CamNews

ស្វែងរកកំរិតខ្ពស់
ព័ត៌មានបច្ចេកវិទ្យា 

NASA ៖ រូងថ្មលើព្រះចន្ទ នឹងជាទីតាំងរស់នៅ របស់មនុស្ស

ផ្ទៃខាងលើរបស់ព្រះចន្ទ មិនត្រឹមតែមានមាត់ភ្នំភ្លើងច្រើននោះទេ ប៉ុន្ដែវាក៏មានរណ្ដៅធំ ជា
ច្រើនផងដែរ។ យោងតាម NASA បណ្ដារូងថ្មទាំងនេះ អាចជាកន្លែងជ្រោករបស់អវកាសចរ
នាពេលអនាគត។

ផ្កាយរណបតាមដានព្រះពន្ទ LRO របស់ NASA បានរកឃើញរណ្ដៅធំៗចំនួន ២០០ នៅលើ
ផ្ទៃដីព្រះចន្ទ។ រណ្ដៅទាំងនេះ មានអង្កត់ផ្ចិតចាប់ពី ៥ ម៉ែត្រ ដល់ ៩០០ម៉ែត្រ ហើយវាប្រហែល
ជាកើតឡើង ដោយសារតែរណ្ដៅជ្រៅក្រោមផ្ទៃដីព្រះចន្ទ បាក់ស្រុត។ NASA ឱ្យដឹងថា បណ្ដា
រូងនេះ បានកើតឡើងដោយសារកំអែភ្នំភ្លើងកាលពីអតីតកាល។

Robert Wagner អ្នកស្រាវជ្រាវម្នាក់ មកពីសកលវិទ្យាល័យ Arizona State ដែលធ្លាប់បានរក
ឃើញរណ្ដៅទាំងនេះ អះអាងថា ៖ “តំបន់រស់នៅ ក្នុងរណ្ដៅព្រះចន្ទដែលមានជម្រៅ ១០ -២០
ម៉ែត្រនឹងក្លាយជាទីតាំងសុវត្ថិភាព សម្រាប់ក្រុមអវកាសចរ ៖ គ្មានវិទ្យុសកម្ម គ្មានដុំអាចម៍ផ្កាយ
តូចៗធ្លាក់ មានធូលីតិចតួចបំផុត ហើយកំដៅពេលថ្ងៃ ក៏មិនខុសគ្នាប៉ុន្មាន ធៀបនឹងពេលយប់”។

ក្រោយពី NASA កំណត់បានទីតាំងនៃបណ្ដារណ្ដៅនេះ ក្រុមអ្នកវិទ្យាសាស្ដ្រកំពុងមានសង្ឃឹមថា
នឹងអាចស្រាវជ្រាវពួកវា ឱ្យបានច្បាស់ជាងបច្ចុប្បន្ន។ យោងតាម Robert Wagner វិធីល្អបំផុត
គឺការបញ្ជូនមនុស្សយន្ដ ចូលទៅខាងក្នុងមាត់រណ្ដៅ។

បច្ចុប្បន្ន ក្រុមស្រាវជ្រាវរបស់ Robert Wagner កំពុងបន្តស្វែងរកមាត់ភ្នំភ្លើងព្រះចន្ទ ដែលគេ
ជឿថា អាចនឹងមានច្រើនជាងនេះ។ ការរកឃើញរណ្ដៅទាំងនេះ គឺជាប្រការសំខាន់ អាចបញ្ជូន
មនុស្សត្រឡប់ទៅកាន់ព្រះចន្ទម្ដងទៀត ព្រមទាំងអាចរស់នៅទីនោះ បានយូរជាងមុន។ ក៏ប៉ុន្ដែ
កាលពីខែមិនាកន្លងទៅ ប្រធានាធិបតីអាមេរិក បានប្រកាសថា អាមេរិកកំពុងមានគម្រោងនឹង
បញ្ជូនមនុស្សទៅកាន់ភពអង្គារ និងភពផ្សេងៗ ហើយព្រះចន្ទ គឺជាអាទិភាពចុងក្រោយ។


ប្រែសម្រួលដោយ ៖ តារា
ប្រភព ៖ Nasa/Theverge


Tags: Robert Wagner ,  moon ,  NASA ,  caves

ព័ត៌មានបច្ចេកវិទ្យា ដែលមើលច្រើន

ការសិក្សារបស់ Visa បង្ហាញពីឱកាសនៃការទូទាត់ប្រាក់តាមរយៈទូរស័ព្ទដៃ នៅតំបន់អាស៊ីប៉ាស៊ីហ្វិក

ជាងពាក់កណ្តាល (៥៥%) នៃអតិថិជននៅអាស៊ីប៉ាស៊ីហ្វិកជ្រើសរើសការទូទាត់ដោយដាក់ទូរស័ព្ទដៃប៉ះនៅកន្លែងបញ្ជរគិតប្រាក់ដំណោះស្រាយទទួលការបង់ប្រាក់ដោយ......

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

លោក ព្រាបសុវត្ថិ កំពូលតារាចម្រៀងប្រចាំប្រទេសកម្ពុជាក្លាយជាអគ្គរាជទូតសុឆន្ទៈប្រចាំក្រុមហ៊ុន ISUZU

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

កម្មវិធី ជាង 2000 apps លើ Google Playstore អាចបង្កគ្រោះថ្នាក់ ដល់អ្នកប្រើ

ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney...