CamNews

ឧបករណ៍ Projector ថ្មីឈ្មោះ Epson MegaPlex គឺជាផលិតផលថ្មីមួយទៀតដែលអនុញ្ញាត
អោយអ្នកប្រើប្រាស់អាចធ្វើការបញ្ចាំងវីដេអូ រឺរូបភាពផ្សេងៗពីបណ្តាឧបករណ៍ចល័ត iOS
ទាំងឡាយរបស់ Apple មានដូចជា iPhone,iPod រឺក៏ iPad ជាដើម...។
ឧបករណ៍បញ្ចាំង Epson MegaPlex ថ្មីនេះមានកន្លែងសំរាប់ភ្ជាប់នៅផ្នែកខាងមុខជាមួយ
បណ្តាឧបករណ៍ចល័ត iOS របស់ Apple មានដូចជា iPhone, iPod រឺក៏ iPad ដែលអនុញ្ញាត
អោយអ្នកប្រើប្រាស់អាចធ្វើការបញ្ចាំងវីដេអូមាន resolution ខ្ពស់ រឺក៏រូបភាពដែលមាននៅ
ក្នុងឧបករណ៍ iOS ក៏ដូចជាពីប្រភព YouTube ផងដែរ។
គំរូ Model Epson MegaPlex MG-50 (resolution ៥៤០p ជាមួយកំរិតពន្លឺ ២.២០០ lumen)
មានតំលៃ ៦៩៩ដុល្លាអេមេរិកក្នុងមួយគ្រឿង និងសំរាប់គំរូ model MG-850H (resolution
៧២០p, កំរិតពន្លឺ ២.៨០០ lumen) មានតំលៃ ៧៩៩ដុល្លាអាមេរិកក្នុងមួយគ្រឿង។ ឧបករណ៍
Projector នេះប្រើប្រាស់បច្ចេកវិទ្យា 3LCD ដែលលោកអ្នកគ្រាន់តែភ្ជាប់ឧបករណ៍ iPad, iPod
រឺក៏ iPhone ជាមួយ Projector រួចធ្វើតាមការណែនាំរបស់កម្មវិធី MegaPlex ដែលបង្ហាញនៅ
លើអេក្រង់ជាការស្រេច។

Projector នេះមានទំងន់ប្រហែល ៣,៨គីឡូក្រាមមានអមមកជាមួយនូវដៃសំរាប់យូរដែល
អាចបត់បាន និងមានកន្លែងភ្ជាប់ផ្សេងៗដូចជា USB, HDMI និង VGA ផងដែ។ ក្រៅពីបណ្តា
ឧបករណ៍របស់ iOS,Epson MegaPlex ក៏អាចដំណើរការបានជាមួយបណ្តាឧបករណ៍ផ្សេងៗ
ដូចជា Microsoft Xbox 360, Sony PS3, Nintendo Wii, កុំព្យូទ័រ PC ,ទូរស័ព្ទ smartphone
និងឧបករណ៍ DVD player ទៀតផង។ ក្រៅពីនោះក៏មានអមមកជាមួយនូវ micro មួយផង
ដែរសំរាប់លោកអ្នកច្រៀង karaoke កំសាន្តអារម្មណ៍។ កាន់តែពិសេសជាងនេះទៅទៀត
នោះ Epson MegaPlex ក៏មានមុខងារជាឧបករណ៍សំរាប់ចាក់ចំរៀងស្តាប់ផងដែរនៅពេល
ដែលលោកអ្នកបិទមុខងារសំរាប់បញ្ចាំងនោះ និងដែលមានបំពាក់នូវ Speaker ចំនួនពីរ
មានកំលាំង ១០W។ Epson MegaPlex នឹងចាប់ផ្តើមធ្វើចរាចរក្នុងពេលឆាប់ៗនេះហើយនៅ
តាមបណ្តាហាងលក់ផលិតផលអេឡិចត្រូវនិចទូទៅ និងនៅលើគេហទំព័ររបស់ Epson ៕