វិធីធ្វើម្ហូប៖ កាពិផាវ

ជីវិត និងការងារ

វិធីធ្វើម្ហូប៖ កាពិផាវ

09:30 AM 12.03.2013
Print Email

គ្រឿងផ្សំ
-ខ្ទឹមក្រហម ៥០ក្រាម
-ខ្ទឹមស ៥០ក្រាម
-ម្ទេសឆ្អើរ ៥០ក្រាម
-សាច់ជ្រូកសាច់សុទ្ធ ២០០ក្រាម
-ត្រីឆ្អើរ ២កន្ទុយធំៗល្មម
-កាពិ ២៥ក្រាម
-ត្រសក់ ២ផ្លែ
-ការ៉ុត ១មើម
-ត្រប់ស្រួយ ២ផ្លែ
-ប៉េងប៉ោះ ១ផ្លែ
-ស្ពៃក្ដោប មួយចំណិត
-សណ្ដែកកួរ ៣កួរ
-ស្ករស ១ស្លាបព្រាកាហ្វេ
-ប៊ីចេង ១ស្លាបព្រាកាហ្វេ
-ខ្លាញ់ ៥០ក្រាម

របៀបរៀបចំគ្រឿងផ្សំ
-ត្រីឆ្អើរត្រូវបកស្បែកចេញបេះតូចៗ ហើយយកទៅលាងទឹកឱ្យស្អាត
-សាច់ជ្រូកលាងឱ្យស្អាត ហើយចិញ្ច្រាំឱ្យម៉ដ្ឋ
-ម្ទេសឆ្អើរត្រូវយកគ្រាប់ចេញ ត្រាំទឹកមួយសន្ទុះលាងទឹកឱ្យស្អាត យកមកចិញ្ច្រាំ ឱ្យម៉ដ្ឋ
-ខ្ទឹមស ខ្ទឹមក្រហម ត្រូវបកសម្បកចេញ ហើយលាងទឹកឱ្យស្អាត បន្ទាប់មកហាន់ ស្ដើងៗ
-ត្រសក់ ការ៉ុត ត្រប់ស្រួយ និង ប៉េងប៉ោះ ត្រូវលាងទឹក ឱ្យស្អាត ចិតបញ្ឆិតស្ដើងល្មម រៀប
ដាក់ចាន រៀបចំឱ្យបានស្អាត និង មានសណ្តាប់ធ្នាប់។
-ស្ពៃក្ដោប និង សណ្ដែកកួរ ត្រូវលាងទឹកឱ្យស្អាតកាត់ឱ្យល្មម រៀបដាក់ចាន។

របៀបធ្វើ
ដំបូងសូមយកខ្ទឹមស និង ខ្ទឹមក្រហម ទៅបំពងជាមួយខ្លាញ់ បន្ទាប់មក យកម្ទេសឆ្អើរ
មកឆា ជាមួយខ្ទឹមក្រហម និង ខ្ទឹមស ទើបដាក់សាច់ជ្រូកចូល ទុកមួយសន្ទុះ។ ពេល
សាច់ជ្រូកឆ្អិន ត្រូវដាក់ត្រីឆ្អើរចូល ឆាឱ្យសព្វចូលគ្នា រួចដាក់កាពិចូល បន្ទាប់មកត្រូវដាក់
ប៊ីចេងនិងស្ករស ទុកមួយសន្ទុះ ភ្លក់រសជាតិឱ្យសមល្មម រួចដួសដាក់ចានជាការស្រេច។

ដោយ៖ វណ្ណៈ
ប្រភព៖ Cambodia Cooking