Messi វិលមកលេងឲ្យជម្រើសជាតិអាហ្សង់ទីនវិញ ក្រោយចូលនិវត្តន៍បាន ១សប្តាហ៍
(ក្រុងអាយរេស)៖ កាសែតក្នុងស្រុក La Nacional របស់អាហ្សង់ទីន បានចេញផ្សាយព្រឹកថ្ងៃចន្ទ ទី០៤ ខែកក្កដាថា កីឡាករខ្សែប្រយុទ្ធជួរមុខ Lionel Messi បានសម្រេចវិលចូលក្រុមជម្រើសជាតិអាហ្សង់ទីនវិញហើយ បន្ទាប់ពីប្រកាស ចូលនិវត្តន៍ពីជម្រើសជាតិបាន ១សប្តាហ៍។
សារព័ត៌មានដ៏ល្បីរបស់អាហ្សង់ទីន ដដែលបានបញ្ជាក់ថា កីឡាករវ័យ២៩ឆ្នាំ ដែលកំពុងប្រកបអាជីពក្នុងយក្ស អេស្ប៉ាញ FC Barcelona វិលមកវិញជាលើកទី២នេះ គឺដើម្បីជួយក្រុមរងជើងឯក World Cup 2014 លេងក្នុង World Cup 2018 នៅប្រទេសរុស្ស៊ី និងត្រៀមធ្វើការប្រកួតជម្រុះពាន ៤ឆ្នាំម្តងនេះក្នុងខែកញ្ញាខាងមុខបន្តទៀត។
សូមរំលឹកផងដែរថា បុរសកូន ២នាក់ Lionel Messi បានប្រកាសចូលនិវត្តន៍ភ្លាមៗ បន្ទាប់ពីមិនអាចជួយក្រុមពពកស អាហ្សង់ទីន ឈ្នះពានជើងឯកប្រចាំទ្វីបអាមេរិក Copa America Centenarion 2016 បន្ទាប់ពីចាញ់ ក្រុមមកពីតំបន់អាមេរិកឡាទីនដូចគ្នា ឈីលី ដោយបាល់ប៉េណាល់ទីកាត់សេចក្តី ៤-២ កាលពីថ្ងៃទី២៧ ខែមិថុនា ឆ្នាំ២០១៦ ដែលមានអាមេរិកធ្វើម្ចាស់ផ្ទះ។
តែយ៉ាងណាក៏ដោយ កាសែត La Nacional មិនបានបញ្ជាក់ថា Messi នឹងមកចូលរួមក្រុមហ្វឹកហាត់ជុំគ្នាពេលណានោះទេ ដើម្បីធ្វើជាប្រធានក្រុមដឹកនាំអាហ្សង់ទីន លេងជម្រុះ World Cup 2018 ជាបន្តទៀតប្រចាំតំបន់អាមេរិកខាង ត្បូង តែច្បាស់ថា Messi បានសម្រេចចិត្តមិនចូលនិវត្តន៍ពីក្រុមជម្រើសជាតិឡើយ បន្ទាប់ពីទទូចសុំពីប្រធានាធិបតីអាហ្សង់ទីន Mauricio Macri និងអតីតគ្រូបង្វឹករបស់ខ្លួន Diego Maradona និងបងប្អូនជនរួមជាតិអាហ្សង់ទីនថែមទៀតនោះ ព្រោះថារូបគេ ជាកីឡាករស្នូលក្នុងក្រុម និងជាបច្ច័យអាក្រក់ផងដែរ សម្រាប់កីឡាករឯទៀត ក្នុងការសម្រេចចិត្តដើរចេញពីក្រុមជម្រើសជាតិទាំងឆាប់រហ័សបែបនេះ៕
ផ្តល់សិទ្ធដោយ ៖ ខ្មែរថកឃីង
- Messi បន្តកិច្ចសន្យាជាមួយក្រុមហ៊ុន Adidas គ្រាដែលកិច្ចសន្យានៅ Barcelona ផុតកំណត់ឆ្នាំ. (12/02/2017 16:23:00)
- Messi រងរបួសក្រលៀន ត្រូវអវត្តមាន ៣សប្តាហ៍ ពេល Barca ស្មើ ១-១ ទល់នឹង At.Madrid យប់មិញ (Video Inside) (22/09/2016 15:11:00)
- Messi ស៊ុត១គ្រាប់ជួយឲ្យអាហ្សង់ទីន ឈ្នះអ៊ុយរូហ្គាយ ១-០ ឡើងឈរកំពូលតារាង (Video Inside) (02/09/2016 14:09:00)
- Messi និង Aguero សុទ្ធតែរបួស ធ្វើឲ្យគ្រូបង្វឹកអាហ្សង់ទីនឈឺក្បាល ព្រោះសល់ ២ថ្ងៃទៀតជម្រុះ World Cup (31/08/2016 09:41:00)
- កីឡាករ Messi ប្រកាសជាផ្លូវការ សម្រេចចិត្តលេងឲ្យជម្រើសជាតិ អាហ្សង់ទីនវិញហើយ (13/08/2016 11:00:00)
- Messi និង Suarez មកដល់អង់គ្លេសហើយ ត្រៀមប៉ះក្រុម Celtic ចុងសប្តាហ៍នេះ (27/07/2016 16:31:00)
- Messi និងឪពុក ត្រៀមប្តឹងជំទាស់ ជុំវិញការសម្រេចរបស់តុលាការ កាត់ក្តីឲ្យជាប់គុក២១ខែ (07/07/2016 11:02:00)
- Messi និងឪពុក ត្រូវបានតុលាការអេស្ប៉ាញ កាត់ទោសឲ្យជាប់គុក ២១ខែដោយសារបន្លំប្រាក់បង់ពន្ធ (07/07/2016 10:56:00)
- ប្រធានាធិបតី, Maradona និងអ្នកគាំទ្រ ទទូចសុំឲ្យ កីឡាករ Messi ចូលលេងក្នុងក្រុមអាហ្សង់ទីន (04/07/2016 13:46:00)
- Messi ប្រកាសលាឈប់ពីក្រុមជម្រើសជាតិអាហ្សង់ទីន ក្រោយចាញ់ឈីលី ៤-២ ដោយបាល់ប៉េ (27/06/2016 13:51:00)
កីឡាអន្តរជាតិ ដែលមើលច្រើន
