Galaxy S8 នឹងប្រើ RAM 6 GB និងអង្គចងចាំ 256 GB បង្ហាញខ្លួននៅដើមឆ្នាំក្រោយ
Galaxy S ជំនាន់ថ្មី អាចត្រូវបាន Samsung បំពាក់ RAM ធំជាងពាក់កណ្ដាល បើធៀបទៅនឹង
Galaxy S7 (4 GB) ទន្ទឹមនឹងនេះ វាក៏បំពាក់អង្គចងចាំឡើងដល់ 256 GB ប្រហាក់ប្រហែលនឹង
iPhone 7 ។
យោងតាមទំព័រ TechTastic ស្មាតហ្វូន Galaxy S8 នឹងប្រើ RAM 6 GB ដើម្បីជួយឱ្យទូរស័ព្ទនេះ
ដំណើរការបានលឿនជាង ធៀបនឹង Galaxy S7 ហើយតាមរយៈនេះ វាអាចដំណើរបានរលូននូវ
កម្មវិធីធ្ងន់ៗដែលនឹងត្រូវបានបង្កើតឡើងនៅពេលអនាគត។ ទន្ទឹមនឹងនេះ Galaxy S8 ក៏នឹងមាន
អង្គចងចាំក្នុង ឡើងដល់ 256 GB ជួយឱ្យអ្នកប្រើប្រាស់អាចរក្សាទុកទិន្នន័យបានច្រើនតាមចិត្ត
ដោយមិនចាំបាច់ប្រើអង្គចងចាំខាងក្រៅ។
ទំព័រ GSMArena បានសង្កត់ធ្ងន់ថា ការបំពាក់ RAM ខ្លាំង និងអង្គចងចាំធំ (បើសិនជាមាន) គឺជា
ផ្លូវដើរដ៏ត្រឹមត្រូវរបស់ Samsung ព្រោះប្រការនេះ អាចទាក់ទាញអ្នកប្រើប្រាស់បានកាន់តែច្រើន។
ក្រុមហ៊ុន Samsung បានទទួលបរាជ័យជាមួយនឹង Galaxy Note 7 ហើយ Galaxy S8 គឺជាស្មាត
ហ្វូនដំបូងដែលមានភារកិច្ចក្នុងការធ្វើឱ្យមានទំនុកចិត្តឡើងវិញពីសំណាក់អ្នកប្រើប្រាស់។
មុននេះ មានព័ត៌មានមួយនិយាយថា Galaxy S8 នឹងប្រើ RAM 8 GB បន្ទាប់ពី Samsung បាន
ឧទ្ទេសនាម module RAM 8 GB សម្រាប់ឧបករណ៍ចល័ត។ ក្រៅពីនេះ ស្មាតហ្វូន Galaxy S8 អាច
នឹងមានពីរកំណែ ដែលសុទ្ធតែមានអេក្រង់កោង កាមេរ៉ាភ្លោះ និងឧបករណ៍ស្កេនប្រស្រីភ្នែក ដូច
ទៅនឹង Galaxy Note 7 ។ល។
Samsung Galaxy S7 ប្រើ RAM 4 GB ខណៈដែល Samsung Galaxy S8 ត្រូវគេជឿថា
នឹងប្រើ RAM 6GB
យោងតាមកាលបរិច្ឆេទក្នុងការបញ្ចេញស្មាតហ្វូនត្រកូល S ស្មាតហ្វូន Galaxy S8 នឹងមានវត្តមាន
ក្នុងទីផ្សារចាប់ពីខែកុម្ភៈ ឆ្នាំ ២០១៧៕
ប្រែសម្រួល ៖ តារា
ប្រភព ៖ gsmarena
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ទូរស័ព្ទ ដែលមើលច្រើន
