CamNews

ក្រុមអ្នកវិទ្យាសាស្ដ្រអាមេរិក បានអភិវឌ្ឍដោយជោគជ័យនូវបច្ចេកវិទ្យាពិសេសមួយ អនុញ្ញាតឱ្យ
បញ្ជាទៅលើសកម្មភាពរបស់អ្នកដទៃ ដោយប្រើការគិត ដូចទៅនឹងសាស្ដ្រាចារ្យ Charles Xavier
ក្នុងភាពយន្ដ X-men ។

យើងធ្លាប់តែបានគិតថា សមត្ថភាពបញ្ជាទៅលើរាងកាយអ្នកដទៃ គឺកើតឡើងតែក្នុងរឿងនិទាន ឬ
ភាពយន្ដបែបស្រមៃប្រឌិត ក៏ប៉ុន្ដែ ការសិក្សាស្រាវជ្រាវមួយ ថ្មីៗ ដែលត្រូវបានចុះផ្សាយនៅលើទំព័រ
ទស្សនាវដ្ដី Public Library of Science One បានបញ្ជាក់នូវភាពផ្ទុយគ្នាគ្នា។

ទិដ្ឋ​ភាព​បញ្ជា​ទៅ​លើ​សត្រូវ ដោយ​ប្រើ​ខួរ​ក្បាល នៅ​ក្នុង​ភាព​យន្ដ X-men

ទស្សនាវដ្ដី Public Library of Science One ឱ្យដឹងថា ក្រុមអ្នកវិទ្យាសាស្ដ្រ និងវិស្វករកុំព្យូទ័រ មក
ពី សកលវិទ្យាល័យ Washington បានធ្វើឱ្យសមត្ថភាព X-men ក្លាយជាការពិត ដោយបង្កើតបាន
បច្ចេកវិទ្យាមួយ អនុញ្ញាតឱ្យបញ្ជាទៅលើខួរក្បាលអ្នកដទៃ។

ដើម្បីបញ្ជាក់អំពីដំណើរការរបស់ឧបករណ៍ថ្មីនេះ ក្រុមអ្នកវិទ្យាសាស្ដ្របានធ្វើការពិសោធទៅលើ
មនុស្សចំនួន ៣ក្រុម ដែលត្រូវបានគេឱ្យលេងល្បែងមួយ។ ក្រុមទាំងនេះ ត្រូវបានដាក់នៅក្នុងអាគារ
២ផ្សេងៗគ្នា។ មនុស្សម្នាក់ គឺជាអ្នកតាមដានស្ថានភាពនៃល្បែង នៅលើអេក្រង់ធំមួយ ចំណែកអ្នក
ក្រៅពីនេះ គឺមានតួនាទីអនុវត្តបញ្ជាក្នុងល្បែង ដោយមិនអាចមើលឃើញអ្វីទាំងអស់។

ឧបករណ៍ថតយករលកសញ្ញាខួរក្បាល ត្រូវបានគេភ្ជាប់លើអ្នកដែលមើលទៅលើអេក្រង់ ហើយ​តាមរយៈការតាមដានស្ថានភាពនៃល្បែង ការ​បញ្ជានៃប្រព័ន្ធសរសៃប្រសាទកណ្ដាលរបស់មនុស្ស
នេះ ត្រូវបានបញ្ជូនទៅកាន់ខួរក្បាលរបស់អ្នកផ្សេង។ រលកសញ្ញាខួរក្បាលនេះ បញ្ជាទៅលើសាច់
ដុំសរសៃប្រសាទ ដើម្បីបញ្ជាទៅលើអ្នកទទួល ឱ្យអនុវត្តតាមបញ្ជាដោយខ្លួនមិនបានដឹងអ្វីសោះ។

លទ្ធផលដែលទទួលបាន គឺពិតជានឹកស្មានមិនដល់ ៖ ការបញ្ជូនរលកសញ្ញាខួរក្បាលពីមនុស្សនេះ
ទៅកាន់មនុស្សផ្សេង គឺមានល្បឿនលឿន ពោលគឺចំណាយមិនដល់ ៦៥០មិល្លីវិនាទី(mili minute)។
ទន្ទឹមនឹងនេះ លទ្ធផលនៃការអនុវត្តបញ្ជារបស់អ្នកមិនបានមើលលើអេក្រង់ គឺមានភាពត្រឹមត្រូវដល់
ទៅ ៨៣%។ តាមរយៈការពិនិត្យទៅលើផែនទីរលកសញ្ញាខួរក្បាល បានបង្ហាញថា ការអនុវត្តខុស
បញ្ជា ភាគច្រើនគឺកើតឡើងដោយសារការរារែកក្នុងការគិតរបស់អ្នកបញ្ជាក្នុងការលេងល្បែងនេះ។

បណ្ឌិត Rajesh Rao បានឱ្យដឹងថា ៖ “លទ្ធផលនេះ ជួយឱ្យយើងដឹងថា ព័ត៌មានអាចបញ្ជូនទៅ
តាមខួរក្បាលដោយឡែក ២ ផ្សេងៗគ្នា ហើយជួយឱ្យមនុស្ស ២នាក់ អនុវត្តភារកិច្ចជាក់លាក់ ១”។

លោកបណ្ឌិត បន្តថា ៖ “ឧបករណ៍ ដែលធ្លាប់ត្រូវបានគេចិញ្ចឹមមហិច្ឆតាតាំងពីយូរមកហើយ នៅ
ក្នុងខ្សែភាពយន្ដនានា មិនត្រឹមតែមានសមត្ថភាពបង្កើតនូវបដិវត្តក្នុងវិស័យទំនាក់ទំនងប៉ុណ្ណោះទេ
ប៉ុន្ដែ វាក៏នឹងបើកផ្លូវសម្រាប់ការស្រាវជ្រាវទៅលើមុខងារទាំងឡាយរបស់ខួរក្បាល”។

ក្រុមគ្រូពេទ្យក៏អាចប្រើប្រាស់បច្ចេកវិទ្យានេះ ក្នុងការព្យាបាលអ្នកជម្ងឺស្លាប់មួយចំហៀងខ្លួន ឬខូច
ខាត​សរសៃប្រសាទដែលបញ្ជាមកកាន់អវៈយវៈ។ល។ ក្រៅពីនេះ ក្រុមអ្នកបើកបរយន្ដហោះ ក៏អាច
បញ្ជាការហោះហើរ ពីដី ក្នុងករណីមានហេតុការណ៍បន្ទាន់នៅលើអាកាស៕

ប្រែសម្រួលដោយ ៖ តារា
ប្រភព ៖ Telegraph/NYdailynews