ទទួលទានអាហារពេលព្រឹក ជួយឱ្យមានសុខភាពល្អ

សុខភាព

ទទួលទានអាហារពេលព្រឹក ជួយឱ្យមានសុខភាពល្អ

03:24 PM 28.02.2013
Print Email

ខួរក្បាលរបស់មនុស្សធ្វើការ ដោយពឹងផ្អែកទៅលើសារធាតុក្លុយកូស (ជាតិស្ករ ដែលបាន
មកពីការធ្វើសំយោគ ពីសារធាតុមេតាប៉ូលីសនៅក្នុងអាហារ) សារធាតុនេះ សំខាន់ណាស់
សម្រាប់សកម្មភាពមួយចំនួន ដូចជា និយាយ គិត ដើរ អាន ចាប់វត្ថុផ្សេងៗ ជាដើម។

សារធាតុមេតាប៉ូលីស អាចដំណើរការទៅបាន លុះត្រាតែ មានជាតិអាហារ នៅក្នុងក្រពះ
របស់លោកអ្នក ។ បើលោកអ្នកព្យាយាមបង្អត់អាហារពេលព្រឹកនោះ ដូចជាលោកអ្នកកំពុង
បញ្ឈប់ប្រព័ន្ធសរីរាង្គ និង បង្ខំឲ្យខួរក្បាលរបស់លោកអ្នក ឱ្យធ្វើការ ដោយគ្មានសារធាតុអ្វី
មួយមកទ្រទ្រង់ដែរ។

ការបង្អត់អាហារ នឹងធ្វើឲ្យខួរក្បាលរបស់លោកអ្នកចុះខ្សោយ ក្នុងការគិត ការដោះស្រាយ
ការចងចាំ ការរំលឹកឡើងវិញ។ល។ អ្នកខ្លះយល់ច្រឡំថា ការបង្អត់អាហារពេលព្រឹកនឹងធ្វើ
ឱ្យគេអាចសម្រកទំងន់ តែផ្ទុយទៅវា កាន់តែធ្វើឱ្យកើនទំងន់ទៅវិញទេ ដោយសារតែការ
បង្អត់អាហារ នឹងធ្វើឱ្យងាប់កោសិការខួរក្បាលមួយចំនួន នៅពេលដែលលោកអ្នកព្យាយាម
បញ្ជាវា ហើយជាតិខ្លាញ់នឹងកើនឡើង ក្នុងរាង្គកាយរបស់លោកអ្នក ដែលធ្វើឱ្យលោកអ្នក
ឡើងទំងន់ទៅវិញ។

ដូច្នេះ សូមលោកអ្នក រីករាយនឹងការទទួលទានអាហារព្រឹក ឱ្យបានទៀតទាត់ទាំងអស់គ្នា
ដើម្បីទទួលបាននូវសុខភាពល្អ និង មានភាពឆ្លាតវៃ៕

ដោយ៖ វណ្ណៈ
ប្រភព៖ health