ម្ចាស់ SpaceX មានគម្រោង “បាញ់” WiFi ពីផែនដី ទៅភពអង្គារ
គម្រោងនេះ នឹងត្រូវចំណាយពេល ១០ឆ្នាំ ក្នុងការសាងសង់ ដោយប្រើថវិកាប្រហែល ពី ១០ ទៅ
១៥ពាន់លានដុល្លារអាមេរិក។
ការបង្កើតប្រព័ន្ធ WiFi ពីផែនដី ទៅភពអង្គារ គឺជាគម្រោងដ៏អស្ចារ្យមួយដែលលើកឡើងដោយ
មហាសេដ្ឋីវ័យក្មេង Elon Musk ដែលលោក ត្រូវបានគេដឹងថា ជាមនុស្សម្នាក់ ហ៊ានគិតហ៊ានធ្វើ នូវគម្រោងដែលមានវិសាលភាពលំដាប់ពិភពលោក និងក្រៅពិភពលោក។ ជាក់ស្ដែងដូចជា
គម្រោង SpaceX ឬក្រុមហ៊ុនរថយន្ដ Tesla របស់លោក បានទទួលជោគជ័យគួរឱ្យកត់សម្គាល់
និងមានឥទ្ធិពលខ្លាំងក្លា សម្រាប់មនុស្សជាតិ។
មហាសេដ្ឋី Elon Musk ជាអ្នកនាំមុខគេ ក្នុងវិស័យអវកាស
បច្ចុប្បន្ន មហាសេដ្ឋីខាងលើ រួមនឹងសហការីរបស់ខ្លួន បានបង្កើតគម្រោងខាងលើនេះ ហើយតាម
ផែនការ គម្រោងនេះនឹងស៊ីពេល ៥ឆ្នាំក្នុងការសាងសង់ប្រព័ន្ធ ហើយសម្រេចជាស្ថាពរ ក្នុងអំឡុង
១០ឆ្នាំបន្តទៀត។ ប្រាក់ចំណាយសរុបសម្រាប់គម្រោងនេះ គឺប្រមាណពី ១០ ទៅ ១៥ពាន់លាន
ដុល្លារអាមេរិក បន្ទាប់មក ប្រាក់ចំណេញទាំងអស់នឹងត្រូវបានប្រើប្រាស់សម្រាប់បេសកកម្មរុករក
នៅលើភពព្រះអង្គារ។
តាមគម្រោងការ ក្រុមរបស់មហាសេដ្ឋី Elon Musk នឹងបាញ់បង្ហោះផ្កាយរណបចំនួនរាប់រយ ទៅ
ក្នុងគន្លងគោចរ ដែលមានកំពស់ ប្រហែល ១.២០០គីឡូម៉ែត្រ ជុំវិញផែនដី ទាបជាងបើធៀបនឹង
៣៥.៤០០គីឡូម៉ែត្រ របស់បណ្ដាផ្កាយរណបទូរគមនាគមន៍បច្ចុប្បន្ន។
ម្ចាស់ក្រុមហ៊ុនអវកាស SpaceX គឺជាមនុស្សហ៊ានគិតហ៊ានធ្វើ
ការបង្កើតប្រព័ន្ធអ៊ីនធឺរណែតដែលមានកម្រិតវិសាលភាពធំទូលាយបែបនេះ នឹងនាំមកនូវល្បឿន
លឿនសម្រាប់ការបញ្ជូន និងទទួលទិន្នន័យរបស់អ្នកប្រើប្រាស់ប្រមាណជា ៣ពាន់លាននាក់ នៅ
លើពិភពលោក និងនៅលើភពអង្គារ។
មហាសេដ្ឋី Elon Musk ថ្លែងថា “ការបង្កើតប្រព័ន្ធទំនាក់ទំនងនៅលើភពព្រះអង្គារ គឺជារឿងដ៏
សំខាន់។ ខ្ញុំគិតថា វាគួរតែត្រូវបានគេអនុវត្ត ហើយខ្ញុំក៏មិនទាន់ឃើញមានអ្នកណាម្នាក់ ធ្វើរឿង
នេះ”។
Google ក៏ធ្លាប់បាន និងកំពុងអនុវត្តគម្រោងអ៊ិនធឺរណែតដ៏អស្ចារ្យមួយ ប៉ុន្ដែ វាមានកំណត់ត្រឹម
នៅលើផែនដី
គួររំលឹកថា មុននេះ Google ក៏ធ្លាប់បានប្រកាសអំពីគម្រោង គ្របដណ្ដប់អ៊ីនធឺរណែត នៅទូទាំង
ពិភពលោក ដោយប្រើបាល់ឡុងហោះដែលប្រើប្រាស់ថាមពលព្រះអាទិត្យ ប៉ុន្ដែ គម្រោងនេះ មាន
កំណត់ត្រឹមតែនៅលើផែនដី។ ពេលនេះ ការប្រកាសរបស់មហាសេដ្ឋី Elon Musk ត្រូវបានគេយល់
ថា ជាគម្រោងដ៏អស្ចារ្យជាងគេ នៅពេលអ៊ីនធឺរណែត ត្រូវបានពង្រីកទៅក្នុងអវកាស និងភពព្រះ
អង្គារ៕
ប្រែសម្រួលដោយ ៖ តារា
ប្រភព ៖ businessweek
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានបច្ចេកវិទ្យា ដែលមើលច្រើន
