មានសង្សារទើបបំបាត់ភាពឯកាបាន មែនទេ?

យល់ដឹង

មានសង្សារទើបបំបាត់ភាពឯកាបាន មែនទេ?

03:12 PM 09.12.2011
Print Email

តើមនុស្សយើងនៅលើលោកកើតមកដើម្បីអ្វីទៅ ក្រៅតែពីញុំា ញុំាហើយគេង គេងហើយញុំា
អត់មានអី្វញុំាត្រូវទៅធ្វើការដើម្បីរកលុយមកទិញអីញុំាមែនទេ? ចុះរឿងស្នេហាវិញ គិតយ៉ាង
ម៉េចដែរ?

តាមពិតទៅមនុស្សកើតមកត្រូវតែមានស្នេហា មិនអាចខ្វះបានឡើយ ស្នេហាមានទាំងផល
ល្អ និងផលអាក្រក់ បើស្នេហាល្អូកល្អឺន យល់ចិត្តគ្នា នោះគឺមានផលល្អហើយ តែបើស្នេហា
មិនចុះសម្រុង មិនយល់ចិត្តគ្នា នោះហើយជាផលអាក្រក់។

មានអ្នកខ្លះមិនធ្លាប់មានស្នេហា គិតតែពីរៀនសូត្រ រឿងអនាគតទៅថ្ងៃមុខ ល្អហើយដែលគេ
អាចគិតឃើញបែបនេះ ព្រោះថាពេលមានសង្សារ គេត្រូវគិតពីលទ្ធភាព និងពេលវេលាគ្រប់
គ្រាន់សិន ដើម្បីកុំអោយប៉ះពាល់ដល់លទ្ធផលសិក្សារបស់គេ ។

អ្នកខ្លះធ្លាប់ខូចចិត្តនឹងរឿងស្នេហា ក៏ក្លាយខ្លួនទៅជាមនុស្សឯកា បាត់បង់ជំនឿជាក់លើខ្លួន
ឯង ហើយចង់អោយខ្លួនឯងសប្បាយចិត្ត ព្យាយាមនៅជាមួយអ្នកផ្សេង ដើរលេងជាមួយគេ
ទោះបីជាខ្លួនមិនស្រឡាញ់គេក៏ដោយ ក៏ព្យាយាមលួងលោមខ្លួនឯង ដោយធ្វើជាស្រឡាញ់
គេ តែទីបំផុតគឺគេធ្វើបាបខ្លួនឯងទៅវិញទេ ព្រោះតែខ្លួនយកអ្នកផ្សេងដើម្បីបន្លប់ភាពអផ្សុក
តែប៉ុណ្ណោះ រឿងនេះនៅតែមិនអាចជួយគេអោយរួចផុតពីភាពឯកាបានឡើយ ។

មានសង្សារគ្រាន់តែជាការកំដរអារម្មណ៍តែប៉ុណ្ណោះ អ្វីដែលធ្វើឲ្យមនុស្សយើងមានអារម្មណ៍
ឯកាពិតប្រាកដនោះ គឺខ្វះមនុស្សដែលខ្លួនស្រឡាញ់។ មានមនុស្សដែលខ្លួនស្រឡាញ់នៅ
ក្បែរទើបធ្វើអោយមានភាពកក់ក្តៅក្នុងបេះដូង។ ទោះបីជាមានសង្សារ ១០នាក់ ក៏មិនស្មើរ
នឹងយើងមានមនុស្សដែលខ្លួនស្រឡាញ់ពិតប្រាកដម្នាក់នៅក្បែរឡើយ។ បេះដូងរបស់យើង
នឹងបញ្ជាក់ថា មនុស្សម្នាក់នោះជាមនុស្សយើងស្រឡាញ់ពិតប្រាកដ។

