តើមានរឿងអ្វីកើតឡើងចំពោះ IPhone 7 Plus គឺជាម៉ូដែល «Plus» ?
(អាមេរិក)៖ យោងតាមនាយកប្រតិបត្តិ (CEO) របស់ក្រុមហ៊ុន Apple លោក Tim Cook ទូរស័ព្ទដៃ iPhone 7 Plus មានអេក្រង់ទំហំ៥.៥អ៉ីញ ដែលត្រូវបានដាក់លក់ នៅក្នុងទីផ្សារកាលពីខែកញ្ញា ឆ្នាំ២០១៦កន្លងទៅជាមួយនិង iPhone 7 មានអេក្រង់ទំហំ៤.៧អ៉ីញនោះ គឺជាស្មាតហ្វូនម៉ូដែល «Plus» ដែលមានប្រជាប្រិយភាពជាងគេបង្អស់ របស់ក្រុមហ៊ុន Apple ដោយការលក់ iPhone 7 Plus បានវាដាច់ iPhone 6 Plus ដែលចេញកាលពីឆ្នាំ២០១៤ រួមទាំង iPhone 6s Plus ដែលចេញកាលពីឆ្នាំ២០១៥។ នេះបើតាមការដកស្រង់ការចេញផ្សាយ ដោយសារព័ត៌មាន Mac Rumors នៅមុននេះបន្តិចនាព្រឹកថ្ងៃពុធ ទី០១ ខែកុម្ភៈ ឆ្នាំ២០១៧។
ត្រកូល «Plus» របស់ Apple ពីដើមមកតែងតែមានកត្តា ខុសគ្នាផ្សេងៗបើធៀបទៅនឹង iPhone ដែលមានទំហំតូចដែលក្រុមហ៊ុន Apple បានផ្តល់ឲ្យ ក៏ប៉ុន្តែសម្រាប់ iPhone 7 Plus ការបំពាក់មកជាមួយនូវ «កាមេរ៉ាភ្លោះ» ទំនងជាទទួលបានប្រជាប្រិយភាព ជាពិសេសពីសំណាក់អតិថិជន។ កាមេរ៉ាចំនួនពីរគ្រាប់របស់ iPhone 7 Plus នេះពិតជាអាចអនុញ្ញាត ឲ្យអ្នកប្រើប្រាស់ផ្តិតយករូបភាព បានយ៉ាងល្អឥតខ្ចោះ ហើយ iPhone 7 Plus ស្ថិតនៅក្នុងចំណោមស្មាតហ្វូន ដែលមានកាមេរ៉ាល្អជាងគេបំផុត ប្រចាំឆ្នាំ២០១៦។
គួរបញ្ជាក់ថា បើយោងតាមលោក Tim Cook ក្រុមហ៊ុនបច្ចេកវិទ្យាដ៏ល្បីល្បាញ លើពិភពលោកមួយនេះ បានមើលស្រាលលើតម្រូវការអតិថិជន ចំពោះ iPhone 7 Plus ដោយ Apple មិនបានរំពឹងថា ម៉ូដែលនេះលក់ដាច់ខ្លាំងជាង iPhone 7 ធម្មតានោះឡើយ ជាហេតុធ្វើឲ្យមានបញ្ហាផ្នែកតម្រូវការ និងផ្គត់ផ្គង់ជាមួយឧបករណ៍នេះ ដែលជះឥទ្ធិពលដល់ការលក់ ប៉ុន្តែទោះជាបែបនេះក្តី ក្រុមហ៊ុន Apple បានលក់ដាច់ iPhone សរុបចំនួន៧៨.៣លានគ្រឿង នៅអំឡុងត្រីមាសទី៤ នៃឆ្នាំ២០១៦៕
ផ្តល់សិទ្ធិដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ទូរស័ព្ទ ដែលមើលច្រើន
