ថ្លៃណាស់! iPhone 7 ដាំពេជ្រ តម្លៃកន្លះលានដុល្លារអាមេរិក
កម្រងផលិតផល iPhone 7 ដាំត្បូងពេជ្ររបស់ Gresso មានតម្លៃចាប់ពី២.៥០០ដុល្លារអាមេរិក
ហើយកំណែដែលថ្លៃបំផុតគឺម៉ូដែល Black Diamond ដែលដាំត្បូងពេជ្រខ្មៅ តម្លៃកន្លះលានដុល្លារ
អាមេរិក។
Gresso ដែលជាក្រុមហ៊ុនច្នៃ និងលំអសម្រាប់ស្មាតហ្វូនរបស់រុស្ស៊ី ទើបតែបានឧទ្ទេសនាមកម្រង
កំណែ iPhone 7 ដែលដាំត្បូងពេជ្រ ជាមួយនឹងតម្លៃខុសៗគ្នា។ ក្នុងនោះ ផលិតផល៣ប្រភេទដែល
ថ្លៃបំផុត បានទៅលើកម្រងកំណែ iPhone 7 Black Diamond។
កំណែ iPhone 7 Black Diamond មានតម្លៃ ៥០០.០០០ដុល្លារក្នុងមួយគ្រឿង ព្រោះវាមានដាំពេជ្រ
ខ្មៅចំនួន ១.៤៥០គ្រាប់នៅលើខ្នង។ ឡូហ្គូ និងគែមកាមេរ៉ា សុទ្ធតែត្រូវបានធ្វើឡើងអំពីមាស
ចំណែកដងខ្លួនរបស់ស្មាតហ្វូនធ្វើអំពីទីតានកម្រិត ៥ដ៏រឹងមាំ ដែលធ្លាប់ប្រើប្រាស់ក្នុងការផលិត
ផ្នែកខ្លះរបស់យន្តហោះ កាំជ្រួច។ល។ មិនត្រឹមតែស្មាតហ្វូន iPhone នោះទេ សូម្បីតែកាសគ្មាន
ខ្សែ AirPods ក៏មានដាំពេជ្រ ៣០គ្រាប់ផងដែរ។ ទាំងអស់នេះ សុទ្ធតែត្រូវបានធ្វើឡើងដោយដៃ
ហើយការច្នៃនេះ មានរយៈពេល ១៨ម៉ោងសម្រាប់ស្មាតហ្វូននិមួយៗ។
បើសិន iPhone 7 Black Diamond មានតម្លៃថ្លៃហួស អ្នកប្រើប្រាស់អាចជ្រើសរើសកំណែដែលមាន
តម្លៃទាបជាងនេះ គឺចាប់ពី ២.៥០០ដុល្លារឡើងទៅ។ បណ្ដាកំណែនេះនឹងមានដងខ្លួនធ្វើអំពីទីតាន
កម្រិត៥ មាស និងពេជ្រ។ ចំនួនគ្រាប់ពេជ្រដែលត្រូវដាំនឹងកើនឡើងទៅតាមតម្លៃរបស់វា។
បណ្ដា iPhone 7 ដែលត្រូវបានកែច្នៃ សុទ្ធតែមានអង្គចងចាំ 256 GB។
ប្រែសម្រួល ៖ តារា
ប្រភព ៖ phonearena
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ទូរស័ព្ទ ដែលមើលច្រើន
