ក្រុមហ៊ុនអាមេរិក បញ្ចេញស្មាតហ្វូនស្ដើង តម្លៃ ១៣៩ដុល្លារ ប្រើ Windows Phone 8.1
ស្មាតហ្វូន Yezz Billy មួយគូដែលដំណើរការដោយ Windows Phone 8.1 នឹងមានតម្លៃ ១៣៩
ដុល្លារ និង ២៤៩ដុល្លារ នឹងត្រូវបានដាក់លក់នៅចុងខែឧសភាខាងមុខ។
កន្លងទៅនេះ DDM Brands (ក្រុមហ៊ុនផលិតទូរស័ព្ទដែលមានមូលដ្ឋាននៅអាមេរិក) បាន
បញ្ចេញស្មាតហ្វូន ២ប្រភេទ ដែលមានតម្លៃទាបគួរឱ្យចាប់អារម្មណ៍។ ស្មាតហ្វូនទាំងនេះ មាន
ឈ្មោះថា Yezz Billy ដំណើរការដោយ Windows Phone 8.1 ។ ក្នុងនោះ Yezz Billy 4.7 ត្រូវ
បានគេចាត់ទុកថា ជាម៉ូដែលប្រើ Windows Phone 8.1 ដែលស្ដើងបំផុត មិនធ្លាប់ត្រូវបាន
ឧទ្ទេសនាម ពីមុនមក ដោយសារមានកម្រាស់ត្រឹមតែ ៧,២ម.ម ។
ស្មាតហ្វូន Yezz Billy 4.7 នេះ មានអេក្រង់ ៤,៧ inch រីសូលូសឹន 720p ប្រូសេសឺរ quad-core
Qualcomm Snapdragon និងកាមេរ៉ា ១៣ megapixel ព្រមទាំងអាចដាក់បានស៊ីម ២។ ចំណុច
ពិសេសរបស់ Yezz Billy 4.7 គឺសម្បកធ្វើអំពីអាលុយមីញូមទាំងស្រុង ហើយមានពណ៌ចំនួន
៣ សម្រាប់ជ្រើសរើស គឺ ស ក្រហម និងទឹកសមុទ្រ។ Yezz Billy 4.7 មានតម្លៃ ត្រឹមតែ ២៤៩
ដុល្លារ។
ទន្ទឹមនឹងនេះ កំណែ Yezz Billy 4.0 មានគ្រឿងម៉ាស៊ីន ប្រភេទទាបជាង Yezz Billy 4.7 ក្នុង
នោះ អេក្រង់ត្រឹមតែ ៤ inch កាមេរ៉ាក្រោយ ៨ megapixel និង ប្រូសេសឺរ quad-cour ។ ស្មាត
ហ្វូននេះ នឹងត្រូវបានលក់ក្នុងតម្លៃ ១៣៩ដុល្លារ។
ក្រុមហ៊ុន DDM Brands បានឱ្យដឹងថា ស្មាតហ្វូនទាំង ២ប្រភេទនេះ នឹងត្រូវបានដាក់លក់ នៅ
ចុងខែឧសភានេះ នៅលើទីផ្សារមួយចំនួន របស់អាស៊ី អាមេរិកខាងត្បូង និងសហរដ្ឋអាមេរិក
ផងដែរ។
ប្រែសម្រួលដោយ ៖ តារា
ប្រភព ៖ PhoneArena/Twice
- ទូរស័ព្ទ Windows Phone អាចបញ្ជាកុំព្យូទ័រ ពីចម្ងាយ ដោយកម្មវិធី Remote Desktop (25/04/2014 09:35:00)
- រូបភាពពិតរបស់ Lumia 930 តម្លៃ ៥៩៩ដុល្លារ ជាកំណែអន្ដរជាតិរបស់ Lumia Icon (03/04/2014 17:30:00)
- Nokia ឧទ្ទេសនាម ស្មាតហ្វូនតម្លៃទាប Lumia 630 និង Lumia 635 ជាមួយ Windows Phone 8.1 (03/04/2014 11:21:00)
ទូរស័ព្ទ ដែលមើលច្រើន
