CamNews

ព័ត៌មានកំសាន្ត ៖ ដោយយោងតាមប្រភពសារព័ត៌មាន International Business Times បានឲ្យដឹងថា Angelina Jolie  បានបណ្តាលឲ្យអ្នកនៅជុំវិញនាង មានការព្រួញបារម្ភយ៉ាងខ្លាំងចំពោះការស្រកទម្ងន់របស់នាង កាន់តែខ្លាំងឡើងៗ ។ 

នាងត្រូវបានគេ ប៉ាន់ស្មានថា ពេលនេះ នៅសល់ត្រឹមតែ ៧៩ ផោន ដែលស្មើនឹង ៣៦ គីឡូ តែប៉ុណ្ណោះ ។ Jolie កាលពីពេលថ្មីៗនេះ ទើបតែបានបរិភោគ អាហារជាមួយនិង មិត្តរបស់នាង ពួកគេមានការព្រួយបារម្ភ ជាមួយនឹង ការស្រកទម្ងន់ ដែលហួសហេតុ ដែលអាចបណ្តាលមកពីបញ្ហាសុខ ភាពធ្ងន់ធ្ងរ។ 

នៅក្នុងចំណោមនោះ មានអ្នកដែលព្រួយបារម្ភ អំពីការស្រកទម្ងន់របស់ Jolie គឺឳពុករបស់នាង លោក Jon Voight ដែលមានការឈ្លោះ ​ប្រកែកគ្នាជាមួយនឹងគាត់ អស់រយៈពេលយ៉ាងយូរ ហើយលោកថែមទាំងបាន ស្នើរទៅប្តីរបស់ Jolie លោក Brad Pitt ប្រឹងប្រែងនិយាយជាមួយនិង Jolie ដើម្បីនាំនាងមកជួបគាត់ ។ 

បុរសជាឳពុក មានការព្រួយបារម្ភយ៉ាងខ្លាំង បន្ទាប់ពីបានឃើញរូបថត ​កូនស្រីរបស់គាត់ Jolie ហាក់បីដូចជាមានភាព ធ្ងន់ធ្ងរខ្លាំងណាស់ ហើយគាត់បានប្រាប់ទៅប្តីរបស់ Jolie គឺលោក Brad ថា គាត់ចង់ជួបកូនស្រីរបស់គាត់ ដូច្នេះហើយសូមនាំ ​នាងឲ្យមកនិយាយជាមួយនឹង គាត់ផង ប៉ុន្តែប្តីរបស់នាងបាននិយាយទៅកាន់ឪពុកក្មេកថា លោកឪពុកក្មេកអាចជាមនុស្ស ចុងក្រោយបង្អស់ ដែល Angelina Jolie ចង់ឮពាក្យទាំងនេះ ។ 

Angelina និង ឳពុករបស់នាង បានឈ្លោះប្រកែកគ្នា ចាប់តាំងពីឆ្នាំ  ២០០២​ ពោលនៅពេលដែល លោក Voight ហៅកូនស្រីរបស់ខ្លួនថា​ ជាមនុស្សមានបញ្ហាផ្លូវចិត្តធ្ងន់ធ្ងរ។ ហេតុដូច្នេះហើយ លោក Jon បានធ្វើការខិតខំប្រឹងប្រែង ដើម្បីជួយកូនរបស់គាត់ ពីគ្រោះដល់កាចសាហាវនេះ បើទោះបីជា កាលពីពេលថ្មីៗនេះ ពួកគេមានមិនទំនាក់ទំនងល្អជាមួយនឹងគ្នាក៏ដោយចុះ។ 

ការព្រួញបារម្ភរបស់ Angelina គឺជាការស្រកទម្ងន់របស់នាង នឹងស្របពេលដែល អ្នកកាសែតបាននិយាយថា នាងនិង​ ​ប្តីរបស់នាង មានពាក្យចចាមអារ៉ាមថា លែងលះគ្នា​ ទៅហើយ ខណៈពេលដែលគេបានឃើញ Pitt និយាយចែចង់ ជាមួយនឹង តារាដែលរួមអាជីព ជាមួយនិង Pitt គឺ Marion Cotillard ។ 

ប៉ុន្តែតើអ្នកគិតថា ការស្រកទម្ងន់របស់ Jolie គឺជាបញ្ហាសុខភាព ឬ បញ្ហាអាពាហ៍ពិពាហ៍ ? កាលពីអតីតកាល Angelina ក៍បានប្រឈមមុខ ជាមួយនឹង បញ្ហាសុខភាពដែរ ។ 

បន្ទាបពីបានបាត់បង់ម្តាយ ដែលមានឈ្មោះថា  Marcheline Bertrand ដោយគាត់បានកើតរោគមហារីក ហើយ Jolie ក៍មានហានិភ័យយ៉ាងខ្ពស់ជាមួយនឹង បញ្ហានេះ​ដែរ ដោយសារតែ ហ្សែន (BRCA1)​ របស់នាង ។ 

ប្រែសម្រួលដោយ ៖ គន្ធា

ប្រភព ៖ beehealtyqu