CamNews

ស្វែងរកកំរិតខ្ពស់
កីឡាអន្តរជាតិ 

Ronaldo និង Gareth Bale ប៉ះ​គ្នា​ក្នុង Euro 2016 រាត្រី​ម៉ោង ២​យប់​​ស្អែក​នេះ

(ប៉ារីស)៖ កីឡាករជើងខ្លាំង Cristiano Ronaldo និងមិត្តរួមក្រុម Gareth Bale ដែលស្ថិតក្លឹបអាជីព Real Madrid តែមួយ នឹង​ត្រូវ​ប្រឈម​មុខ​ដាក់​គ្នា​ម៉ោង ២​យប់​រំលង​អា​ធ្រាត្រ​​ស្អែក​នេះក្នុងព្រឹត្តិការណ៍បាល់ទាត់ Euro 2016 នៅបារាំង ក្នុង​ការ​ជួយ​ក្រុម​ជម្រើស​ជាតិ​របស់​គេ​រៀងៗ​ខ្លួន​​នៃ​​វគ្គ​​ពាក់​​កណ្តាល​​ផ្តាច់​​ព្រ័ត្រ​​​នៅ​​ពហុ​កីឡ​ដ្ឋាន Parc Olympique Lyonnais ស្ថិត​ក្នុង​ទី​ក្រុង Lyon។។

តាមរយៈសារព័ត៌មាន BBC បានផ្សាយឲ្យដឹងថា តារាងឆ្នើម Cristiano Ronaldo បានជួយឲ្យក្រុមជ្រើសជាតិ ព័រទុយហ្គាល់ ឡើង​មក​ដល់​វគ្គ​ពាក់​កណ្តាល​ផ្តាច់​ព្រ័ត្រ​នៃ​ព្រឹត្តិ​ការណ៍​ពាន​រង្វាន់​ប្រចាំទ្វីបអឺរ៉ុប UEFA Euro 2016 លើកទី១៥ នេះ​ទាំង​ត្រដាប​ត្រដួស​បំផុត និង​ពុំ​ទាន់​ឈ្នះ​គូ​ប្រកួត​ក្នុង​ម៉ោង ៩០​នាទី​ពេញ​ម៉ោងនៅឡើយទេ ក្រៅពីបានទម្លាក់ក្រូអាត ក្នុងនាទីបន្ថែមនៅនាទីទី ១១៧ ក្នុងវគ្គ១៦ក្រុម មុន​មក​ទម្លាក់​ប៉ូឡូញ​ដោយ​បាល់​ប៉េណាល់​ទី ៥-៣ ក្នុង​វគ្គ​៨​ក្រុម​ចុង​ក្រោយ​ជា​បន្ត​ទៀត ដើម្បីឡើងមកជួប វ៉េល របស់ Gareth Bale ក្នុងវគ្គ៤ក្រុមចុងក្រោយ។

ពួកគេទាំងពីរជាកីឡាករស្ថិតក្នុងជម្រើសជាតិ ១១នាក់ដំបូងជានិច្ចរបស់ក្លឹបអ្នកមាន Real Madrid របស់អេស្ប៉ាញ នាពេលបច្ចុប្បន្ន តែ​រាត្រី​ស្អែក​នេះ ត្រូវ​ស៊ី​សាច់​ហុត​ឈាម​គ្នា ដើម្បីជួយជាតិរៀងៗខ្លួនឆ្ពោះទៅកាន់តំណែងជើងឯក Euro 2016 ដែលមានម្ចាស់ផ្ទះបារាំង ត្រូវ​ប៉ះ​ជើង​ខ្លាំង​អាល្លឺ​ម៉ង់​ដែរ​នោះ​។

Ronaldo មានវ័យកាន់តែជ្រេបន្តិចហើយ ក្នុងអាយុ ៣១ឆ្នាំដែលទើបតែរកគ្រាប់ស៊ុតបញ្ចូលទីបាន ២គ្រាប់នៅឡើយ ក្នុង Euro 2016 នេះ គ្រា​ដែល Gareth Bale រក​បាន ៣​គ្រាប់​ហើយ ដែល​មាន​វ័យ​ទើប​តែ ២៥​ឆ្នាំ​ប៉ុណ្ណោះ​៕

Cristiano Ronaldo (ឆ្វេង) និង Gareth Bale

ផ្តល់សិទ្ធដោយ ៖ ខ្មែរថកឃីង


Tags: Ronaldo

កីឡាអន្តរជាតិ ដែលមើលច្រើន

ការប្រកួតប៉ារ៉ាឡាំពិក ២០១២ ត្រូវបានបញ្ចប់ ជាមួយនឹងអំណរដ៏ធំធែង

អង់គ្លេស៖ តាមកាអោយដឹងពីសារពត៌មាន BBC កាលពីចុងពីសប្ដាហ៍នេះ បានអោយដឹងថា ក្រោយពីការបញ្ចប់ការប្រកួតប៉ារ៉ាឡាំពិក ឆ្នាំ២០១២រូច មក គណៈកម្មការរៀបចំការប្រកួតកីឡា

កីឡាករកម្ពុជាត្រលប់មកមាតុភូមិវិញជាមួយកិត្តិយស

ក្រុមកីឡាករតូចដែលមានសមាជិកត្រឹមតែ 13 នាក់បានឈ្នះមេដាយប្រាក់ចំនួន

ក្រុមសេះបង្កង់ Juventus ធ្លាក់ពី UEFA Champion League ក្នុងវគ្គ ១៦ ក្រុមចុងក្រោយ

Lyon បានបើកីឡារដ្ឋានទទួលស្វាគមន៍ក្រុមបាល់ទាត់ Juventus ដើម្បីលេង វគ្គជម្រុះ ១៦ ក្រុមចុងក្រោយ ដោយ Lyon មានប្រៀបជាង Juventus ដោយសារកាល ពីប្រគួតនៅទឹកដីរបស់ Juventus ជើងទីមួយ Lyon បានយកឈ្នះក្រុម ម្ចាស់ផ្ទ

ក្រុមអ្នកគាំទ្រសម្រុកមកពហុកីឡដ្ឋាន Bernabéu យ៉ាងភ្លូកទឹកភ្លូកដីដើម្បីអបអរកីឡាករថ្មីក្នុងថ្ងៃបង្ហាញខ្

Eden Hazard នឹងគ្មានថ្ងៃភ្លេចថ្ងៃដំបូងរបស់ខ្លួនជាកីឡាកររបស់ ស្តេចស Real Madrid ឡើយ។

តារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣

នេះតារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣ ។

តារាងលទ្ធផលបាល់ទាត់ ២៥ មិនា ២០១៣

នេះជាតារាងលទ្ធផលបាល់ទាត់ ២៥ មិនា ២០១៣ ។