ប្រធានាធិបតី, Maradona និងអ្នកគាំទ្រ ទទូចសុំឲ្យ កីឡាករ Messi ចូលលេងក្នុងក្រុមអាហ្សង់ទីន
(អាហ្សង់ទីន)៖ ប្រធានាធិបតីប្រទេសអាហ្សង់ទីន លោក Mauricio Macri និងអតីតតារាបាល់ទាត់ឆ្នើមពិភពលោក Diego Maradona រួមទាំងអ្នកគាំទ្ររាប់ម៉ឺននាក់ បានទទូចសុំឲ្យកីឡាករខ្សែប្រយុទ្ធ Lionel Messi ចូលលេងក្នុងក្រុមជម្រើសជាតិអាហ្សង់ទីនវិញ បន្ទាប់ពីរូបគេបានប្រកាសចូលនិវត្តន៍ ពីក្រុមជម្រើសជាតិកាលពីថ្ងៃទី២៧ ខែមិថុនា ឆ្នាំ២០១៦។
គេហទំព័រ The Gaurdians បានឲ្យដឹងថា ប្រជាពលរដ្ឋអាហ្សង់ទីនរាប់ម៉ឺននាក់ បានចេញមកធ្វើពិធីអបអរក្នុងរដ្ឋធានី Buenos Aires ចំពោះជ័យជំនះជើងឯករងនៃព្រឹត្តិការណ៍ពានប្រចាំទ្វីបអាមេរិក Copa America Centenario 2016 ជាមួយនឹងការស្រែកច្រៀង និងលើកបដា សុំឲ្យវីរបុរសរបស់គេ Lionel Messi ផ្លាស់ប្តូរចិត្តចូលលេងក្នុងក្រុមជម្រើសជាតិវិញផងដែរ។
ថ្មីៗនេះ ប្រធានាធិបតីអាហ្សង់ទីន ក៏បានទូរស័ព្ទជួបផ្ទាល់ជាមួយកីឡាករ ដែលទើបតែមានវ័យ២៩ឆ្នាំ កំពុងប្រកបអាជីពក្នុងក្លឹប FC Barcelona របស់អេស្ប៉ាញ អំពីការសម្រេចចិត្តចូលនិវត្តន៍ ពីក្រុមជម្រើសជាតិដ៏លឿនបែបនេះ តែលទ្ធផលយ៉ាងនោះពី Messi នៅមិនទាន់ដឹងនៅឡើយទេ។
តែយ៉ាងណាក៏ដោយ អតីតកីឡាករឆ្នើមរបស់ពិភពលោក Diego Maradona ដែលធ្លាប់ដឹកនាំអាហ្សង់ទីន លេងក្នុង World Cup 2010 នៅអាហ្រ្វិកខាងត្បូងក៏បានសុំឲ្យ Messi គិតឡើងវិញអំពីការផ្លាស់ប្តូរចិត្តជាថ្មីវិលមក ជួយអាហ្សង់ទីនជាបន្តទៀត ដែលត្រៀមជម្រុះ World Cup 2018 នៅរុស្ស៊ីចាប់ពីខែកញ្ញាខាងមុខបន្តទៀតហើយ។
សូមរំលឹកដែរថា កីឡាករលេងល្អរបស់ពិភពលោក ៥សម័យកាល Lionel Messi បានប្រកាសលាឈប់ពីក្រុមជម្រើសជាតិភ្លាម២ បន្ទាប់ពីមិនអាចជួយក្រុមអាហ្សង់ទីន ឈ្នះជើងឯកពាន Copa America Centenario 2016 នៅលើទឹកដីអាមេរិកកាលពីថ្ងៃទី២៧ មិថុនា ដោយបាល់ប៉េណាល់ទីកាត់សេចក្តី ៤-២ នៅវគ្គផ្តាច់ព្រ័ត្រ ដោយ Messi ក៏ប៉េណាល់ទីមិនចូលគ្រាប់ទី១ បើកឆាកផងដែរ ដែលធ្វើឲ្យគេខូចចិត្តជាខ្លាំង ក្រោយពីព្យាយាម៣ឆ្នាំបានត្រឹមតែរងជើងឯកនៃពាន World Cup 2014 ពាន Copa America 2015 និងពាន Copa America Centenario 2016 នេះ៕
ផ្តល់សិទ្ធដោយ ៖ ខ្មែរថកឃីង
- Messi បន្តកិច្ចសន្យាជាមួយក្រុមហ៊ុន Adidas គ្រាដែលកិច្ចសន្យានៅ Barcelona ផុតកំណត់ឆ្នាំ. (12/02/2017 16:23:00)
- Messi រងរបួសក្រលៀន ត្រូវអវត្តមាន ៣សប្តាហ៍ ពេល Barca ស្មើ ១-១ ទល់នឹង At.Madrid យប់មិញ (Video Inside) (22/09/2016 15:11:00)
- Messi ស៊ុត១គ្រាប់ជួយឲ្យអាហ្សង់ទីន ឈ្នះអ៊ុយរូហ្គាយ ១-០ ឡើងឈរកំពូលតារាង (Video Inside) (02/09/2016 14:09:00)
- Messi និង Aguero សុទ្ធតែរបួស ធ្វើឲ្យគ្រូបង្វឹកអាហ្សង់ទីនឈឺក្បាល ព្រោះសល់ ២ថ្ងៃទៀតជម្រុះ World Cup (31/08/2016 09:41:00)
- កីឡាករ Messi ប្រកាសជាផ្លូវការ សម្រេចចិត្តលេងឲ្យជម្រើសជាតិ អាហ្សង់ទីនវិញហើយ (13/08/2016 11:00:00)
- Messi និង Suarez មកដល់អង់គ្លេសហើយ ត្រៀមប៉ះក្រុម Celtic ចុងសប្តាហ៍នេះ (27/07/2016 16:31:00)
- Messi និងឪពុក ត្រៀមប្តឹងជំទាស់ ជុំវិញការសម្រេចរបស់តុលាការ កាត់ក្តីឲ្យជាប់គុក២១ខែ (07/07/2016 11:02:00)
- Messi និងឪពុក ត្រូវបានតុលាការអេស្ប៉ាញ កាត់ទោសឲ្យជាប់គុក ២១ខែដោយសារបន្លំប្រាក់បង់ពន្ធ (07/07/2016 10:56:00)
- Messi វិលមកលេងឲ្យជម្រើសជាតិអាហ្សង់ទីនវិញ ក្រោយចូលនិវត្តន៍បាន ១សប្តាហ៍ (04/07/2016 13:49:00)
- Messi ប្រកាសលាឈប់ពីក្រុមជម្រើសជាតិអាហ្សង់ទីន ក្រោយចាញ់ឈីលី ៤-២ ដោយបាល់ប៉េ (27/06/2016 13:51:00)
កីឡាអន្តរជាតិ ដែលមើលច្រើន
