អ្នកស្រឡាញ់ iPhone ត្រៀម! បែកធ្លាយដំណឹងថា iPhone X Plus នឹងមានវត្ដមានក្នុងទីផ្សារឆាប់ៗនេះ
អ្នកពេញនិយមប្រើប្រាស់ទូរសព្ទទំនើប iPhone ជិតនឹងបានប្រើម៉ាកថ្មីទំនើបចុងក្រោយរបស់ក្រុមហ៊ុនApple ហើយ ដោយសារតែផ្ទាំងអាយខុនតូច ដែលបង្ហាញរូបរាងថ្មីសន្លាងរបស់ iPhone X ដែលមិនទាន់ទាំងបានប្រកាសចេញលក់ផងនោះ បានផុស នៅក្នុងកម្មវិធីសូហ្វែរចុងក្រោយ iOS 12 beta។
រូបរាងដ៏ថ្មីសន្លាងនៃម៉ូដែល iPhone នេះ ត្រូវបានបញ្ចេញឱ្យឃើញដោយអ្នកអភិវឌ្ឍកម្មវិធីសូហ្វែរ iOS របស់ក្រុមហ៊ុន Apple ដែលបានបង្ហោះរូបភាព នៅលើបណ្ដាញ Twitter ។
ទោះយ៉ាងណាក្ដី បើមើលតាមរាងសណ្ឋាន បង្ហាញនៅលើអាយខុន វាមិនទាន់ឃើញអ្វីគួរឱ្យទាក់ទាញខ្លាំងប៉ុន្មាននៅឡើយទេ ក៏ប៉ុន្ដែលក្ខណៈស្រដៀងគ្នានេះ កម្មវិធីសូហ្វែររបស់ក្រុមហ៊ុន Apple ធា្លប់បានបំផុសគម្រោងចេញលក់ផលិតផលរបស់ខ្លួន លើទីផ្សារដែរ កាលពីពេលមុនៗ ហើយក៏បានដាក់លក់ដូចការគ្រោងទុកមែន។
ជាឧទាហរណ៍ កាលពីឆ្នាំ ២០១៧ ក្រុមហ៊ុន Apple បានទម្លាយគម្រោងដាក់លក់ឧបករណ៍បំពងសម្លេងឆ្លាតវៃ HomePod និងស៊េរី iPhone X អំឡុងពេលដែលក្រុមហ៊ុននេះប្រកាសឱ្យប្រើប្រាស់កម្មវិធីសូហ្វែរថ្មីជាលើកដំបូងរបស់ខ្លួន ហើយនៅដើមឆ្នាំ ២០១៨ ឧបករណ៍ទំនើបទាំងពីរប្រភេទនេះ ក៏ចេញលក់ក្នុងទីផ្សារ ដូចការគ្រោងទុកមែន។
របាយការណ៍ជាច្រើន បានពន្លយឱ្យដឹងថា ក្រុមហ៊ុនយក្ស Apple គ្រោងនឹងបញ្ចេញលក់ទូរសព្ទ iPhone ស៊េរីថ្មីចំនួន ៣ ម៉ូតលើទីផ្សារ ដោយបូករួមទាំងឧបករណ៍ទំនើបខ្លាំង ដែលមានរាងដូច iPhone X បច្ចុប្បន្ន គ្រាន់តែថា វាមានទំហំអេក្រង់ ៦.៥ អ៊ីញ ធំជាងម៉ូដែលបច្ចុប្បន្ន។ អ្នកពេញនិយមប្រើ iPhone បានហៅទូរសព្ទម៉ូដែលថ្មីនោះថា iPhone X Plus ក៏ប៉ុន្ដែយើងមិនទាន់ច្បាស់ទេថា ក្រុមហ៊ុន Apple នឹងដាក់ឈ្មោះវា ថាដូចម្ដេច។
ទាក់ទងនឹងការលេចធ្លាយព័ត៌មាននេះ ក្រុមហ៊ុន Apple មិនទាន់អាចឆ្លើយតបនឹងសំណើសុំអត្ថាធិប្បាយនៅឡើយទេ ៕
ប្រែសម្រួល៖ សារ៉ាត
ប្រភព៖ សុីអិនប៊ីសុី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ក្រុមហ៊ុនមេគង្គណិត, អាណាណា កុំព្យូទ័រ និង YUL DIVERSITY នាំយកអំណោយម៉ាស់ការពារវីរុសចំនួន ១៧០,០០០ ជូនដ (26/04/2021 15:56:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
ទូរស័ព្ទ ដែលមើលច្រើន
