រើប្រាស់ Xbox Live ១ឆ្នាំ
ដោយមិនគិតថ្លៃ។
អ្នកប្រហែលជាចង់សាកល្បងហែកគណនីតាមរបៀបនេះ? ប៉ុន្ដែ គួរឱ្យស្ដាយ បន្ទាប់ពីទទួលបាន
របាយការណ៍ភ្លាម Microsoft បានកែលំអកំហុសនេះទៅហើយ! ហើយការហែក Xbox One ទៅ
តាមវិធីខាងលើ ក៏លែងមានប្រសិទ្ធិភាព។
អ្វីដែលគួរឱ្យចាប់អារម្មណ៍ គឹថា នេះមិនមែនជាលើកទីមួយនោះទេ ដែល Kristoffer Von Hassel
ហែកលេខកូដសម្ងាត់បានសម្រេច។ ពុករបស់ Kristoffer Von Hassel ថ្លែងនៅលើទំព័រ 10news ថា
កាលពីទើបអាយុ ១ឆ្នាំ Kristoffer Von Hassel ក៏ធ្លាប់បានរកឃើញវិធីហែកចូលទូរស័ព្ទដៃផងដែរ៕
ប្រែសម្រួលដោយ ៖ តារា
ប្រភព ៖ 10news/Youtube/ Gamespot
- គណនីបណ្ដាញសង្គមម្ចាស់ Faceook ត្រូវបានគេហែកទៀតហើយ (17/11/2016 08:35:00)
- Microsoft ឧទ្ទេសនាម Surface Book ថ្មី ៖ តម្លៃ ២.៤០០ដុល្លារ ប្រើឈីប Core i7 និងថ្ម ១៦ម៉ោង (27/10/2016 09:06:00)
- អ្នកអាចចូលលួចលេខកូដសម្ងាត់របស់ iPhone, MacBook ដោយគ្រាន់តែប្រើហ្វាលអក្សរមួយឃ្លា (23/07/2016 11:13:00)
- មិនបាច់ hack ទេ គណនី Facebook របស់អ្នក ក៏ត្រូវគេលួច ដោយប្រើវិធីសាមញ្ញបំផុត (01/07/2016 09:13:00)
- បិទស្កុតលើម៉ៃក្រូហ្វូនដូចម្ចាស់ Facebook នៅតែត្រូវគេលួចស្ដាប់ ដោយងាយ (24/06/2016 10:24:00)
- Microsoft Lumia 850 មាន Sensor ស្គែនប្រស្រីភ្នែក នឹងបួនពណ៌ផ្សេងគ្នា សម្រាប់ជ្រើសរើស? (14/12/2015 11:57:00)
- លេចចេញរូបរាង Lumia 850 មានកម្រាស់ស្តើង ស៊ុមព័ទ្ធតួស្មាតហ្វូន ធ្វើពីលោហធាតុ (05/12/2015 11:57:00)
- បុគ្គលិក Microsoft ១៨០០ នាក់ រត់បាតជើង ស ព្រាត ខណៈ មានការគំរាម បំផ្ទុះគ្រាប់បែក នៅស្នាក់ការ កណ្តាល (11/11/2015 09:49:00)
- ស្មាតហ្វូន Lumia 550 តម្លៃទាប ប្រើ Windows 10 Mobile បង្ហាញខ្លួននៅខែក្រោយ (22/09/2015 14:59:00)
- អ្នកប្រើ Firefox អាចត្រូវគេលួចទិន្នន័យ តាមរយៈផ្ទាំងឃោសនា ដោយសារកំហុសបច្ចេកទេស (08/08/2015 10:04:00)
ព័ត៌មានបច្ចេកវិទ្យា ដែលមើលច្រើន
