សក់ស្ដើង ខ្លី ត្រូវធ្វើបែបណា?

ជីវិតរស់នៅ

សក់ស្ដើង ខ្លី ត្រូវធ្វើបែបណា?

02:59 PM 02.10.2012
Print Email

នារីទាំងឡាយតែងតែចង់បាន សក់ដែលក្រាស់ វែង និង មានសុខភាពល្អ ប៉ុន្តែ មានស្ត្រីមួយ
ចំនួន មានសក់ស្តើង ដែលវាជាបញ្ហាសម្រាប់ពួកគេ ក្នុងការជ្រើសរើសម៉ូដសក់អោយត្រូវនឹង
ចិត្តរបស់ខ្លួន។

សូមស្វែងយល់ពីគន្លឹះខាងក្រោម ប្រសិនអ្នកមានបញ្ហាសក់ស្ដើង ៖

១. អ្នកត្រូវទៅអោយជាងកាត់សក់ ដែលមានជំនាញធ្វើការកាត់សក់អោយអ្នក ដោយមិនចាំ
បាច់ខ្លាច ថាខ្លីជាងអ្វីដែលអ្នកចង់បាននោះទេ សម្រាប់ការកាត់ជាលើកដំបូងនេះ ។ អ្នកត្រូវ
អោយជាងកាត់ សក់កាត់ចេញនូវសក់ ដែលស្ងួត និង បែកចុងចេញ និង អាចផ្តល់អោយអ្នក
នូវម៉ូត ដែលវានឹង ដុះមកក្រាស់ និង ស្រស់ស្អាតជាងមុន។ គោលដៅចម្បងនោះគឺថា អ្នក
នឹងទទួលបាននូវសក់ដែល មានសុខភាពល្អ និង ដុះមកក្រាស់ និង វែងជាងមុន។

២. នៅពេលដែលសក់អ្នក ចាប់ផ្តើមដុះមកវិញ នោះអ្នកត្រូវធ្វើការកាត់តម្រឹមអោយបានទៀង
ទាត់ គឺរាល់ ៦ ទៅ ៨សប្តាហ៍ម្តង ដើម្បីរក្សាអោយសក់អ្នក មានសុខភាពល្អ, រឹងមាំ និង
ស្ថិតក្នុងស្ថាន ភាពដ៏ល្អបំផុត ដែលវាអាចដុះមកក្រាស់ និង វែងជាងមុនបាន។ អ្នកអាចលាប
នូវ ក្រែមបន្ទន់សក់ ដែលមានគុណភាពល្អ ដើម្បីជួយអោយសក់អ្នកមានភាពទន់រលោង និង
រឹងមាំ។

៣. កក់សក់ រាល់ពីរបីថ្ងៃម្តង អ្នកមិនត្រូវកក់វាច្រើនពេកទេ។ ការកក់សក់ញឹកញាប់ពេក អាច
ទាញ ឬសសក់ បំផ្លាញដល់ស្បែកក្បាល និង កំចាត់ចោលនូវប្រេងពីធម្មជាតិ ចេញពីសក់
ដែលវាមាន សារៈសំខាន់ ក្នុងការធ្វើអោយសក់ដុះមកវែង និង រឹងមាំ ។

៤. ធ្វើការលាបផលិតផលថែទាំសក់ថ្នមៗ និង ធ្វើការម៉ាស្សានៅលើស្បែកក្បាល ពី ៣ ទៅ ៥
នាទី។ ដាក់នូវក្រែមបន្ទន់អោយបានច្រើនបន្តិច នៅត្រង់ចុងសក់ និង ទុកវាចោលបន្ទាប់
ពីអ្នកបានកក់សក់រួច។ ប្រើទឹកក្តៅឧណ្ណៗ និង លាងសំអាតជាមួយនឹងទឹកត្រជាក់ធម្មតា
តែអ្នកមិនត្រូវជ្រមុជ សក់ទៅក្នុងទឹកក្តៅនោះទេ។

៥. ធ្វើការសិតសក់ អោយបានជាប្រចាំ ដោយប្រើក្រាស់សិតសក់ ដែលមានធ្មេញរង្វើល។ កំនួច
សក់ និង សក់អង្កាញ់អាចបង្អាក់ដល់ សម្តត្ថភាពសក់ ក្នុងការដុះមកវែង និង ក្រាស់ជាង
មុនបាន។