ការស្វែងរកមនុស្សដែលខ្លួនស្រឡាញ់វាជាការលំបាកណាស់ នេះវាមានន័យថាទាល់តែមាន
និស្ស័យទើបជួប តែបើគ្មាននិស្ស័យទេ ទោះជាខំប្រឹងស្វែងរកអស់មួយជីវិត ក៏មិនជួបដែរ។
មិនប្រាកដថា មនុស្សដែលកើតមកមានរូបរាងស្អាត មានទ្រព្យសម្បត្តិ មានសំណាងជាង
យើង ឬជុំវិញខ្លួនគេសម្បូរទៅដោយក្តីស្រឡាញ់នោះទេ គឹមនុស្សយើងមានភព្វសំណាង
ខុសៗគ្នា ។ ជួនកាលអ្នកខ្លះក៏ជួបស្នេហ៍របស់គេទាំងខ្លួនមិនដែលនឹងគិតចង់បានផង តែចង់
គេចក៏គេចមិនរួចដែរ តែជួនកាលអ្នកដែលចង់ជួបបែរជាមិនជួប បានត្រឹមតែមាននិស្ស័យ តែ
គ្មានវាសនា ។

នៅពេលដែលជួបមនុស្សដែលខ្លួន ស្រឡាញ់ហើយគឺយើងពិតជាចង់បង្ហាញគេថា យើង
ស្រឡាញ់គេ នឹកតែគេម្នាក់ ពេលនោះហើយយើងនឹងមិនត្រូវការអ្នកណាផ្សេងនៅក្បែរក្រៅ
ពីគេម្នាក់នោះឡើយ។

ស្នេហាពិតជាមានឥទ្ធិពលខ្លាំងណាស់ វាអាចកែប្រែមនុស្សបាន អាក្រក់ក្លាយជាល្អ ខ្មៅក្លាយ
ទៅជាស តែបើមនុស្សខ្វះការពិចារណា ស្នេហាក៏អាចធ្វើឲ្យសទៅជាខ្មៅក៏ថាបាន រហូតមក
ស្នេហាក៏អាចសម្លាប់មនុស្សបានដែរ។ ដូច្នេះហើយមុននឹងមានស្នេហាគួរតែចេះពិចារណាឲ្យ
បានច្បាស់លាស់ជាមុនសិនទើបជាការប្រសើរ។

ភាពកក់ក្តៅ សប្បាយរីករាយ មានជំនឿជាក់លើខ្លួនឯង នឹងកើតមានឡើងនៅពេលមាន
ស្នេហាមួយដ៏ល្អ មានន័យថា គេទាំងពីរនាក់ស្រឡាញ់គ្នាពិត ស្មោះត្រង់ ពេលនោះហើយ
ទោះបីជាស្ថិតក្នុងស្ថានភាពបែបណា ក៏ទាំងពីរនាក់សប្បាយចិត្ត ហើយគិតថាពិភពលោក
នេះស្រស់ស្អាត និងមានន័យជាទីបំផុត។

គ្មានអ្វីសប្បាយចិត្តជាងមានសង្សារដ៏ល្អម្នាក់នៅក្បែរខ្លួនយើងឡើយ ហើយក៏គ្មានអ្វីដែល
ពិបាកចិត្តជាងពេលដែលគេ ទៅចោលយើងដែរ។ អ្នកខ្លះគិតថា គ្មានអ្វីសប្បាយជាងមាន
លុយច្រើន ពិតណាស់លុយអាចធ្វើអ្វីៗបានទាំងអស់ លុយអាចទិញក្តីស្រឡាញ់ ប៉ុន្តែលុយ
មិនអាចទិញស្នេហាបានឡើយ។ លុយមិនអាចទិញឧត្តមគតិរបស់មនុស្សបានឡើយ ។

សរុបសេចក្តីមក មានសង្សារ មិនអាចធ្វើឲ្យមនុស្សចាកឆ្ងាយពីភាពឯកាបានឡើយ តែអ្វី
ដែលអាចជួយយើងបាននោះគឺ ស្នេហា។ ចូរព្យាយាមថែរក្សាមនុស្សដែលខ្លួនស្រឡាញ់ កុំ
ឲ្យកើតមានវិប្បដិសារីនៅពេលយើងបាត់បង់គេ ពេលនោះគឺវាហួសពេលហើយ ។ រីឯអ្នក
ដែលមិនទាន់មានសង្សារនោះ ក៏គួរតែធ្វើខ្លួនអោយបានល្អដើម្បីជាប្រយោជន៍នៅថ្ងៃ
ក្រោយ យ៉ាងហោចណាស់វាក៏គឺជាគ្រឿងអលង្ការសំរាប់លំអរបុគ្គលខ្លួនយើងផងដែរ៕

ដកស្រង់ពី៖ Aznin
ដោយ៖ រស្មី