CamNews

ស្វែងរកកំរិតខ្ពស់

ឆេះមជ្ឈមណ្ឌលពាណិជ្ជកម្មនៅ Qatar ៣៦នាក់ស្លាប់ និងរបួស

អគ្គីភ័យមួយបានឆាបឆេះនៅរដ្ឋធានី Doha នៃប្រទេស Qatar កាលពីម្សិលមិញ បណ្ដាល
អោយមនុស្សជាច្រើននាក់ត្រូវបាត់បង់ជីវិត ក្នុងនោះភាគច្រើនគឺជាកុមារ។

ផ្សែងងងឹតចេញពីមជ្ឈមណ្ឌលពាណិជ្ជកម្ម Villaggio

AFP ដកស្រង់សំដីរបស់រដ្ឋមន្រ្ដីក្រសួងមហាផ្ទៃ Qatar លោក Abdullah bin Nasser Al-Thani
បានអោយដឹងថា ភ្លើងបានចាប់ផ្ដើមឆាបឆេះចេញពីកុមារដ្ឋានមួយក្នុងមជ្ឈមណ្ឌលពាណិជ្ជកម្ម
Villaggio។ លោក Al-Thani ថ្លែងថា ៖ "សេចក្ដីរាយការណ៍ពីអគ្គីភ័យនេះ ត្រូវបានធ្វើឡើងនៅ
វេលាម៉ោង ១១ និង២នាទី ភ្លាមនោះ ក្រុមអ្នកពន្លត់អគ្គីភ័យបានទៅដល់កន្លែងកើតហេតុ"។

មានកុមារប្រមាណជា ២០នាក់ កំពុងស្ថិតនៅក្នុងកុមារដ្ឋានរបស់មជ្ឈមណ្ឌល Villaggio ហើយ
ការជួយសង្គ្រោះត្រូវបានផ្ដោតទៅលើការជំលៀសកុមារទាំងនេះ។

ស្ដ្រីអ្នកនាំពាក្យរបស់ក្រសួងមហាផ្ទៃ Qatar បានអោយដឹងថា ក្នុងចំណោមអ្នកស្លាប់ ១៩នាក់
គឺមានកុមារ ១៣នាក់ ក្នុងនោះកុមារ ៤នាក់ជាជនជាតិអេស្បាញ និង ៣នាក់ទៀតមានសញ្ជាតិ
បារាំង។

រដ្ឋមន្ដ្រីក្រសួងសុខាភិបាល Qatar លោក Khaled al-Qahtani ​បានអោយដឹងដែរថា អ្នករងគ្រោះ
ដល់ជីវិតក្នុងករណីនេះគឺសុទ្ធតែបណ្ដាលមកពីស្ទះដង្ហើមដោយសារផ្សែង។ ក្រៅពីអ្នករងគ្រោះ
ខាងលើក៏មានមនុស្សចំនួន ១៧នាក់ផ្សេងទៀតត្រូវរងរបួសផងដែរ។

ស្ថានិយទូរទស្សន៍ Al-Jazeera មានមូលដ្ឋាននៅ Doha បានរាយការណ៍ថា រាជបុត្រា Sheikh Tamim bin Hamad al-Thani ក៏បានបញ្ជាអោយបង្កើតគណកម្មការពិសេសមួយដើម្បីស្រាវជ្រាវ
រកមូលហេតុនៃករណីនេះ។

គួរំឭកថា មជ្ឈមណ្ឌល Villaggio មានទំហំ ១២៥.០០០ម២ ត្រូវបានបើកដំណើរការកាលពីឆ្នាំ ២០០៦។ មជ្ឈមណ្ឌល Villaggio ត្រូវបានសាងសង់ឡើងយកតាមលំនាំកាស៊ីណូ Venetian នៅ
Macau៕

ដោយ ៖ សូរីយ៉ា
ប្រភព ៖ VE


Tags: Qatar ,  fire ,  death

ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......