គូស្នេហា “ដងទង់ និងផ្សិតតឿ” ទាក់ទាញចំណាប់អារម្មណ៍ ជាខ្លាំងនៅចិន

ជីវិត និងការងារ

គូស្នេហា “ដងទង់ និងផ្សិតតឿ” ទាក់ទាញចំណាប់អារម្មណ៍ ជាខ្លាំងនៅចិន

12:46 PM 31.10.2013
Print Email

រឿងរ៉ាវនៃក្ដីស្នេហ៍របស់កម្លោះក្រមុំមួយគូ មកពីប្រទេសចិន កំពុងទទួលបានការចាប់អារម្មណ៍ពីសាធារណជនគ្រប់ទិសទី នៅក្នុងបណ្ដាញអ៊ីនធើរណិត ដោយសារតែកម្ពស់លើសខ្វះគ្នាដល់ទៅ ៤៤ សង់ទីម៉ែត្រ។

រយៈកាលកន្លងមក អ្នកលេងអ៊ីនធើរណិតនៅចិន នាំគ្នាជជែកអំពីរឿងរ៉ាវស្នេហារបស់បុរស និងនារីមួយគូដែលមានកម្ពស់ខុសគ្នាច្រើន និងគួរឱ្យស្រឡាញ់។ នារីជាសង្សារ មានកម្ពស់ ១,៥៨ម៉ែត្រ ចំណែកបុរសជាសង្សារ មានកម្ពស់ ១,៩៣ម៉ែត្រ។ ភាពខុសគ្នាដ៏ច្រើននៃកម្ពស់នេះហើយ បានធ្វើឱ្យមនុស្សភាគច្រើន សម្ដែងការចាប់អារម្មណ៍ និងពេញចិត្ត។

បណ្ដារូបថតដែលបង្ហាញអំពីសកម្មភាពបណ្ដើរគ្នា លេងសប្បាយជាមួយគ្នារបស់ស្នេហាមួយគូនេះ ត្រូវបានគេស្វែងរក និងចែករំលែកជាបន្ដបន្ទាប់ នៅលើបណ្ដាញសង្គមនានា។ មនុស្សទូទៅ មានការពេញចិត្តនឹងកម្ពស់របស់បុរសនេះ ទន្ទឹមនឹងនេះពួកគេក៏អបអរ និងប្រៀមប្រដូចស្នេហានេះទៅនឹងភាពយន្ដកូរ៉េ "បុរសជាសង្សារ មាឌធំខ្ពស់ សង្ហា តែងថ្នាក់ថ្នមស្រីស្នេហ៍ តូចល្អិច" ។

ទន្ទឺមនឹងការពេញចិត្ត ក៏មានមតិរិះគន់ និងមិនយល់ស្របមួយចំនួន ដោយអ្នកខ្លះនិយាយថា គំលាតនៃកម្ពស់របស់គូស្នេហានេះ មានលក្ខណៈ “ធ្ងន់ធ្ងរ” ពេក មិនស័ក្ដិសមនឹងគ្នា។ ប៉ុន្ដែ ឆ្លើយតបនឹងបញ្ហានេះ អ្នកខ្លះថា កម្ពស់ វាមិនមែនជាឧបសគ្គចំពោះសេចក្ដីស្នេហានោះទេ។

បច្ចុប្បន្ន គូស្នេហានេះ កំពុងរៀននៅសកលវិទ្យាល័យ Jiangsu ប្រទេសចិន។ មនុស្សជាច្រើន បានឱ្យដឹងថា ភាពខុសគ្នាដ៏ធំអំពីកម្ពស់នេះ បានបណ្ដាលឱ្យការបង្ហាញខ្លួនរបស់ពួកគេក្នុងសាលា ទាក់ទាញចំណាប់អារម្មណ៍យ៉ាងខ្លាំងពីអ្នកនៅជុំវិញ។

ទោះជាយ៉ាងណាក៏ដោយ ឈ្មោះរបស់ពួកគេ មិនទាន់ត្រូវបានបង្ហើបឱ្យដឹងជាសាធារណៈ នៅឡើយ។

សូមទស្សនាបណ្ដារូបថតដ៏គួរកោតសរសើររបស់ស្នេហាមួយគូនេះ ៖