អំពូលភ្លើងសម្បកតាតុង ប្រើភ្លើង ២១វ៉ាត់ ភ្លឺស្មើ ១៥០វ៉ាត់
អ្នករចនាជនជាតិអាល្លឺម៉ង់ម្នាក់ គឺលោក Johannes Kiessler បានច្នៃនូវអំពូលភ្លើងសម្រាប់ព្យួរ ពិដានមួយប្រភេទដែលមានរូបរាងយ៉ាងចម្លែក និងស្រស់ស្អាត ដោយសម្បកខាងក្រៅរបស់វា ធ្វើ
អំពីកាតុង។
យោងតាមទំព័រទស្សនាវដ្ដី Gizmag ប្រភេទអំពូលភ្លើងនេះ មានឈ្មោះថា Numerouno ទម្ងន់ ៦០០
ក្រាម និងស៊ីភ្លើង ២១វ៉ាត់ ប៉ុន្ដែ បញ្ចេញពន្លឺភ្លឺស្មើនឹងអំពូលភ្លើងធម្មតាកម្លាំង ១៥០វ៉ាត់។ Johannes
Kiessler បានថ្លែងនៅលើគេហទំព័រទស្សនាវដ្ដី Gizmag ថា លោកគឺជាគ្រូបង្រៀនផ្នែករចនាសម្បក
និងគម្របនានា ហើយតែងចាត់ទុកសម្បកកាតុង ជារបស់ដ៏ពិសេសមួយ។ មិនត្រឹមតែមានតម្លៃទាប
ប៉ុណ្ណោះទេ តែកាតុងអាចរក្សាបានរូបរាងដើមស្ទើរទាំងស្រុង ហើយកាតុងប្រមាណជា ៨០% ក៏មាន
លក្ខណៈ ងាយស្រួលនឹងយកមកកែច្នៃទៀតផង។
អំពូលភ្លើង Numerouno ងាយស្រួលបំពាក់លើពិដាន និងងាយស្រួលនឹងតម្លើង ដូចជានៅក្នុងផ្ទះ
បាយ បន្ទប់អាហារ ឬការិយាល័យ។ល។ ប្រភេទអំពូលភ្លើងនេះ ត្រូវបានដាក់លក់នៅអឺរ៉ុប ក្នុងតម្លៃ
១២០ដុល្លារ សម្រាប់មួយឈុត។
Johannes Kiessler បន្ដថា ខ្លួនកំពុងអភិវឌ្ឍកំណែថ្មីដែលមានតម្លៃទាបជាងបច្ចុប្បន្ន ដើម្បីនាំចូលទៅកាន់ទីផ្សារអាមេរិក។
អត្ថបទសំខាន់ៗគួរចាប់អារម្មណ៍ ៖
Apple ទទួលទិញយក iPhone, iPad ដែលបានចូលទឹក
អាមេរិកកំពុងសាកល្បង បង្កើតព្យុះ ដោយប្រើ បច្ចេកវិទ្យាថ្មី ?
Apple ចាប់ផ្តើមធ្វើពិសោធ iPhone 6 អេក្រង់ 4,9 inch
ប្រែសម្រួលដោយ ៖ តារា
ប្រភព ៖ dezeen/KH
ព័ត៌មានបច្ចេកវិទ្យា ដែលមើលច្រើន
