រុស្ស៊ី សាកល្បងផ្កាយរណបពិឃាត សម្រាប់ប្រមាញ់ និងកំទេចផ្កាយរណបដទៃ
ក្រុមអ្នកជំនាញការសន្តិសុខអវកាសរបស់អឺរ៉ុប អះអាងថា រុស្ស៊ី កំពុងសាកល្បងផ្កាយរណបមួយ
ដែលមានលទ្ធភាពស្វែងរក និងកំទេចបណ្ដាផ្កាយរណបដទៃនៅលើលំហអាកាស។
ប្រធានាធិបតី រុស្ស៊ី លោក Vladimir Putin ទស្សនកិច្ចក្រុមហ៊ុនផលិតផ្កាយរណប Reshetnev
Satellite Information Systems នៅ Zheleznogorsk
កាសែត Financial Times ឱ្យដឹងថា បច្ចុប្បន្ន យោធាអាមេរិក ទីភ្នាក់ងារអវកាសអឺរ៉ុប និងក្រុមអ្នក
ជំនាញការផ្នែកផ្កាយរណបជាច្រើនទៀត កំពុងតាមដានយ៉ាងយកចិត្តទុកដាក់ ទៅលើរាល់សកម្មភាពរបស់ផ្កាយរណបអាថ៌កំបាំងដែលមានរហ័សនាមថា 2014-28E ត្រូវបានប្រទេសរុស្ស៊ី បាញ់
បង្ហោះដោយស្ងាត់ៗ កាលពីខែឧសភា។
ចាប់តាំងពីខែសីហា ដល់ខែតុលា 2014-28E បានបម្លាស់ទីទៅតាមគន្លងគោចរដ៏ចម្លែក។ រហូតដល់ក្រុមជំនាញការអន្តរជាតិផ្នែកផ្កាយរណប ចាប់ផ្ដើមតាមដាន ទើបក្រសួងការពារជាតិរបស់
រុស្ស៊ីទទួលស្គាល់ និងចុះឈ្មោះផ្កាយរណបនេះ ដោយដាក់ឈ្មោះថា Kosmos-2499 ។
ផ្កាយរណប 2014-28E របស់រុស្ស៊ី ហោះហើរលើគន្លងគោចរដ៏ចម្លែក
កាលពីសប្ដាហ៍កន្លង 2014-28E ចាប់ផ្ដើមហោះមកក្បែរផ្កាយរណបមួយផ្សេងទៀត នៅលើគន្លង
គោចរ។ អ្នកជំនាញការសន្តិសុខអវកាស Patricia Lewis នៃអង្គភាព Chatham House ឱ្យដឹងថា
“2014-28E គឺជាផ្កាយរណបសាកល្បង។ វាអាចមានមុខងារជាច្រើន ទាំងស៊ីវិល ទាំងយោធា។ វា
ក៏អាចនឹងមានមុខងារពិសេសមួយទៀត គឺវាយប្រហារទៅលើបណ្ដាផ្កាយរណបផ្សេងៗ”។
Moscow Times ដកស្រង់សម្ដីរបស់បណ្ឌិត James Oberg អតីតវិស្វកររបស់ទីភ្នាក់ងារអវកាស
អាមេរិក ថ្លែងថា បណ្ដាផ្កាយរណបតូចៗ មានការបម្លាស់ទីលឿន តែងតែមានមុខងារច្រើន ចាប់
ពីផ្គត់ផ្គង់ ជួសជុល រហូតដល់មុខងារត្រួតពិនិត្យ និងវាយប្រហារ។
ការរត់ប្រណាំងផ្នែកផ្កាយរណប ៖ រុស្ស៊ី ជាប្រទេសដំបូងគេដែលបានបាញ់បង្ហោះផ្កាយរណប
ឡើងលំហអាកាស ដោយចាប់ផ្ដើមដោយ Sputnik 1
James Oberg បន្តថា ៖ “ការដែលរុស្ស៊ី សាកល្បងផ្កាយរណបដោយមិនមានការប្រកាសជាសាធា
រណៈនេះ បង្ហាញថា ពួកគេមិនមានគោលដៅសន្តិភាពនោះទេ”។
តាមជាក់ស្ដែង បច្ចេកវិទ្យាពិឃាត ត្រូវបានគេអភិវឌ្ឍ តាំងពីទសវត្ស ឆ្នាំ ១៩៥០។ ដើមទសវត្ស ឆ្នាំ
១៩៦០ រុស្ស៊ី បានអនុវត្តគម្រោង Istrebitel Sputnik (ផ្កាយរណបពិឃាត) ដើម្បីផលិតផ្កាយរណបដែលមានសមត្ថភាពវាយប្រហារបណ្ដាផ្កាយរណបដទៃ។
រុស្ស៊ី មានគម្រោងអវកាសប្រកបដោយមហិច្ឆិតា ក្នុងនោះ ប្រទេសនេះ មានផ្កាយរណបជាច្រើន
ក្នុងប្រព័ន្ធព្រះអាទិត្យ ហើយធ្លាប់បានបញ្ជូនយានអវកាសមួយ ទៅកាន់ព្រះចន្ទ កាលពីឆ្នាំ
២០១៥
ការបញ្ចេញផ្កាយរណបពិឃាតរបស់រុស្ស៊ី នឹងធ្វើឱ្យការរត់ប្រណាំងក្នុងការផលិតអាវុធអវកាស
កាន់តែមានកំដៅ
រុស្ស៊ីបានផ្អាកគម្រោង Istrebitel Sputnik តាំងពីយូរមកហើយ ប៉ុន្ដែ បណ្ដាប្រទេស ដូចជា អាមេរិក
និងចិន គឺសុទ្ធតែធ្លាប់បានសាកល្បងបណ្ដាផ្កាយរណបពិឃាតដូចគ្នានេះ។ យ៉ាងនេះក្ដី វាគ្រាន់
តែត្រូវបានគេប្រើប្រាស់សម្រាប់កំទេចបណ្ដាផ្កាយរណបដែលអាចបង្កគ្រោះថ្នាក់ នៅពេលវាធ្លាក់
មកលើផែនដីតែប៉ុណ្ណោះ៕
ប្រែសម្រួលដោយ ៖ តារា
ប្រភព ៖ Daily Mail
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានបច្ចេកវិទ្យា ដែលមើលច្រើន
