CamNews

ល្ងាចថ្ងៃទី ៥មេសា គ្រោះអាគ្គីភ័យដ៏ធំមួយ រួមនឹងសម្លេងផ្ទុះកក្រើក បានកើតឡើងនៅឯចំណត
យានយន្ដមួយកន្លែង ក្នុងក្រុងសៃហ្គន បានបណ្ដាលឱ្យរថយន្ដ និងម៉ូតូ រាប់រយគ្រឿង ត្រូវឆេះ
ខ្ទេច។

អាគ្គីភ័យខាងលើនេះ បានកើតឡើងនៅវេលាប្រហែលម៉ោង ជិត ២រសៀល ថ្ងៃទី ៥កន្លងទៅ នៅ
កន្លែងផ្ញើយានជំនិះ ដែលមានទំហំ ជាង ១០០០ម៉ែត្រក្រឡា ដែលមានម៉ូតូ និងរថយន្ដជាច្រើនរយ
គ្រឿង។ គ្រោះអាគ្គីភ័យនេះ កើតឡើងនៅតាមបណ្ដោយផ្លូវ កៅឡោ សង្កាត់ ៤ ខណ្ឌ ៨ ក្រុងហូជី
មិញ (ព្រៃនគរ) ទុលមុខនឹងមន្ទីរពេទ្យខណ្ឌ ៨ ប្រទេសវៀតណាម។

នៅពេលភ្លើងចាប់ផ្ដើមឆាបឆេះភ្លាម ប្រជាជននៅក្បែរនោះ បាននាំគ្នាសម្រុកចូល ជួយយកម៉ូតូ
ចេញ បានរាប់សិបគ្រឿង និងធ្វើការពន្លត់នៅនឹងកន្លែង។ ប៉ុន្ដែ ភ្លើងបានឆាបខ្លាំង និងបានឆេះម៉ូតូ
ជាច្រើនគ្រឿង ហើយក៏ចាប់ផ្ដើមផ្ទុះជាបន្តបន្ទាប់ ធ្វើឱ្យមានអណ្ដាតភ្លើង និងផ្សែង កាន់តែខ្លាំង។

ក្រុមពន្លត់អាគ្គីភ័យរាប់សិបនាក់ រួមនឹងរថយន្ដពន្លត់អាគ្គីភ័យរាប់សិបគ្រឿង ក៏បានមកដល់កន្លែង
កើតហេតុ។ ពេលនោះ ភ្លើងបានគ្របដណ្ដបពេញទាំងវាលចតយានជំនិះ។ អាជ្ញាធរ ត្រូវបិទផ្លូវ
ទាំងអស់ដែលឆ្លងកាត់តំបន់នេះ។ ក្រុមពន្លត់អាគ្គីភ័យ ត្រូវចំណាយពេលជិត ២ម៉ោង ទើបអាចគ្រ
ប់គ្រងស្ថានភាព។

មិនមានសេចក្ដីរាយការណ៍ ស្ដីអំពីមានការបាត់បង់ជីវិត ឬរបួសក្នុងករណីនេះ ប៉ុន្ដែ ប្រភពព័ត៌មាន
ឱ្យដឹងថា វាលទទួលរក្សាយានជំនិះឯកជននេះ ទទួលបញ្ញើយានជំនិះ កង់២ កង់៣ និងរថយន្ដ របស់
ប្រជាជននៅក្នុងតំបន់ជិតខាង ហើយចំនួនយានជំនិះ កើនឡើងដល់ជិត ១០០០គ្រឿង។

ក្នុងចំណោមយានជំនិះទាំងនោះ មានម៉ូតូចំនួន ជាង ៣០០គ្រឿង និងរថយន្ដ ១គ្រឿង ត្រូវឆេះខ្ទេច
នៅសល់តែគ្រោងឆ្អឹង។ មន្ដ្រីនគរបាលឱ្យដឹងថា មូលហេតុដែលនាំឱ្យមានគ្រោះអាគ្គីភ័យនេះ គឺ
បណ្ដាលមកពីប្រជាជន ដុតសំរាមនៅក្បែរវាលចតយានយន្ដ បណ្ដាលឱ្យភ្លើងឆេះរាលចូលមកខាង
ក្នុង។

ប្រែសម្រួលដោយ ៖ តារា
ប្រភព ៖ Vexpress