បញ្ហាដំណេក ជាមូលហេតុ ធ្វើឲ្យសក់ជ្រុះ

សុខភាព

បញ្ហាដំណេក ជាមូលហេតុ ធ្វើឲ្យសក់ជ្រុះ

12:54 PM 29.05.2012
Print Email

តើអ្នកដឹងទេថា បញ្ហាដំណេកអាចធ្វើឲ្យសក់របស់អ្នក ជ្រុះបាន? ការគេងគឺជាឪកាសដើម្បី
ជួសជុល និងបណ្តុះកោសិកាឡើងវិញរបស់សារពាង្គកាយ។ ប្រសិនបើអ្នកគេងមិនបានគ្រប់
គ្រាន់នោះទេ សារពាង្គកាយរបស់អ្នក នឹងធ្វើការសំរាកមិនគ្រប់គ្រាន់ ដែលជាហេតុធ្វើឲ្យ
សុខភាពរបស់អ្នកមានសភាពទ្រុឌទ្រោម។

នេះ គឺជាបញ្ហាមួយយ៉ាងសំខាន់ អាចធ្វើឲ្យសក់របស់អ្នកជ្រុះ នៅពេលអ្នកគេងមិនគ្រប់គ្រាន់
អ្នកនឹង មានអារម្មណ៏មិនល្អ និង គិតច្រើន ដែលជាហេតុធ្វើឲ្យសក់ជ្រុះ។ បញ្ហាមួយទៀតនៃ
ការគេងមិនគ្រប់គ្រាន់គឺធ្វើឲ្យអ្នកកើតជំងឺស្រ្តេស។ដោយឡែកជំងឺស្ត្រេសនេះ ក៏ជាមូលហេតុ
ធ្វើឲ្យសក់ជ្រុះដែរ។ នៅពេលដែលអ្នកមាន ភាពស្មុគស្មាញច្រើន សក់របស់អ្នកនឹងជ្រុះយ៉ាង
ងាយស្រួល។

យោងតាមគេហទំព័រHairBoutique បានឲ្យដឹងថា មានកត្តា៤យ៉ាងដែលជាឧបសគ្គនៃការលូត
លាស់សក់៖
១. បញ្ហាសុខភាព
២. ការគេងមិនគ្រប់គ្រាន់
៣. កង្វះអាហាររូបត្ថម្ភ
៤. ការទទួលទានជាតិកាហ្វេអ៊ីន និង ជាតិនីកូទីនហួសបរិមាណកំណត់។

ដូច្នេះ សូមអ្នកទាំងអស់គ្នាទទួលទានដំណេកឲ្យបានគ្រប់គ្រាន់ គេងក្នុងមួយថ្ងៃឲ្យបានរយៈ
ពេល៨ម៉ោង ដើម្បីថែរក្សាសុខភាពឲ្យបានល្អ។

ដោយ៖ វណ្ណៈ
ប្រភព៖ lookingtoday