ស្មាតហ្វូន ៣ប្រភេទ ល្បីថតរូបស្អាត ដែលអ្នកពុំគួរមើលរំលង
ទូរសព្ទ ៖ ស្របពេលដែលបច្ចេកវិទ្យាកាន់តែដើរទៅមុខ ទូរស័ព្ទមិនត្រឹមតែប្រើសម្រាប់ទំនាក់ទំនងគ្នានោះទេ វាត្រូវបានបញ្ជូលនូវមុខងារជាច្រើន ដើម្បីធ្វើឲ្យមនុស្សកាន់តែមានភាពងាយស្រួល។ បើអ្នកក្រលេកទៅមើលសមត្ថភាពនៃការចាប់រូបភាពរបស់ទូរស័ព្ទសព្វថ្ងៃនេះ វាសឹងតែមានគុណភាពប្រហាក់ប្រហែលទៅនឹងកាមេរ៉ា DSLR ទៅហើយ។
ថ្ងៃនេះ Camnews នឹងណែនាំលោកអ្នកនូវស្មាតហ្វូន ៣ប្រភេទ ដែលត្រូវបានអ្នកប្រើប្រាស់ជាច្រើនសរសើរពីគុណភាពនៃកាមេរ៉ារបស់ពួកវា
- Samsung Galaxy S8 and S8+
កាមេរ៉ារបស់ទូរស័ព្ទ Samsung Galaxy S8 និង S8+ មាន f/1.7 OIS camera ដែលអ្នកប្រើប្រាស់អាចថតរូបឲ្យមានលក្ខណៈព្រាលៗនៅផ្ទៃខាងក្រោយ។ មិនតែប៉ុណ្ណោះ វាថែមទាំងបញ្ជូលនូវ multi-frame image ថ្មីៗ ដែលនឹងធ្វើឲ្យរូបថតមានពណ៌ភ្លឺច្បាស់ ជាមួយពន្លឺគ្រប់គ្រាន់។ រូបភាពនីមួយៗដែលថតដោយកាមេរ៉ាមួយនេះ គឺមានភាពទាក់ទាញមែនទែន ហាក់បីដូចជាប្រើកាមេរ៉ាអាជីពផងដែរ។ ចំណែកឯកាមេរ៉ាមុខវិញ មានទំហំរហូតដល់ 8 មេហ្កាភិចសែល។
- Huawei P10 and P10 Plus
ទូរស័ព្ទ Huawei P10 and P10 Plus មានរហូតដល់ 12MP colour sensor និង 20MP monochrome one ដែលមានសមត្ថភាពធ្វើឲ្យរូបភាពប្លែកខុសពីគេ ជាមួយនឹងពណ៌ធម្មជាតិច្បាស់ត្រជាក់ភ្នែក។ អ្នកក៏អាចប្រើមុខងារ zoom សម្រាប់ថតរូបជិត (close up) ដែលវានៅតែរក្សារូបភាពឲ្យច្បាស់ដដែល ទោះបីអ្នក zoom 1x ឬ 2x ក៏ដោយ។ សម្រាប់ទូរស័ព្ទនេះផងដែរ វាត្រូវបានប្រើជាមួយ f/1.8 Leica glass ដែលជួយអ្នកប្រើប្រាស់ នៅពេលរូបថតនៅកន្លែងមានពន្លឺមិនគ្រប់គ្រាន់។ លើសពីនេះទៅទៀត ការថតរូបបែប bokeh កាន់តែមានភាពងាយស្រួល និងធ្វើឲ្យតួអង្គកាន់តែមានភាពលេចធ្លោ។
- iPhone 7 Plus
សម្រាប់ទូរស័ព្ទ iPhone 7 Plus វិញ វាបានបំពាក់នូវ f/1.8 ល្អសម្រាប់ថតរូប ទោះបីនៅកន្លែងដែលមានពន្លឺតិចតួច។ សម្រាប់ LED flash វិញមានលក្ខណៈល្អប្រសើរ ដូចទៅពន្លឺធម្មជាតិផងដែរ។ បន្ថែមពីនោះទៀត គ្រាន់តែចុចទៅលើ 1x icon អ្នកអាចថតរូប close up ដែលអាចធ្វើឲ្យផ្ទៃខាងក្រោយព្រាលៗ។ នោះគឺជាបច្ចេកវិទ្យា ដែលដូចទៅនឹងកាមេរ៉ា DSLR ធ្វើឲ្យតួអង្គលេចធ្លោជាងផ្ទៃខាងក្រោយ។
តើអ្នកចូលចិត្តទូរស័ព្ទមួយណាជាងគេ?
ប្រែសម្រួល ៖ High
ប្រភព ៖ Stuff
- ហ្វេន របស់ iPhone ដែលចូលចិត្តពណ៌ខ្ជូតៗ អាចនឹងជិតបានប្រើហើយ (07/07/2018 09:34:00)
- ស្ងាត់ៗ OnePlus 6 Red នឹងលេចរូបរាង នៅពេលខាងមុខនេះហើយ (03/07/2018 10:07:00)
- អ្វីទៅជាវីរុស WannaCry ហើយវា Hack ចូលកុំព្យូទ័រតាមរបៀបណា? (17/05/2017 15:44:00)
- ការសិក្សារកឃើញថា ទូរស័ព្ទ Samsung S8 ងាយនឹងបែកអេក្រង់ (25/04/2017 11:43:00)
- ការពិតដ៏សែនហួសចិត្តចំពោះការចុចសញ្ញាមួយ ដែលកំពុងវ៉ុលពេញហ្វេសប៊ុក ដែលអ្នកមិនធ្លាប់ដឹង (19/04/2017 13:59:00)
- កក្រើកទៀតហើយ! អង្គការ NASA «រកឃើញភពថ្មីៗចំនួន០៧ ទៀត» (23/02/2017 09:53:00)
- ពន្លឺលើកដំបូងបង្អស់ របស់ចក្រវាឡ ត្រូវបានមើលឃើញ ដោយ... (02/02/2017 13:39:00)
- តើសំរាម និងផ្កាយរណបព័ទ្ធជុំវិញគន្លងផែនដី មានសភាពកកកុញដល់កម្រិតណា? (02/02/2017 12:06:00)
- NASA ជះលុយ១ពាន់លានដុល្លារ ផលិតយានចុះចតលើអាចម៍ផ្កាយ Bennu ដែលអាចបុកផែនដីនៅចុងសតវត្សរ៍ (01/08/2016 15:23:00)
- អង្គការ NASA ប្តេជ្ញានាំមនុស្សទៅជាន់ដីភពអង្គារ ឲ្យបាននៅឆ្នាំ ២០៣៣ (26/07/2016 14:52:00)
ទូរស័ព្ទ ដែលមើលច្រើន
