CamNews

ដើម្បីបន្លំភ្នែកមន្ដ្រីគយ ក្រុមអ្នករត់ពន្ធមិនត្រឹមតែរកវិធីល្អៗនោះទេ ពួកគេថែមទាំងអាចរកវិធីសាស្ដ្រ
ច​ម្លែកៗទៀតផង។

កាំភ្លើងត្រូវបានលាក់ក្នុងកណ្ដុរ mickey។ រូបថតនេះត្រូវបានថតនៅឯព្រលានយន្ដហោះ T.F. Green នៃកោះ Rhode របស់អាមេរិក កាលពីថ្ងៃទី ៨ឧសភា។

គយអាឡឺម៉ង់រកឃើញប្រាក់នៅក្នុងនំ កាលពីថ្ងៃទី ១៦មិនា។

Maria del Mar Arjona Rivero អាយុ ១៩ឆ្នាំ កំពុងនាំវ៉ាលីចេញពីពន្ធនាគារ។ ខាងក្នុងវ៉ាលីគឺជាគូស្នេហ៍
របស់នាង ឈ្មោះ Juan Ramirez Tijerina ដែលកំពុងជាប់ទោស។

បុរសអ្នករត់ពន្ធ ជនជាតិ Palestin នាំគោចេញតាមផ្លូវក្រោមដីនៅព្រំដែន Egypt និង Gaza កាលពី
ខែធ្នូ ឆ្នាំ ២០០៨។

មន្ដ្រីគយ Australia បានរកឃើញរបស់ក្មេងលេងមួយដែលមានផ្ទុកថ្នាំញៀន ២៩៣ក្រាម នៅក្នុង
មជ្ឈមណ្ឌលលក់ទំនិញមួយនៅក្រុង Sydney។

កាលពីខែមិថុនា ឆ្នាំ ២០០៥ ក្នុងដំណើរតាមយន្ដហោះពី Singapore ទៅកាន់ Melbourne (Australia)
មន្ដ្រីគយបានរកឃើញស្ដ្រី ម្នាក់លាក់ត្រីរស់​៥១ក្បាលនៅក្នុងអៀមមួយត្រូវបានរចនាឡើងប្រកប
ដោយភាពច្នៃប្រឌិត។

អ្នករត់ពន្ធម្នាក់កំពុងដឹកសេះមួយក្បាលដែលមានផ្ទុកស្រា ធ្វើដំណើរមកកាន់អ៊ីរ៉ង់ កាលពីខែមិនា
ឆ្នាំ ២០១០ នៅក្នុងតំបន់ព្រំដែនក្បែរ Sulaimaniya មានចម្ងាយ ២៦០គម ភាគឦសានរដ្ឋធានី Baghdad។

មន្ដ្រីគយអាឡឺម៉ង់រកឃើញបាល់មានផ្ទុកបារី កាលពីខែមិនា ឆ្នាំទៅ។

នៅខាងក្នុងស្ករគ្រាប់ពងទាទាំងនេះគឺជាថ្នាំញៀន។ ម្ចាស់របស់វា គឺ Esteban Galtes មកពី Miami
រដ្ឋ Florida អាមេរិក។ អ្នកជួញគ្រឿងញៀននេះត្រូវបានចាប់ខ្លួនកាលពីខែធ្នូរ ឆ្នាំ ២០១០។ តម្លៃរបស់
ថ្នាំញៀននេះគឺប្រមាណជា ១០០.០០០ដុល្លារ។

ពស់ត្រូវបានលាក់នៅក្នុងប្រអប់មួយក្នុងមជ្ឈមណ្ឌល់ពាណិជ្ជកម្មអន្ដរជាតិ Melbourne, Australia
កាលពីខែតុលា ឆ្នាំ ២០០៥។

គយ Australia រកឃើញសៀវភៅមួយក្បាលដែលមានផ្ទុកកូនតុកកែចំនួន ៤ក្បាល កាលពីខែមេសា
ឆ្នាំ ២០០៨។

រួមដំណើរជាមួយទ្វារឈើដែលនាំចូលមកពី Mexico​ នេះ គឺថ្នាំញៀន cocaine ៥គក។ មន្ដ្រីគយក្រុង
Sydney ចាប់បានម្ចាស់ រួមនឹងទំនិញខុសច្បាប់ទាំងនេះ កាលពីខែមិថុនា ឆ្នាំ ២០០៥។

កាលពីខែមិថុនាឆ្នាំទៅ មន្ដ្រីគយរបស់ថៃរកឃើញអ្នកដំណើរតាមយន្ដហោះពី Bangladesh ដែល
បាននាំយកអណ្ដើកចំនួន ៤៥១ក្បាលមកកាន់ប្រទេសថៃ នៅព្រលានយន្ដហោះ Suvarnabhumi។
តម្លៃសរុបរបស់អណ្ដើកទាំងនេះគឺ ៣៣.០០០ដុល្លារ។

រូបខាងលើនេះត្រូវបានថតដោយនគរបាលប្រទេស Belgium កាលពីខែតុលាឆ្នាំ ២០០៤ ខណៈ
ដែលពួកគេចាប់បានកង្កែបគេចពន្ធចំនួន ៥០០ក្បាលដែលនាំចូលពី Panama ដោយបុរសជនជាតិ
Belgium ពីរនាក់។ នៅក្នុងទីផ្សារងងឹត តម្លៃកង្កែបប្រភេទនេះមួយក្បាលគឺ ១៥០អ៊ឺរ៉ូ៕

ដោយ ៖ សូរីយ៉ា
ប្រភព ៖ IFN