អតិថិជន Samsung ទទួលបាន HTC One M8 ថ្មី ដោយឥតគិតថ្លៃ បន្ទាប់ពី Galaxy S4 ត្រូវឆេះ
កាលពីប្រហែល ១ខែមុន ម្ចាស់ទំព័រ Reddit ម្នាក់ ដែលមានរហ័សនាមថា "TweektheGeek"
បានសរសេរចែករំលែកថា ស្មាតហ្វូន Galaxy S4 របស់ខ្លួន បានឆេះ បន្ទាប់ពីបញ្ចូល ១យប់
បើទោះជាគាត់ប្រើប្រាស់ឆ្នាំងសាក និងថ្មរបស់ Samsung ពិតៗ។
ក្រោយមក TweektheGeek បានទាក់ទងទៅកាន់ក្រុមហ៊ុន Samsung ។ បន្ទាប់ពីទទួលបាន
សេចក្ដីរាយការពីអតិថិជន ក្រុមហ៊ុនរបស់កូរ៉េខាងត្បូងនេះ បានសន្យាថា នឹងប្ដូរទូរស័ព្ទថ្មី ឱ្យ
TweektheGeek រួមនឹងប្រអប់មួយសម្រាប់ដាក់ Galaxy S4 ដែលបានឆេះនោះ ផ្ញើត្រឡប់ទៅ
កាន់ក្រុមហ៊ុនវិញ។
Samsung Galaxy S4 ដែលបានឆេះ
បើទោះជាយ៉ាងនេះក្ដី Samsung ហាក់ដូចធ្វើតាមសន្យារបស់ខ្លួនបានត្រឹមតែពាក់កណ្ដាល
ប៉ុណ្ណោះ ព្រោះថា TweektheGeek ទទួលបានតែប្រអប់ទទេ ដោយមិនមាន Galaxy S4 ណា
មួយ នៅខាងក្នុងប្រអប់នេះនោះឡើយ។ ក្រោយពីបរាជ័យក្នុងការទាក់ទងទៅកាន់ Samsung
ជាច្រើនលើក TweektheGeek ក៏បន្តចែករំលែកអំពីរឿងរ៉ាវរបស់ខ្លួន នៅលើទំព័រ Reddit ។
ជាសំណាងល្អ អគ្គនាយករបស់ក្រុមហ៊ុន HTC បានដឹងរឿងរបស់ TweektheGeek ហើយក៏
បានជូន ស្មាតហ្វូន HTC One M8 ថ្មីស្រឡាងមួយគ្រឿងដល់ TweektheGeek ដើម្បីជំនួស
Galaxy S4 ដែលបានឆេះនោះ ដោយមិនមានលក្ខខណ្ឌអ្វីទាំងអស់។ ក្រុមហ៊ុនមកពីតៃវ៉ាន់នេះ
គ្រាន់តែស្នើថា ប្រសិន TweektheGeek ទទួលបាន Galaxy S4 ថ្មី ពី Samsung ហើយចង់លក់
HTC One M8 គឺសូមឱ្យលក់ក្នុងបំណងមនុស្សធម៌។
HTC One M8 និង Samsung Galaxy S4
រឿងរ៉ាវខាងលើ ត្រូវបានគេចាត់ទុកថា ជាសកម្មភាពល្អ និងឆ្លាតវៃរបស់ HTC នៅពេលក្រុម
ហ៊ុននេះ បញ្ចេញស្នាដៃ ដោះស្រាយបញ្ហារបស់គូប្រកួត។ គេមិនទាន់ដឹងថា ពេលណាទើប
Galaxy S4 ថ្មី នឹងត្រូវបានផ្ញើមកកាន់ TweektheGeek នោះទេ ប៉ុន្ដែ ជាក់ស្ដែង Samsung បាន
ធ្វើឱ្យបាត់បង់អតិថិជនម្នាក់ ទៅលើដៃ HTC រួចទៅហើយ។
ប្រែសម្រួលដោយ ៖ តារា
ប្រភព ៖ GsmArena
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានបច្ចេកវិទ្យា ដែលមើលច្រើន
