CamNews

ស្វែងរកកំរិតខ្ពស់
កីឡាអន្តរជាតិ 

Man City ផ្ទេរកីឡាករ ៨នាក់ចេញ និងទិញចូល ២រូបក្នុងរដូវកាលដោះដូរប្រចាំឆ្នាំ២០១៦ នេះ

(មេនឆេស្ទើ)៖ ក្លឹបដែលបញ្ចប់ទៅដោយចំណាត់ថ្នាក់លេខ៤ ក្នុង Premier League រដូវកាលមុននេះ Manchester City បាន​សម្រេច​ផ្ទេរ​កីឡាករ ៧​រូប​ចេញ​នៅ​ថ្ងៃ​បិទ​បញ្ចប់​រដូវ​កាល​ថ្មីឆ្នាំ​២០១៦-២០១៧ នេះ ដោយក្នុងនោះក៏មានអ្នក ចាំទី Joe Hart និងខ្សែបម្រើ Nasri ផង​ដែរ​។

តាមរយៈសារព័ត៌មាន BBC បានចេញផ្សាយឲ្យដឹងថា ស្ថិតក្រោមការដឹករបស់អតីតគ្រូបង្វឹកក្លឹប Bayern Munich លោក Pep Guardiola បាន​សម្រេច​ផ្ទេរ​កីឡាករ​ចេញ ៨​​រូប​មាន​ដូច​ជា កីឡាករខ្សែបម្រើប្រយុទ្ធជនជាតិបារាំង Samir Nasri ទៅក្លឹប Sevilla ជាលក្ខណៈខ្ចីជើងរយៈពេលវែង គ្រាដែល Eliaquim Mangala ត្រូវបាន Valencia ខ្ចីជើងរហូតដល់ខែមិថុនា ឆ្នាំ២០១៧ខាងមុខ។

កីឡាករវ័យ២៩ឆ្នាំ Nasri ទើបតែចូលលេងបាន ១ប្រកួតដំបូងនៅ Man City កាលពីសប្តាហ៍ពេលដែលបានយកឈ្នះ ភ្ញៀវ West Ham United ៣-១ ក្នុង​សប្តាហ៍​ទី​៣ នៃ Premier League បន្ទាប់ពីរូបគេបានជាសះស្បើយពីរបួស និង ឡើងទម្ងន់ជាខ្លាំងនោះ ខណៈដែលមិត្តរួមក្រុមជនជាតិអង់គ្លេស អ្នកចាំទី Joe Hart ត្រូវបានផ្តល់សិទ្ធិឲ្យក្លឹប Torino លេងក្នុង Serie A របស់អ៊ីតាលីខ្ចីជើង។

ជាមួយគ្នានោះដែរ កីឡាករខ្សែប្រយុទ្ធ Wildfried Bony ដែល Man City ទិញពីក្លឹប Swansea City កាលពី២ឆ្នាំមុន ក៏ត្រូវបានក្លឹបផ្ទេរជា​លក្ខណៈ​ខ្ចី​ជើង​ទៅ​ឲ្យ​ក្លឹប​លេង​ក្នុង Premier League ដូចគ្នា Stoke City រហូតដល់ចប់រដូវកាល នេះដែរ។ បន្ថែមពីលើនេះទៀត ក្លឹបដែលទើបតែឈ្នះកៅអីវគ្គចែកពូលក្នុង Champions League រដូវកាលឆ្នាំថ្មីនេះ Man City ក៏បន្តផ្ទេរខ្ចីជើងកីឡាករខ្សែការពារ Jason Denayer ទៅឲ្យក្លឹប Sunderland ទៀតផង ហើយខ្សែការពារ ដូចគ្នា Shay Facey វ័យ២១ឆ្នាំ ក៏ត្រូវបានផ្ទេរទៅកាន់ក្លឹប Heerenveen ផងដែរ ហើយក្លឹបលេងនៅក្នុងក្របខណ្ឌ League One របស់អង់គ្លេស Bury ក៏បានចុះកិច្ចសន្យាខ្ចីជើងខ្សែបម្រើ Kean Bryan វ័យ១៩ឆ្នាំរហូតដល់បញ្ចប់រដូវ កាលនេះដែរ។

ក្រៅពីផ្ទេរកីឡាករចេញ ៧រូបរួចមក លោក Pep Guardiola ក៏បាននាំចូលកីឡាករសំខាន់ ២រូបផងដែរមានដូចជា កីឡាករខ្សែប្រយុទ្ធជួរមុខ Nolito មកពីក្លឹប Celta Vigo និងអ្នកចាំទី Claudio Bravo មកពីក្លឹប FC Barcelona ដែល ជាក្លឹបលេងនៅ La Liga នៃក្របខណ្ឌកំពូលអេស្ប៉ាញដូចគ្នា៕

អ្នកចាំទី Bravo

ខ្សែប្រយុទ្ធ Nolito

ផ្តល់សិទ្ធដោយ ៖ ខ្មែរថកឃីង


Tags: Man City

កីឡាអន្តរជាតិ ដែលមើលច្រើន

ការប្រកួតប៉ារ៉ាឡាំពិក ២០១២ ត្រូវបានបញ្ចប់ ជាមួយនឹងអំណរដ៏ធំធែង

អង់គ្លេស៖ តាមកាអោយដឹងពីសារពត៌មាន BBC កាលពីចុងពីសប្ដាហ៍នេះ បានអោយដឹងថា ក្រោយពីការបញ្ចប់ការប្រកួតប៉ារ៉ាឡាំពិក ឆ្នាំ២០១២រូច មក គណៈកម្មការរៀបចំការប្រកួតកីឡា

កីឡាករកម្ពុជាត្រលប់មកមាតុភូមិវិញជាមួយកិត្តិយស

ក្រុមកីឡាករតូចដែលមានសមាជិកត្រឹមតែ 13 នាក់បានឈ្នះមេដាយប្រាក់ចំនួន

ក្រុមសេះបង្កង់ Juventus ធ្លាក់ពី UEFA Champion League ក្នុងវគ្គ ១៦ ក្រុមចុងក្រោយ

Lyon បានបើកីឡារដ្ឋានទទួលស្វាគមន៍ក្រុមបាល់ទាត់ Juventus ដើម្បីលេង វគ្គជម្រុះ ១៦ ក្រុមចុងក្រោយ ដោយ Lyon មានប្រៀបជាង Juventus ដោយសារកាល ពីប្រគួតនៅទឹកដីរបស់ Juventus ជើងទីមួយ Lyon បានយកឈ្នះក្រុម ម្ចាស់ផ្ទ

ក្រុមអ្នកគាំទ្រសម្រុកមកពហុកីឡដ្ឋាន Bernabéu យ៉ាងភ្លូកទឹកភ្លូកដីដើម្បីអបអរកីឡាករថ្មីក្នុងថ្ងៃបង្ហាញខ្

Eden Hazard នឹងគ្មានថ្ងៃភ្លេចថ្ងៃដំបូងរបស់ខ្លួនជាកីឡាកររបស់ ស្តេចស Real Madrid ឡើយ។

តារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣

នេះតារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣ ។

តារាងលទ្ធផលបាល់ទាត់ ២៥ មិនា ២០១៣

នេះជាតារាងលទ្ធផលបាល់ទាត់ ២៥ មិនា ២០១៣ ។