CamNews

សា្មតហ្វូនម៉ូដែលសាកល្បងជំនាន់ថ្មីរបស់ Apple បង្ហាញខ្លួនជាមួយនឹងអេក្រង់ដែលអាចបង្ហាញ
អំពីព័ត៌មាន និងដំណើរការកម្មវិធីពិសោធមួយចំនួន ជំនួសឱ្យប្រព័ន្ធប្រតិបត្តិ iOS។

ព័ត៌មានចចាមអារ៉ាមស្ដីអំពី iPhone 7 បានបង្ហាញខ្លួនជាបន្តបន្ទាប់ក្នុងរយៈពេលកន្លង ជាមួយ
នឹងរូបភាពបែកធ្លាយ ប៉ុន្តែ វីដេអូដែល TechTastic បានចុះផ្សាយកាលពីពេលថ្មីៗនេះ គឺជាវីដេអូ ដំបូងបង្ហាញអំពីម៉ូដែលសាកល្បងដែលអាចដំណើរការបាន។ ព័ត៌មានបានបង្ហាញថា ស្មាតហ្វូ
នេះ មានរូបរាងជាផលិតផលសម្រេច ប៉ុន្តែ សបវ៉ែររបស់វា មិនទាន់ជាកំណែផ្លូវការនៅឡើយ។

ម៉ូដែល iPhone 7 នេះ ត្រូវបានបំពាក់សបវ៉ែរសាកល្បងរបស់ Apple ដែលមានឈ្មោះថា Switch
Board។ និមិត្តសញ្ញារបស់បណ្ដាកម្មវិធី បង្ហាញខ្លួននៅលើផ្ទាំងពណ៌ខ្មៅ ប្រអប់បង្ហាញអំពីស្ថាន
ភាពថ្ម ត្រូវបានរចនាធំជាងមុន និងបង្ហាញខ្លួនទៅតាម % នៃថាមពលថ្ម។ ក្នុងវីដេអូ ស្មាតហ្វូន
នេះត្រូវបានបើកមុខងារពិនិត្យមើលកាមេរ៉ា ក្នុងនោះមានប៊ូតុងពីរដែលមានពណ៌ខៀវ និងក្រហម
ប៉ុន្តែមិនទាន់មានប៊ូតុងចុចថតរូប។

ស្មាតហ្វូនកំណែសាកល្បងនេះ មានរូបរាងប្រហាក់ប្រហែលនឹង iPhone 6s ប៉ុន្តែ ខ្សែអង់តែន
នៅផ្នែកខាងខ្នងរបស់វា ត្រូវបានរើទៅដាក់នៅផ្នែកខាងលើរបស់ទូរស័ព្ទ ចំណែកបណ្ដុំកាមេរ៉ា
ត្រូវបានគេធ្វើឱ្យធំជាងមុន និងនៅតែលយ។ ក្រៅពីអក្សរ iPhone បណ្ដាព័ត៌មានផ្នែកខាងក្រោម
នៃខ្នងទូរស័ព្ទ ត្រូវបានគេបិទបាំង។ ម៉ូដែល iPhone 7 សាកល្បងនេះ ក៏បញ្ជាក់ថា Apple នឹង
បំបាត់រន្ធដោតកាស 3,5 mm នៅលើផលិតផលថ្មីរបស់ខ្លួន។

គួររំលឹកថា បណ្ដាព័ត៌មានចចាមអារ៉ាមកន្លងមក ឱ្យដឹងថា ក្រុមហ៊ុនអាមេរិកនេះនឹងបំពាក់ឱ្យ
iPhone 7 នូវអូប៉ាល័រភ្លោះ និងបច្ចេកវិទ្យាទប់ទល់នឹងជម្រាបទឹកបានល្អជាងមុន។ ស្មាតហ្វូននេះ
អាចនឹងប្ដូរប៊ូតុង Home បច្ចុប្បន្ន ទៅជាប៊ូតុងថាច់ ប៉ុន្តែ បណ្ដារូបភាព និងវីដេអូកន្លងមក មិនបាន
ឱ្យដឹងច្បាស់អំពីមុខងារនេះ។

យោងតាមព័ត៌មានរបស់ “មេដំណឹងចចាមអារ៉ាម” Evan Blass ស្មាតហ្វូន iPhone 7 អាចត្រូវបាន
គេដាក់ឱ្យបញ្ជាទិញ ចាប់ពីថ្ងៃទី ៩កញ្ញា ហើយនឹងចាប់ផ្ដើមមកដល់ដៃអ្នកប្រើប្រាស់ ចាប់ពីថ្ងៃទី
១៦កញ្ញាខាងមុខ។

ប្រែសម្រួល ៖ បុត្រា