៦. អ្នកមិនត្រូវ ធ្វើអោយសក់អ្នកស្ងួតពេក ដោយការប្រើម៉ាស៊ីនផ្លុំសក់នោះទេ។ ជំនួសមកវិញ
អ្នក ត្រូវផ្លុំសក់ដោយ ដាក់ខ្យល់សំងួតក្នុងកម្រិតស្រាលៗ ឬ ដាក់វាអោយស្ងួតដោយការត្រូវ
ខ្យល់។

៧. ជៀសវាងនូវការប្រើប្រដាប់មូលសក់, ម៉ាស៊ីនកៀបសក់ ឬ មូលរួញ។ ពួកវាសុទ្ធតែអាចធ្វើ
អោយ សក់ស្ងួត និង មិនអាចដុះមកវែង ដែលវវានឹងអាចបំផា្លញដល់ចុងសសៃសក់ផងដែរ។
វាមិនត្រឹម តែមិនអាចអោយសក់អ្នកដុះក្រាស់នោះទេ វាថែមទាំងអាចអោយសក់អ្នកស្តើង
ទៀតផង។

៨. នៅពេលយប់ ចងសក់អ្នកទៅក្រោយ ឬ មូលឡើងទៅលើ ។វិធីនេះជួយការពារ សក់អ្នកពី
ការដាច់ ជ្រុះ និង មានកំណួចក្នុងពេលដែលអ្នកប្រែចុះឡើង ពេលកំពុងគេងលក់។

៩. ប្រើប្រេងក្តៅព្យាបាលសក់ ឬ ម៉ាសសម្រាប់ស្រោបសក់ អោយបានម្តងក្នុងមួយសប្តាហ៍
ដើម្បី បំប៉ន និង ចិញ្ចឹមសក់។ អ្នកត្រូវធ្វើតាមការណែនាំដែលមាន ដាក់នៅលើផ្លាកផលិត
ផល និង ទុកវានៅក្នុងមួកគ្របផ្លាស្ទិច យ៉ាងហោចណាស់ អោយបាន ៣០នាទី និង បន្ទាប់
មកលាងសម្អាត វា និង សិតដូចធម្មតា។

១០. ព្យាយាមដាក់សក់ អោយដូចជាធម្មជាតិរបស់វា ដោយជៀសវាងនូវការធ្វើអោយសក់មាន
រាងជាទឹករលក ឬ អ៊ុតត្រង់ជាអចិន្ត្រៃ។ ខណៈពេលដែលវាគ្រាន់តែធ្វើអោយសក់មើលទៅ
វែង និង ក្រាស់ជាងមុនជាបណ្តោះអាសន្ន វាបានបំផ្លាញដល់សសៃសក់ និង រារាំងដល់ការ
ដុះក្រាស់ និង វែងជាងមុនបានដោយខ្លួនវា ។

១១. អ្នកត្រូវមានភាពឆ្លាតវៃ សម្រាប់ការជ្រើសរើសម៉ូតសក់។ កៀបសក់ឡើងទៅលើ ឬ ចងទៅ
ក្រោយ នៅក្នុងថ្ងៃក្តៅ ដើម្បីជៀសវាងនូវការបែកញើស និង មានក្អែល ប៉ុន្តែត្រូវចងសក់រាង
រលុងៗបន្តិច តាមដែលអាចធ្វើបាន។ ការចងសក់តឹងពេក,ក្រង, មួល និង អាចបំផ្លាញដល់
សុខភាពនៃ សសៃសក់របស់អ្នកបាន។

១២. រស់នៅ ប្រកបដោយសុខភាពល្អ ដោយការទទួលទានអាហារបំប៉នដែលមានជីវជាតិ និង
សម្រាក អោយបានគ្រប់គ្រាន់, ធ្វើលំហាត់ប្រាណអោយបានទៀងទាត់ និង ធ្វើការគ្រប់គ្រង
ស្ត្រេស ។ កត្តាទាំងនេះ គឺសុទ្ធតែជួយអោយសក់អ្នកដុះមកវែងក្រាស់ និង មានសុខភាពល្អ៕