CamNews

ប្រិយមិត្តចង់សាកល្បងទិញរបស់ប្រើប្រាស់នៅតាមប្រព័ន្ធអ៊ីនធើណែត ប៉ុន្តែនៅតែមានការ
ព្រួយបារម្មណ៍ជានិច្ច។ តួយ៉ាងដូចជាសំលៀកបំពាក់ជាដើម មិនដឹងថាតើសំលៀកបំពាក់
ដែលខ្លួនស្រលាញ់ពេញចិត្តនោះសមល្មមនឹងរូបរាងរបស់ខ្លួនដែររឺអត់? ប៉ុន្តែនៅពេលនេះអ្វី
ទាំងអស់នោះលែងចោទជាបញ្ហាសំរាប់លោកអ្នកទៀតហើយ។ ប្រព័ន្ធបង្កើតផែនទីរូបរាង
សំរាប់សារពាង្គកាយឈ្មោះថា Body Mapping របស់ក្រុមហ៊ុន Bodymetrics នឹងធ្វើការត្រួត
ពិនិត្យដោយស្វ័យប្រវត្តិលើទំរង់រូបរាងរបស់មនុស្សម្នាក់ៗបានយ៉ាងជាក់ច្បាស់និងអនុញ្ញាត
អោយធ្វើការសាកល្បងសំលៀកបំពាក់ទាំងនោះដោយមិនចាំបាច់ផ្លាស់ប្តូរទៀតផង និងបាន
គ្រប់ទីកន្លែងដែលមានផ្គត់ផ្គង់ប្រព័ន្ធអ៊ីនធើណែតទាំងអស់។
Body Mapping ប្រើប្រាស់នូវបច្ចេកវិទ្យា PrimeSense 3D sensor ដែលមានលក្ខណៈប្រហាក់
ប្រហែលគ្នានឹងឧបករណ៍លេង game ដែលអាចស្គាល់តាមរយៈកាយវិការរបស់ Microsoft
ឈ្មោះថា Microsoft Kinect ។ ឧបករណ៍ Body Mapping នេះនឹងធ្វើប្រតិបត្តិការវាស់ស្ទង់រូប
រាងរបស់អតិថិជនយ៉ាងជាក់ច្បាស់ល្អិតល្អន់ បន្ទាប់មកនឹងធ្វើការតភ្ជាប់ទៅកាន់បណ្តាហាង
លក់រាយទាំងឡាយ រួចក៏នឹងធ្វើការបង្ហាញនូវឈុតសំលៀកបំពាក់នៅលើអេក្រង់ដែលដាក់
នៅពីមុខពួកគេនោះ។ Body Mapping ត្រូវបានរកឃើញតាំងតែពីប៉ុន្មានឆ្នាំមុនមកម្ល៉េះ ហើយ
ក៏នឹងត្រៀមខ្លួនធ្វើចរាចរនៅក្នុងទីផ្សារក្នុងពេលដ៏ខ្លីខាងមុខនេះផងដែរជាមួយតំលៃ ១៥០
ដុល្លាអាមេរិកក្នុងមួយគ្រឿង។



ពិភពនៃអ្នកឯកទេសខាងវិភាគបានអោយដឹងថា Body Mapping គឺជាអនាគតថ្មីមួយខាងផ្នែក
វិស័យឧស្សាហកម្មទិញដូរ ខណៈពេលដែលអ្នកប្រើប្រាស់អាចធ្វើការងារគ្រប់យ៉ាងនៅឯ
គេហដ្ឋានរបស់ខ្លួន ដោយមិនចាំបាច់ទៅដល់ទីកន្លែងដោយផ្ទាល់នោះ៕