គយគន់ចន្ទ្រគ្រាស នៅយប់ថ្ងៃទី ១៩ តុលា ឆ្នាំ ២០១៣
វាលាទាបភ្លឺ ថ្ងៃទី ១៩តុលា អ្នកស្រឡាញ់តារាសាស្ដ្រនឹងមានឱកាសទស្សនាមួយផ្នែកនៃបាតុភូតជាយចន្ទ្រគ្រាស ពាក់កណ្ដាលងងឹត។ នេះក៏ជាបាតុភូតចន្ទ្រគ្រាសចុងក្រោយ ក្នុងឆ្នាំនេះ។
នេះគឺជារូបភាពបង្ហាញអំពីទីតាំងរបស់ចន្ទ្រគ្រាសទាំងស្រុង(umbral) និងចន្ទ្រគ្រាសពាក់កណ្ដាលងងឹត (penumbral)
ជាយចន្ទ្រគ្រាស គឺជាបាតុភូតព្រះចន្ទ្រគោចរចូលក្នុងតំបន់ពាក់កណ្ដាលងងឹតរបស់ផែនដី (penumbral) ដោយវាមានសភាពងងឹតបន្ដិច រួចប្ដូរមកជាពណ៌ក្រហមព្រឿងៗ ខុសពីចន្ទ្រគ្រាសទាំងស្រុង ដែលពេញដោយភាពងងឹត។
ជាយចន្ទ្រគ្រាសដែលនឹងកើតឡើងនៅវេលាទាបភ្លឺ ថ្ងៃទី ១៩ តុលាខាងមុខ មិនមែនជាចន្ទ្រគ្រាសទាំងស្រុងនោះទេ ដោយសារ មានតែមួយផ្នែកធំរបស់ព្រះចន្ទ្រ គោចរចូលក្នុងតំបន់ពាក់កណ្ដាលងងឹតរបស់ផែនដី។ នៅកម្ពុជា បាតុភូតនេះ នឹងចាប់ផ្ដើមនៅវេលាម៉ោងប្រហែល ៤ និង៥៣នាទី និងបញ្ចប់នៅវេលាម៉ោង ៨ និង ៤៨នាទីព្រឹកថ្ងៃទី ១៩ តុលា។
ដោយសារតែ ព្រះចន្ទ្រនឹងលិចនៅវេលាម៉ោងប្រហែល ៥ និង ៣០នាទី ថ្ងៃទី ១៩ តុលា ដូច្នេះ ប្រជាជនកម្ពុជា អាចគយគន់បាតុភូតនេះ ចាប់ពីម៉ោង ៤ និង ៥៣នាទី ដល់ម៉ោង ៥ និង ៣០នាទី ដែលពេលនោះ ព្រះចន្ទ្រស្ថិតនៅឯនាយជើងមេឃខាងលិច។
រូបភាពខាងលើនេះ បង្ហាញអំពីតំបន់ដែលអាចទស្សនាចន្ទ្រគ្រាស នៅទូទាំងពិភពលោក របស់គេហទំព័រ Timeanddate.com ។ តំបន់ក្រហមគឺជាតំបន់ដែលអាចគយគន់ចន្ទ្រគ្រាសទាំងស្រុង ចំណែកកម្ពុជា ស្ថិតនៅក្នុងតំបន់ដែលអាចទស្សនាបានត្រឹមតែពេល ព្រះចន្ទ្ររៀបលិច។
ជាយចន្ទ្រគ្រាស ក៏ដូចជាចន្ទ្រគ្រាស ទាំងស្រុង ឬចន្ទ្រគ្រាសមួយផ្នែក គឺសុទ្ធតែអាចគយគន់ដោយភ្នែកធម្មតា មិនចាំបាច់ប្រើប្រាស់ឧបករណ៍ជំនួយ ដើម្បីការពារ។ ប៉ុន្ដែ ប្រសិនមានកែវយឹត តេឡេស្កូបខ្នាតតូច ឬកាមេរ៉ា នោះវានឹងជួយឱ្យអ្នកទស្សនាបានច្បាស់ និងមានភាពអស្ចារ្យជាងធម្មតា។
ព័ត៌មានផ្សេងៗគួរឱ្យចាប់អារម្មណ៍
ស្ថាបត្យកររបស់ ZA រចនាអាគារសម្រាប់ ភពព្រះអង្គារ
រកឃើញទឹកក្នុងដីស្រទាប់លើ នៅភពព្រះអង្គារ
រាប់ម៉ឺននាក់ ផ្អើលមើលសូរ្យគ្រាស នៅអូស្រា្តលី
ប្រែសម្រួលដោយ ៖ តារា
ប្រភព ៖ Timeanddate /VACA
- អាមេរិក បង្ហើបពីគម្រោង យកព្រះចន្ទ ជាឈ្នាន់ ទៅកាន់ភពផ្សេង (15/02/2014 17:28:00)
- កូរ៉េខាងជើង បាញ់កាំជ្រួច ទទួលឆ្នាំថ្មី ស្របនឹងចិន (វីដេអូ) (01/02/2014 16:04:00)
- ទៅមើល ផែនទី សរបញ្ជាក់អោយឃើញ ពីការធ្វើដំណើរ បងប្អូនជនជាតិចិន នាឱកាស បុណ្យចូលឆ្នាំ (29/01/2014 16:06:00)
- Jade Rabbit យានអវកាស របស់ចិន ធ្វើដំណើរ ពនេចរ របស់ខ្លួន នៅលើភព ព្រះច័ន្ទ (មានវីដេអូ) (17/12/2013 10:44:00)
- វីដេអូ ចិនបន្តមហ្ឆិតា របស់ខ្លួន បញ្ជូន យានអវកាស ទៅសំចត នៅលើ ភពព្រះច័ន្ទ (05/12/2013 14:59:00)
- តារាងម៉ោងប្រកួត Premier League ពីថ្ងៃទី២៩ខែតុលា ដល់ថ្ងៃទី១ ខែវិច្ឆិការឆ្នាំ២០១១ (25/10/2011 16:10:00)
- នាយកប្រតិបត្តិ Nokia លោកស្ទីវិន អ៊ីឡុប នឹងថ្លែងសុន្ទរកថានៅក្នុងមហាព្រឹត្តិការណ៍ Nokia World (25/10/2011 08:10:00)
- លទ្ធផលការប្រកួត Champion League ក្នុងថ្ងៃពុធ ទី១៨ ខែតុលា ឆ្នាំ២០១១ (19/10/2011 15:10:00)
ព័ត៌មានអន្តរជាតិ ដែលមើលច្រើន
