ការលាក់បំបាំង អ្នកជំងឺ Ebola គឺជាបទឧក្រិដ្ឋធ្ងន់ធ្ងរ នៅក្នុងប្រទេស សេរ៉ាលីអន

សុខភាព

ការលាក់បំបាំង អ្នកជំងឺ Ebola គឺជាបទឧក្រិដ្ឋធ្ងន់ធ្ងរ នៅក្នុងប្រទេស សេរ៉ាលីអន

10:06 AM 25.08.2014
Print Email

ប្រទេសសេរ៉ាលីអន បានបោះឆ្នោតដើម្បីធ្វើការកែប្រែច្បាប់ខាងផ្នែកសុខភាព សារជាថ្មី ដោយដាក់ពន្ធធនាគារ ចំពោះជនណាដែលព្យាយាមលាក់បំបាំងអ្នកជំងឺ Ebola។

អ្នកតាក់តែងច្បាប់ Ansumana Jaiah Kaikai បាននិយាយថា៖ ច្បាប់ថ្មីនេះ ត្រូវបានអនុម័ត កាលពីថ្ងៃសុក្រ ហើយជនណាដែលរំលោភលើច្បាប់នេះ ត្រូវដាក់ពន្ធធនាគាររយៈពេល ២ឆ្នាំ។ គាត់បាន បន្តទៀតថា៖ វិធានការនេះមានសារៈសំខាន់ណាស់ ដើម្បីឲ ប្រជាជនសហការជាមួយមន្ត្រីរដ្ឋាភិបាល។ ការកែប្រែច្បាប់នេះ ធ្វើឡើងដើម្បីដោះស្រាយ បញ្ហានៃការផ្ទុះឡើងនេះ ហើយឥលូវនេះ វាកំពង់រង់ចាំការ យល់ស្របពីប្រធានាធិបតី។

ក្រសួងសុខាភិបាលប្រទេសនេះ បានព្រមានកាលពីខែមិថុនាថា វាគឺជាបទឧក្រិដ្ឋដ៏ធ្ងន់ធ្ងរ ក្នុងការលាក់ អ្នកណាម្នាក់ដែលបានឆ្លងជំងឺ Ebola។

បើយោងតាមអង្គការសុខភាពពីភពលោក ប្រទេសសេរ៉ាលីអន បានទទួលរងគ្រោះ យ៉ាងធ្ងន់ធ្ងរពី ការផ្ទុះឡើងនាពេលថ្មីៗនេះ ដែលយ៉ាងហោចណាស់មាន ៩១០ ករណី និងមានអ្នកស្លាប់រហូតដល់ ៣៩២ នាក់។ នៅអាហ្រ្វិចខាងលិច ចំនួនសរុបនៃអ្នក ដែលបាន ឆ្លងជំងឺមាន ២,៦១៥ នាក់ និង ១,៤២៧ នាក់បានស្លាប់។

បណ្តាប្រទេស នៅអាហ្រ្វិច បានដាក់កំហិតលើការធ្វើដំណើរ ទោះបីជាវាមិនត្រូវបានណែនាំ ដោយ WHO ក៏ដោយ។ ឆ្នេរសមុទ្រ Ivory បានប្រកាសកាលពីថ្ងៃសុក្រថា៖ វាបានបិទ ព្រំប្រទល់ដែលនៅជាប់នឹងប្រទេស ហ្គីណេ និង សេរ៉ាលីអន។ ចំនែកឯ ប្រទេស ហ្គាបុង សេណេហ្គាល់ កាមេរ៉ូន និង អាហ្រ្វិចខាងត្បូង កាលពីពេលថ្មីៗនេះ ក៏បានដាក់កំហិត ព្រំប្រទល់ ចំពោះប្រទេសដែលកើតមានករណី Ebola ផងដែរ។