ថ្មីបំផុត, Donald Trump តែងតាំងកូនប្រសារខ្លួនឯង ឲ្យធ្វើជាមន្ត្រីទីប្រឹក្សាជាន់ខ្ពស់សេតវិមាន
(វ៉ាស៊ីនតោន)៖ ប្រធានាធិបតីអាមេរិកជាប់ឆ្នោតលោក ដូណាល់ ត្រាំ បានសម្រេចចិត្តតែងតាំងកូនប្រសាររបស់ខ្លួន គឺលោក ចារ៉េដ ឃូស្នឺ (Jared Kushner) ជាមន្ត្រីជាន់ខ្ពស់ម្នាក់ក្នុងចំណោមទីប្រឹក្សានៃសេតវិមាន។ នេះបើតាមការចេញផ្សាយដោយសារព័ត៌មាន BBC នៅព្រឹកថ្ងៃអង្គារ ទី១០ ខែមករា ឆ្នាំ២០១៧។
លោក ចារ៉េដ ឃូស្នឺ មានអាយុ ៣៥ឆ្នាំបានដើរតួនាទីយ៉ាងសំខាន់នៅក្នុងអំឡុងយុទ្ធនាការឃោសនាបោះឆ្នោត ហើយការងារថ្មីរបស់ លោកនៅឯសេតវិមាន នឹងគ្រប់ដណ្ដប់លើកិច្ចការនយោបាយក្នុងនិងក្រៅប្រទេស។ ប៉ុន្តែទន្ទឹមគ្នានោះដែរ ខាងគណបក្សប្រជាធិបតេយ្យបានអំពាវនាវភ្លាមៗឱ្យពិនិត្យការតែងតាំងនេះឡើងវិញ ត្បិតពួកគេយល់ថាវាគឺជាប្រព័ន្ធតែងតាំងបក្សពួកនិយម និងអាចបង្កទៅជាជម្លោះផលប្រយោជន៍។ ជាងនេះទៅទៀតសូម្បីតែគណៈកម្មាធិការសមាជិកតុលាការ ក៏បានជំរុញឱ្យក្រសួងយុត្តិធម៌ និងការិយាល័យក្រមវិន័យរដ្ឋាភិបាលធ្វើអន្តរាគមន៍ផងដែរ។
សូមជំរាបថា លោក ចារ៉េដ ឃូស្នឺ បានរៀបការជាមួយកូនស្រីលោក ដូណាល់ ត្រាំ គឺនាង អ៊ីវ៉ាន់កា ត្រាំ (Ivanka Trump)កាលពី ឆ្នាំ២០០៩ ហើយលោកគឺជាម្ចាស់ក្រុមហ៊ុនអចលនទ្រព្យដ៏ធំមួយនៅសហរដ្ឋអាមេរិកបន្តពីឪពុករបស់លោក។ លោក ចារ៉េដ ឃូស្នឺ នឹងប្រារព្ធខួបគំរប់ ៣៦ឆ្នាំនៅថ្ងៃអង្គារនេះ៕
ប្រភព ៖ ប៊ីប៊ីស៊ី
- ហ៊ានម្ល៉េះ!! បុរសម្នាក់កាត់សក់ និងលេងម៉ូដនៅខាងក្រោយក្បាលដាក់ទម្រង់មុខ ប្រធានាធិបតីអាមេរិច លោក ដូណាល់ (09/04/2018 14:15:00)
- តើកន្លែងណាដែល លោក Kim Jong Un នឹងសម្រេចជួបផ្ទាល់ជាមួយនិង លោក Donald Trump?? (14/03/2018 14:31:00)
- ដៃគូពាណិជ្ជកម្មសំខាន់ៗរបស់សហរដ្ឋអាមេរិកខឹងសម្បាបន្ទាប់ពីលោក Trump ប្រកាសធ្វើរឿងទាំងនេះ (02/03/2018 15:27:00)
- សង្រ្គាមគ្រឿងញៀនសម្លាប់មនុស្ស៩,០០០នាក់របស់ហ្វីលីពីនធ្វើឱ្យកក្រើកដល់លោក Trump លាន់មាត់សរសើរ (24/05/2017 11:42:00)
- លោក Sessions ពិនិត្យគោលការណ៍ចោទប្រកាន់បទឧក្រឹដ្ឋរបស់ក្រសួងយុត្ដិធម៌ឡើងវិញ (10/05/2017 15:07:00)
- ក្តៅៗ៖ ប្រធានាធិបតី ដូណាល់ ត្រាំ ដេញនាយក FBI ពីតំណែង (10/05/2017 11:54:11)
- លោក Schumer និយាយទៅកាន់ លោក Trump ថា ការបណ្ដេញលោក Comey ពីតំណែងជាកំហុសដ៍ធំមួយ (10/05/2017 10:07:00)
- ក្រុមអ្នកតវ៉ាឈរតម្រង់ជួរ ដើម្បីបានឱកាសសម្ដែងការមិនពេញចិត្ដដាក់ លោក Trump (05/05/2017 12:07:00)
- កូរ៉េខាងជើង ពន្លឿនការធ្វើតេស្ដមីស៊ីល ដើម្បីផ្ញើសារទៅកាន់លោក Trump (02/05/2017 11:59:00)
- លោក Trump ថ្លែងទៅកាន់កូរ៉េខាងជើងថា ជម្លោះទ្រង់ទ្រាយធំអាចនឹងកើតឡើង (28/04/2017 14:27:00)
ព័ត៌មានអន្តរជាតិ ដែលមើលច្រើន
